هاوکارییەکەت تەنها کلیک کردنە سەر ئەو سموولانەیە، تا ئەم بابەتە بگات بە هاوڕێکانت

[1]
بارزانی: گەر عەبادی ئەمر بکا سەربەخۆیی ڕادەگەیەنین

وەختی خۆی لە کاتی ئاشبەتالەکەی بارزانی من کەوتمە رۆژهەلاتی کوردستان، ئەو کات نوکتەیەک هەبوو دەربارەی کوردانی رۆژەلات کە لێیان دەپرسین: ئەرێ بۆ ئێوەش وەک کوردی عێراق شۆرش ناکەن؟
وەلامی ئەوانیش ئەوە بوو: قوربان ئەگەر شا بفەرموێ شۆڕش دەکەین.
رەنگە ئەمە بۆ ئەوان نوکتەیەک بوو بێت. بەلام بیراوەژوو [موفارەقە/ ئایرۆنی ] ئەوەبوو کە بە ڕاستی بۆ شۆڕشەکەی ئێمە نوکتە نەبوو، دەقاو دەق وابوو! کەچی ئێمە گاڵتەمان بە ئەوان دەکرد!..
ئەو کاتیش ٪100 شۆڕشەکەی ئێمە بە ئەمری شای ئێران بوو.شا خۆی فەرمووی بەلوعەیەکە هەرکاتێ ویستم بیگرمەوە ، دەیگرمەوە.. کە فەرمانیشی دا بیگرێتەوە، ئاشبەتاڵی پێکرد. تەواوی سالەکە هەمووم بە چاوی خۆم دی. من ئەو کاتیش سەدی سەد ئەمەم دەزانی لاشم مەتەلێکی كوشندە بوو بۆچی ئەو هەموو خەلکە لە سەمای مەرگ دان. کەس نابینێ، ناپرسێ، بیر ناکاتەوە.
هیچ شوێنێ نەبوو هیچ بلاو بکاتەوە. گۆڤاری ( نووسەری کورد) لەوێ یەک دوو ژمارەی لێ دەرچوون. وتارێکم بۆ ناردن بە ناونیشانی: ئیستاتیکای خوێن: کورد هەر بۆ مردن دەمرێ. روونم کردبۆوە کە لە مەرگ و وێرانی زیاتر، ئەو شۆرشە ئێرانییە ئەنجامێکی دی نابێت. ىێگومان بلاویان نەکردەوە.
موخابن کەس هیچ بیرەوەرییەک نانووسێتەوە، راستییەک بۆ نەوەکان نادرکێنێ، بێ بیرەوەری، ىێ میژووی راستەقینەی رووداوەکان و شیکاریی زانستی بابەتی، ئەم گەلە هەر جار لە دوای جار گومرا دەبێت، لە ئاشبەتالەوە چووین بەرەو ئەنفال، لە ئەنفالەوە بەرەو سیویەکی ئاب و لە وێشەوە بۆ جێنۆسایدی شەنگال.

ئێستاش دوای 42 ساڵ کورەکەی بارزانی هەمان شت دەکات.
دوای ڕیفراندۆمەکەی بۆ سەربەخۆیی و ڕاگەیاندنی دەوڵەت دەلێ: تا عیبادی نەفەرموێ ئێمە یەک هەنگاو بە بێ بەغدا نانێێن.
بەلام بارزانی رۆژێک پێش ڕیفراندۆم وتی: ئێستا پرسی سەربەخۆیی لە دەستی من و حیزبەکانیش دا نەماوە، پرس و خواستی گەلی کوردستان و شەقامی کوردییە.
ئاخۆ ئەوانەی بۆ سەربەخۆیی دەنگیان دا، لە دەنگی خۆیان دەپرسنەوە، داخۆ دەپرسن یان دەترسن؟
من بوختان ناکەم برا، ئەمە راگەیاندنی سەفین دزەیی دەربارەی کۆبوونەوەی ئەمڕۆی بارزانی لەگەڵ عەلاوی و نوجەیفی.
سەفین دزەیی: ئیقلیم بەشێکە لە عێراق و هەرێم هەیچ هەنگاوێک نانێ لە داهاتوودا بە رازیبوونی عەبادی نەبێت و هێچ بە بێ موافەقەتی مەرکەز ناکەین

