هاوکارییەکەت تەنها کلیک کردنە سەر ئەو سموولانەیە، تا ئەم بابەتە بگات بە هاوڕێکانت

 

بازاڕه‌کان ، هه‌ر زیاد ده‌که‌ن

له‌گه‌ڵیان .. ئازاره‌کانیش

ته‌لاره‌کان ، به‌رزتر ده‌بن

له‌گه‌ڵیان .. هاواره‌کانیش

گیرفانه‌کان ، قوڵتر ده‌بن

له‌گه‌ڵیانا زامه‌کانیش

شه‌قامه‌کان ، چڕتر ده‌بن

له‌گه‌ڵیانا

هه‌وره‌ بێ ئاکامه‌کانیش

شه‌وه‌کان ، بریقه‌دارتر ده‌بن

له‌گه‌ڵیان .. سه‌رابه‌کانیش

خه‌وه‌کان ، قرچۆکتر ده‌بن

له‌گه‌ڵیانا

گزنگی ده‌مه‌و به‌یانیش

مروه‌ته‌کان ، سڕتر ده‌بن

له‌گه‌ڵیان .. نه‌ستی یارانیش

گه‌نجینه‌کان ، پڕتر ده‌بن

له‌گه‌ڵیانا

جامی سه‌بری نه‌دارانیش

یه‌کی ئایاری2013

 

هاوکارییەکەت تەنها کلیک کردنە سەر ئەو سموولانەیە، تا ئەم بابەتە بگات بە هاوڕێکانت