هاوکارییەکەت تەنها کلیک کردنە لەسەر ئەو سمبولانەی لای خوارەوەیە بۆ ئەوەی بگات بە هاوڕێکانت.

بەخێرێ کوردستانى نوێ تاقە ڕۆژنامەیە، کە گرنگى و بایەخ بە ئەدەب و هونەر و کەلتور و فەرهەنگ ئەدات، کوللی شەموانێک پێش ئەوەى دەست و چاومان بشۆین پاشکۆیەکى تایبەت بەناویى (ئەدەب و هونەر) ئەخاتە بەر دیدە و چاومان، کە موتەئەکیدم ستافێکى قەبەو زل و پڕ لە ئەدەوات و ئیمکانیاتى سوحوفى بۆ تەخێیێ کراوە. چەندەها کامێراى دیققە بەرز و پەیامنێرى تایبەت و سەیارە و تڕ و تفاق و ستافى خۆى هەیە. کەچى بۆ خەبەرێکى ئاوا فەنى و گەورەى شار، تاقە یەک کەسیان نەبووە کە ئەرک بکێشێت و بڕوات 500 دینار بات بەپاێ و بچێتە گەلەرى زامواو ئەو فەعالیات و موناسەبەیە تەختیە بکات و، یەک دوو رەسمى جوان و زەریفیش بگرێت. لەبڕى ئەوە هەستاوە ئەو خەبەرەى لە سایتێکى تر بەقەرز وەرگرتووە، بیدایەت وام ئەزانى کە ئەو مەراسیم و ئیحتیفالە لە خاریجى کوردستان و ئەوپەڕى دونیایە، لەبەر حەزرڕِى جەوى و نەبوونى تەیارە لەمەتاڕەوە، نەیانتوانیوە حزوریان هەبێت، بۆیە دەقا و دەق و بەنوقتە و فاریزەوە ئەو خەبەرەیان لەsnn وەرگرتوە.
دواى موتابەعە و پرسیاریش ئینجا حاڵى بووم کە ئەو سایتەى کە خەبەرەکەى لێ کۆپیکردوە، محەلییە و لەناو شارى سلێمانى دایە. دەى ئەوەیان بەهەر سورەت. ئادەى لوتف بفەرمون بەچاوى موشتەرى تەماشایەکى ئەو رەسمە جوان و فول hdیانە بکەن کەبڵاویان کردۆتەوە. ئینسان عانێک سەیریان ئەکات، شێت و دەهرى ئەبێت، وا هەست ئەکات عەدەدە بیداییەکانى کوردستانى نوێ ى ساڵى (1991) ئەخوێنێتەوە و. میللەت لەژێر حیصاردایە، هەموو حدودەکان داخراون، کوردستانى نوێش لەهەمووتەکنیک و کامێرا و کەلوپەلێکى میدیایى مەحرومە،و چەشنى سەردەمى شاخ بە کەرەستەو ئەسبابى بیدائى و سادە و ساکارکاردەکەن. خۆ گەر بێت و کەسێک زەینى باش نەبێت و پێشتر بەدیدارى ئەو بەڕێزانەى ناو و، وێنەکان شاد نەبوێت و نەیناسیبن، بڕوا بکەن بەسیلەى رەحمیش تاقە یەک کەسیشیان ناناسێتەوە!
گوتمان قەیرانە، گوتمان کێشەى داهات و بودجەمان هەیە ئامەنتو بیلا، بەڵام خۆ ئەوە هیچ عیلاقەى بەو مەوزوعەوە نى یە، تەنها رەبتى هەیە بەزەوق و سەلیقە و موتابەعەى ئەو جەریدەیە و موحەڕیر و رەئسى تەحریر و مەنسولى لاپەڕەکەوە. من وەکو خۆم ئیستیعدادم تیایە گەر هەرموناسەبە و میهرەجان و فعالیاتێک هەبێت بەمۆبایلى خۆم رەسمى زۆر لەوە جوانتریان بۆبگرم و بەتێر و تەسەلیش راپۆرت وزانیاریان لەسەرى بدەمى، کەزۆر زۆر لەوەى ئەوان باشتر و چاکتر و جوانتر بێت.گەر واش نەبوو هەقى خۆتانە چى خراپە پێم بکەن. بەس توخوا، ئەو کوردستانە نوێ یە، کەون مەکەن مە.

هاوکارییەکەت تەنها کلیک کردنە لەسەر ئەو سمبولانەی لای خوارەوەیە بۆ ئەوەی بگات بە هاوڕێکانت.