اکد المتحدث باسم حکومە اقلیم کردستان سفین دزەیی ان الاقلیم و بشکل رسمی ما زال جزء من العراق و قال ان الاقلیم لن یخطو ایە خطوە فی المستقبل الا عن طریق المحادثات مع الحکومە الحتحادیە فی بغداد و التی یراسها حالیا حیدر العبادی.[ المصدر< نشرە اخبار الحصاد قنات دجلە]

[2]
گوزەشت تازە گوزەشت ئەم چەواشەکارییانە بوونە چش
خەندان: سزاكان هەڵدەگیردرێن” فواد حسێن: بارزانی و جێگرانی سەرۆك كۆمار رێككەوتن
هەوالی سەخیف و چەواشەکار لە کەسانی هەمیشە سەخیف و چەواشەکارەوە.
ئەوانە مانای دەستوورو سیستم و ئەخلاق نازانن
ئێستا پەرلەمانی عێراق دەورێکی زۆر بڕیاردەر و کاریگەر دەبینێ کە دەشێ بەراورد بکێ بە دەوری کۆنگرێسی ئەمریکی
تەنانەت عەبادی ش ناتوانی هیچ بریارێک بی گەرانەوە بۆ پەرلەمان بدا هەر وەک چۆن دۆنالد ترامپ ناتوانێ هیچ بریارێک بی کۆنگرێس بدا،
عەبادی و حکومەت ئێستا تەنیا دەوری تەنفیزیی دەبینن کە لە سیستمی دیمۆکراتییدا دەبێ وا بێت نەک وەک لە بەربەرستانی خۆمان کە سەرۆکخێڵ بتوانێ بە شەقێک پەرلەمان بکوژێ، بە شەقیكی تر دوای دوو ساڵ زیندووی کاتەوە.
ئەم جێگری سەرۆکانەی لەم هەوالەدا باسیان کراوە، نوجەیفی سوننی و عەلاوی، کۆنەبەعسی و تازە داعشیین و کەس حیساب بۆ فشەکانیان ناکات
راستیی ئەمانە بوون کە بارزانی یان تووش کرد
لەگەل ئەفسەر و بەعسییەکانی 31 ی ئاب پێکیان شاد کردنەوەو بەرنامەی کۆدیتای سوننە و کوردیان دژی شیعە دانا
ئەم سزاهەڵگرتنە [ لە جیاتی راگەیاندنی سەربەخۆیی و دەوڵەت] تەنیا لە خەیالی نەخۆشی ئەو کۆیلە خۆفرۆش و شەرەففرۆشانە دایە کە دەیان جار وتوویانە ئۆباما و دەیان دەولەت پشتگیریی سەربەخۆیی دەکەن و دەبین بە دەولەت کەچی تەنیا سەرسەرییەکی سەهیۆنی بیرنارد هێنری لیڤی کە دنیا وەک قاحبەباز [پلەیبۆی] دەیناسێ بوو بە هەلگری پەیامی سەربەخۆیی
کە پۆتین بەمەی زانی یەکسەر هەڵویستی خۆی گۆڕی چونکە ئەو گەوادە بوو هەرای لیبیا و ئۆکرانیا و جۆرجیای دروست کرد و دوژمنی سەرسەختی روسیا و هەموو بیرێکی چەپە و حەقدی یەهودییانەی عونسوری بەرامبەر ئیسلام هەیە.
هۆیەکی گرنگی توندبوونی هەڵوێستی ئەردۆگان ئاشکرابوونی دەوری ئەم فەیلۆگەوادە و وەزیری دەرەوەی پێشووی فەرەنسایە کە جوولەکەیە.
ئەمەبوو بەرهەمی زیاتر لە دە ساڵی دەیان راوێژکاری کۆیلەو خۆفرۆشی بارزانی کە وەک قۆندەرە سەریری کردوون بەڵام ئەوان زۆر خۆیان لەوە بە کەمتر زانیوە شەرەفی ئەوەیان هەبیت ببنە قۆندەرەی بارزانی. هەمیشە ویستوویانە تەنیا خۆلی بن پێلاوەکەی بن.و بی قڕە مووچەکەیان بخەنە باخەڵەوە

