هاوکارییەکەت ئەمەیە: کلیک بکەرە سەر ئەم سمبولانەو، ئەم بابەتە بۆ هاوڕێکانت بنێرە.

خوێندکارانى زانکۆى جیهان .. ژمێریارى بە ئاى تى
ئەگەر ناسنامەى نەتەوە بریتى بێت لە خاک و زمان و فەرهەنگ و مێژوو … هتد ، ئەوا لەم نێوەندەدا زمان یەکێکە لە فاکتەرە هەرە بە هێزەکانى ناساندى نەتەوەیەک ، کاتێک کە دەڵێن عەرب یان تورک یان فارس ، ئەو وێنەیەمان لا دروست دەبێت کە بە چى زمانێک دەدوێن و لە چوارچێوەى کام خاکدا دەژى و خاوەنى چ مێژویەکە ، ئا لێرەوە ماوەیەکە میدیاکان و پەرلەمان سەرقاڵى لێدوانى کونسوڵگەرى ئێرانن ، کە وتویەتى زمانى کوردى سەر بە زمانى ئێرانیە ، دەکرێت ئەوانەى کە پڕۆفیشناڵن لە زماندا ، لە هەموو ڕوکانەوە ( ڕێزمان ، دەنگسازى ، واتا ) لێکى بدەنەوە و پاشان لە ڕوى مێژوییەوە بەڵگەى تەواو بدۆزنەوە کە زمانى کوردى سەر بە چ گروپە زمانێکە ، وە هەوڵ بدرێت ئاستەکانى گەشەسەندنى و شێوە زارەکانى دیارى بکرێت ، هەر لەم ڕوانگەیەوە زمانى کوردى ئەگەر چى تا ئێستا کورد نەیتوانیوە سەنتەرێکى ئەکادیمى فراوان دروست بکات ، تا لە هەموو ڕووەکانەوە لێکۆڵینەوەى لەسەر بکرێت ، ئەوەشى کە هەیە هەوڵێکى سەرەتاییانەیە بۆ ئەوەى بزانرێت زمانى کوردى مێژوەکەى بۆ کەى دەگەڕێتەوە ، لە کام زمان جیا بوەتەوە ، هەر چەندە بە هۆى داگیرکارى وڵاتانى باڵادەستى ناوچەکەوە هەوڵى سڕینەوە و توانەوەى زمانى کوردى دراوە ، یان نەیان هێشتوە بە پێ ى گۆڕانى سەردەم ئەم زمانى کوردیەش گەشە بکات ، تا ئەو ئاستەى زۆر ووشەى تورکى و فارسى و عەربى هەیە تا ئێستاش بە شێوەیەکى فراوان بەکار دەهێنرێت ، یان بە دیوێکى تردا لە بەرامبەر ووشەکانى زمانە گەورەکانى جیهاندا ووشەى تازە دروست بکرێت ، ئەمەش واى کردوە کە لە ڕووەکانى ( کیمیایى و فیزیایى و تەکنەلۆژى و پزیشکى و دەرمانسازى … هتد ..) زمانى کوردى زۆر لاواز بێت ، لێرەوە کاتێک کە زمانى کوردى دەچێتە بوارى خوێندنەوە دیسانەوە هەر پڕە لە کەم و کوڕى ، دەکرێت ئێستا ئەم پرسیارە بکەین … بۆچى کونسوڵگەرى ئێران دەڵێت زمانى کوردى سەر بە زمانى ئێرانیە .. ئایا هەر لە خۆیەوە ئەم قسە دەکات .. یان بەڵگەى مێژویى لایە ..؟
ئێمە وەک دو خوێندکارى زانکۆى جیهان ویستمان ئەم نوسینە بۆ پسپۆرانى تایبەت بە زمان و حکومەتى هەرێم و پەرلەمان بنوسین وە وەک پرسیار ئاراستەى لایەنى بەرپرسى بکەین ، کە پرسیارەکانمان لە دوو خاڵدا خوى دەبینێتەوە :
1. ئەگەر کونسوڵى ئێران مەبەستى لە داگیرکارییە تا بتوانێت لەم ئاماژەیەوە کورد بکاتە پاشکۆى زمانى ئێرانى و داگیرکارى مێژووى دووبارە بکاتەوە ، وە هەڵەیەکى گەورەى کردوە ئەوا ئێمە ( ئاگر ئەکرەم و بەختیار شارەزورى ) وەک دوو خوێندکارى زانکۆى جیهان ئاگادارتان دەکەینەوە ، کە یەکێک لەو وانانەى کە لە قۆناغى یەکەم و لە کۆرسى دووەمدا دەیخوێنین ( کۆردۆلۆجى ) ە ، بە پێ ى ئەم وانەیە بێت زمانى کوردى سەر بە زمانى ئێرانیە بە پێ ى ئەم نەخشەیە :
خۆ ئەگەر کونسوڵى ئێران لەو ووتەیەیدا هەڵەى کردوە ، کە دەڵێ زمانى کوردى سەر بە زمانى ئێرانیە ، ئەى کەواتە بە چى بەڵگەیەک سەر بە زمانى ئێرانى نیە و سەر بە زمانێکى ترە ..؟ ئەو کات دەبێت بەڵگەى سەلمێنراو هەبێت ، کە دەکاتە دژى ئەم وانەیەى کە ئێمە دەیخوێنین .
2. کە دەڵێت ( فارسەکانیش نەتەوەیەکەن لە نەتەوەکانى ئێرانى گەورە ) واتا بە پێى شێوازى خوێندنەکەى ئێمە قسەى کردوە … ئەگەر کونسوڵى ئێران مەبەستى بێت کە زمانى کوردى سەر بە زمانى ئێرانیایانە ، ئەوا قسەکەى تەواوە بە پێ ى وانەکانى کۆردۆلۆجى . خۆ ئەگەر مەبەست لە لایەنى سیاسى و مێژووى بێت وەک دەڵێت … ئەوا دەکرێت ئەمەیان بابەتێکى تر بێت ، ئەکرێت کاتێک کە دەڵێت ( این عناصر با تجلیل از دولت چندروزه کمونیستی مهاباد که در سال 1946 با هدايت و پشتیبانی دولت كمونيستي اتحاد شوروی توسط قاضی محمد برپا شد و سپس با قطع حمایت شوروی ، توسط حکومت وقت ایران سرکوب کردید تلاش می کنند تا افزون بر ملت سازی ، فرهنگ سازی و زبان سازی ، برای خود تاریخ سازی نیز نمایند در صورتی که حتی لهجۀ کردی زبان مستقلی نبوده و یکی از لهجه های زبانهای ایرانی آميخته به واژگان عربی ، ترکی ، فارسی و … است . )هەڵەیەکى مێژووى کردبێت ، ئەمەیان بابەتێکى ترە و قسەى ئەم باسەى ئێمە نیە ، خۆ ئەگەر لە بەشێکى قسەکانیدا لەگەڵ زمانى کوردى بێت و بڵێت سەر بە زمانى ئێرانیانە ئەوا بە پێ ى وانەکانى کوردۆلۆژى تەواوە .. بەڵام ئەگەر زمانى کوردى سەر بە زمانەکانى ئێرانى نەبێت ئەوا بۆچى دەبێتە شیوازێک بۆ خوێندن …؟
ئەمەش لینکى نوسینەکەى کونسوڵى ئێران لە سلێمانى …. کونسڵی ئـــــــــــــــــــــێران

 

هاوکارییەکەت ئەمەیە: کلیک بکەرە سەر ئەم سمبولانەو، ئەم بابەتە بۆ هاوڕێکانت بنێرە.