[3]
وتارێکی توند و خەتەرناکی مالکی
کەنالی دیجلە/ 06-10
1- پرۆژەی جیابوونەوە ئەمرۆ و ئەمسال نییە، چوار سالە کاری بۆ دەکرێ
2- پرۆژەیەکی ئیسرائیلییە و بۆ جیگیرکردنی ئیسرائیل لەم ناوجەیەدا
3- هەموو بەهانەو هەراکان لە ئەربیل ەوە بوون
4- داعش پرۆژەیەکی ئەمریکی بوو کە بارزانی دەوری گەوەری تێدا بینی، پێش راگەیاندنی داعش [غرفە عملیات ] یان لە هەولێر بوو.
5- مەسعود بارزانی دەوری هەبوو لە هاندانی سوننەکان بۆ اعتصام
6- گەر یەک مانگ ئەم گەمارۆیە بەردەوام بێ هەرەس دێنن
7- ئێمە دوژمنی کورد نین ئەوانێش زیان دەکەن پارەی نەوت دەبەن و مووچە نادەن. نەوتەکە بدەن بە ئێمە سەدی حەڤدە دەدەین و مووجە دەدەین.. پارەی نەوت بۆ کوێ دەروا؟ ئێمە جیاوازی دەکەین لە نێوان گەلی کورد و حکومەتی کورد ئەوان دەیانەوێت شەری قەومی عەرەب و کورد دروست کەن کە زۆر خەتەرناکەو ڕێگەی پێنادەین.
8- ڕێگا نادەین شیمالی عێراق ببێتە دەولەتێکی ئیسرائیلی
9- داوا لە عەرەبی دیالا دەکات وەک مەندەلی ئینتیفاضە دژی کورد بکەن

[4]
پۆتین بە دەستی خۆی جا بۆ مەلیک سلێمان تێدەکات ئەوسا دکتۆرای فەخری دەداتێ!
دەولەتان و دەولەتمەدارانی مۆدێڕن پێش ئەوەی بچووکترین کارێک بکەن دیراسەی هەموو لایەکی دەکەن، ورد و درشتی لێک دەدەنەوە و پرۆسەی وتار و رەفتار و کرداری لەبار بە پێی پێداویستی کارەکە دادەنێن.
هەموو دەزانن پاشای سەعودیە نموونەیەکی دیاری عەقڵی عەرەبی خێلەکییە کە لە لای خۆشمان هەیە:
لای ئەوان پێوەندی شەخسی و ئەتەکێت و رێزلێنان و بایەخپێدان بە قەدەر [ ئیگۆ] یان خودی خۆپەرستانەیان لە پێش سیاسەت و واقیعییەت و دیپلۆماسییەتەوەیە.
من دڵنیام پۆتین بەو هەموو ئەزموونەی لە کەی جی بی و سیاسەت و پێوەندی جیهانیی هەیەتی، تەواو لە ڕووی سایکۆلۆژییەوە دیراسەی مەلیک سلێمانی کردووە ئەوسا بەرنامەی پێشوازیی و چۆنێتیی ڕەفتاری خۆی لەگەڵی داناوە.
پۆتین بە دەستی خۆی چا بۆ مەلیک سلێمان تێدەکات
عەقلی عەرەبی خێڵەکیی و خێلەکانی خؤشمان ئەوەیان لا گرنگە و بە لوتکەی شەرەفپێدانی دەزانن
لای گەلانی دیمۆکراتی و عەقلانی لوتکەی شەرەفپێدان ئەوەیە، کە بانگی بکەن بۆ پەرلەمانەکەیان و رێگەی بدەن وتەیەکی مانابەخش بۆ پەرلەمان کە نوێنەری هەموو گەلەکەیە پیشکەش بکات و لەلایەن پەرلەمانەوە ڕێزی بگیرێت، بەلام سەرخێڵەکان کەی مانای پەرلەمان و سیستم و عەقڵ و زانست و دیپلۆماسیەت و ئەخلاق دەزانن؟
سەرنج دەن خێڵکەی خۆمان چۆن پێشوازی سیاسەتمەدارانی لوتکەی دنیایان کردو . چۆن خێلەکییانە وەک ئاهەنگی عائیلی پێشوازی فشەفەیلەسوفێکی سەرسەری سەهیۆنیان کرد کە ناوی بێرنارد ‌هینری لێڤی کە لە ئەوروپا ناوی [پلەیبۆی] هەیە کە زۆر لە ناوی گەواد بەدترەو بە مانای سەرسەرییەکی قاحبەباز دێت کە فیعلەن ئەوەیە.

[5]
سوننەکانیش داوای ئیقلیم و ریفراندۆم دەکەن، کوردستان سوننەستانی عەرەبییە

كێ وا دەڵێ و خەم دەخوا کە سوننە یەک نین بۆ دروستکردنی ئیقلیمەکەیان؟
یەکگرتووی ئیسلامی.
رەنگە زۆر کورد بە تایبەتی ئەوانەی لەگەڵ ڕیفراندۆمە لە باربەرەکەی سەربەخۆیی بن بلێن ئەمە شتێکی باشە.
دوو ساڵ لەمەوبەر ناوەکەم لە بیر نەماوە سەرکردەیەکی سوننەکان وتی: ئەوە دوو ملێۆن عەرەبی سوننی لە هەولێرو شارەکانی تری شیمالە، کەواتە ئەوانیش بوونە سوننەستانی عەرەبیی! و بە دڵنیایی یەوە بەم ئاقارە کار دەکەن.
ئێستا دروستکردنی خەتی بازرگانیی و نەوتیی سەربەخۆ لە موسڵ لە گەڵ تورکیا ئەم ئامانجە دووربینەی هەیە، بۆیە کورد چالی ئەنفال و مەرگ بۆ خۆی هەڵدەکەنیت. گەر هاوپەیمانی لەگەڵ شیعە تێکدا و شەڕی جوولەکەش دژی ئێران بکات، کە ئەمە ئامانج و کاری ئیخوانییە خۆفرۆشەکانی یەکگرتووە.
گەر ئەو هەرێمە دروست بێت حەتمەن شەر لەگەڵ سونننیەکان لە سەر خاک و ناوچە و نەوت دروست دەبی ئەو کاتە بێگوما ن کاکە موسەننا و عەلی قەرەداغی و ئەردۆگان و مەلیک سلێمان و قەتەرە حەیاتەکەو ئیخوانەکانی دنیا و لە پشتیانەوە سی ئای ئەی لەگەڵ سوننەکان دەبن.
هەزاران سوننی لە کوردستان خۆیان دەتەقێننەوە تا ئیرادەی خۆیان فەڕز دەکەن.
لە ناو مێشکی هەموو سوننیەکی عەرەب داعشێکی شاراوە هەیە.
کاتی ئەوەشە جاشەکانی ئەردۆگان لە کوردستان، موحاسەبە بکرێن

[6]
هەڕەشەکانی ئەردۆگان خەریکە دەبنە جددی
دوای کۆبوونەوەی لەگەڵ روحانی و رێککەوتنیان دژی کورد لە هەموو پارچەکاندا و ناونانی پەکەکە بە تێۆریست لە لایەن هودووکیانەوە. ئێستا لەوە دەجێت هەڕەشەکانی ئەردۆی فاشێست جددی بن ئەو دەلێ:
ئەوە رێگای ئاسمانمان لێداخستن؟
ئەوە رێگای زەمینیی و دەروازە سنوورییەکانیش دادەخەین، جا ئەمجار چ دەکەن؟ لە سەرووتان تورکیا، لە رۆژاوا سوریا، لە رۆژهەلات ئێران، لە خواروو عێراق.. بۆ کوێ دەچن؟
چۆن لە هەرێم دەردەچن و بۆی دەچن؟ ئەم رەفزە پێوەندی بە کوردەوە نییە.. ڕیفراندۆم بێ راوێژی ئەنقەرە کرا.. ئەمە خیانەتە لە یەکێتی خاکی عێراق]
بەلام نێجیروان وتی بۆ دوو مانگ هەوڵم دا بچم بۆ ئەنقەرە باسی ڕیفراندۆمیان لەگەڵ بکەم رێگەیان نەدا.
باشە ئەمە یانی چی؟ گەر ڕیگە نەدا هەر باسی بکەن، چۆن قبوڵی دەکا؟.
نالێم نەتانکردایە ئەوە کرا، بەلام دەبوو بە دیلێکی ترتان بدۆزیایەوە بە ناو ئەو چوار سنوورەی ئەردۆگان باسی دەکا تێنەپەڕن و یەکسەر بچن بۆ سەر مانگ و لەوێوە نەوتەکە بۆ ئیسرائێڵ بنێرن. خۆ ئیسرائێل لە زانست و تەکنۆلۆجیدا پێشکەوتووە و ئەمەی بە ئاسانی لە دەست دەهات. بێخەمیی خۆتانە ئەم میللەتەشی تووش کردووە.
وقال أردوغان، اليوم الخميس، مخاطبا سلطات كردستان العراق: “ماذا ستفعلون الآن؟ فمن الشمال تركيا ومن الجنوب حكومة بغداد ومن الغرب سوريا ومن الشرق إيران”.
وتابع: “إلى أين ستذهبون؟ وكيف ستدخلون وتخرجون من الإقليم؟ وقد أغلق المجال الجوي وقريبا ستغلق المعابر البرية أيضا”.
وأكد الرئيس التركي رفض أنقرة لاستفتاء كردستان، مشيرا إلى أن “هذا الرفض لا علاقة له بالأكراد، وإنما مرده أن الاستفتاء جرى دون مشاورة أنقرة، وفي وقت يحتاج فيه العراق إلى الوحدة، فهذا الاستفتاء خيانة لوحدة الأراضي العراقية،

[7]
بارزانی لە ناو مەنجەڵەکەی خۆیدا دەکوڵێنن
یەکێک لە بەناوبانگترین شارەزای رۆژهەلاتی ناوەراست لە وتارێکی لە ئار،تی [روسیا ئەمرۆ] دا نووسیوێتی::
ئەوەی بارزانی کردی ئینتیحاری سیاسییەو کوردستان بەرەو هەرەس دەبات
وەک ئەوە وایە کەسێک پەتەکەی بەدەستەوە بدەی چەند دەیەوێت بە ئارەزووی خۆی ڕایکیشێت دوایی خۆی پێبخنکێنێت
پێویست بە هێزی سەربازیی ناکات ءێران وتورکیا و عێراق بارزانی لە ناو مەنجەلی خۆیدا دەکۆلێنن
هەڕەشە سەربازییەکانی بارزانی دەربارەی کەرکوک و جێناکۆکەکان لە فشەیەکی بەتاڵ زیاتر نین
هەولیر یەکێکە لە گەندەلترین شاری دنیا.
[تەواوی ئەم وتارە لە دەرفەتێکدا تەرجەمە دەکەم]

[8]
بانگەوازێک بۆ یەکێتی و گۆڕان و کۆمەڵ
1- گەر هەلبژاردن بکرێ بەیەکەوە یەک لیست بە بەرنامەیەکی کوردستانی و دەستوورێکی دیمۆکراتییەوە دروست بکەن و بچنە هەڵبژاردنەوە
2- هەڵبژاردن ببێ و نەبیت خیڕا حکومەتێکی بەدیل دروست بکەن چونکە مەجلیس قیادەکەی بارزانی بە مردوویی لە دایکبووەو حکومەتەکەی نێچیڕیش پەکی کەوتووە.و کەس ئیعتیرافی پێ ناکات.
3- گەر ئەم بەرەو حکومەتە دروست بکەن عیراق و ئێران و تورکیاو کۆمەلگای نێونەتەوەییش دانوستاندنتان لەگەڵ دەکاو هەرێم و ناوچە کوردییەکانی دەرەوەی هەرێم و دەستکەوتەکانی کورد لە مەرکەز و دۆستایەتی کورد و عەرەب دەپارێزن کە ئەمە دەسکەوت و ئامانجی مام جەلال بوو
4- دڵنیا بن تازە عێراق، ئێران وتورکیا و کۆمەلگای نەتەوەیی دانوستاندن لەگەڵ بارزانی ناکات. تکایە داوای لی بکەن بۆ بەرژەوەندی کورد ئیستیقالە بکات.
5- عەبادی کەسێکی هێمن و عەقلانیی و دیمۆکراتییە با پەرلەمانتارەکانی کورد هاوکاریی بکەن. لە ژێر فشاری یەمینی و شۆڤێنیەکاندا گەر ئەم کارە نەکەن ئەویش زیاتر و زیاتر بەرەو هەڵوێستی توند پاڵ دەنرێ. بە تایبەتی کە هەڵبژرادنی لە پێشە
لە دنیادا کەسمان لەگەڵ نییە و ئەمە تاکە ڕێگایە.
تکایە دوای مەخەن هەر ئەمرۆ کۆبوونەوەیەکی سێ قۆڵی ڕێک خەن
جەماوەر پشتیوانیتان دەکات.

[9]
هاتنەوەی مالکی
هەڵبژاردنەوەی مالکی بە سەرۆکی تحالفی وطنی ئاکامێکی خراپی ڕیفراندۆمەکەیە. ئەمە هەڵوێستی عێراق بەرامبەر پرسە کوردییەکان وەک ناوچەکانی کوردستانی دەرەوەی هەرێم و پرسی نەوت توند تر دەکاو ئەگەری بەکارهێنانی هێز زیاتر دەبێت .. بە تایبەتی بەرامبەر بارزانی کە ئەو دژایەتییەکەی ئەوەندە کردە شەخسی کە بلی: ئەگەر مالیکی ببێتەوە سەرەک وەزیران من یەکسەر دەولەتی کوردی رادەگەینم.
بەداخەوە لەم کاتەدا مام جەلال کۆچی کرد کە بە ئاسانی دەیتوانی ئەم کێشانە بە سیاسەت و دیپلۆماسی چارەسەر کات بە بێ ئەوەی زیان بە بەرژەوەندی کورد نەک لە باشوور بەلکو لە هەموو پارچەکاندا بگەیەنێت، بە پێچەوانەوە بارزانی لە پێناو دەسەلاتی ئەبەدیی بنەمالەکەیدا هەمیشە ئامادە بووە قوربانی بە هەر ٤٠ ملیۆن کوردەکە بدات بە ەمەرجێ هەزار پیاوەکە قازانج بکەن، بروا بکەن هەموو کارەساتەکانی ٥٠ سالی رابردووی کورد ئەنجامی ئەم بیرکردنەوەیە بووە. بەلام هەموو شتێک، هەر هەموو شتێک، کۆتایی هەیە.

[10]
کورد لە نیوان روسیاو سەهیۆنییەکی سەرسەرییدا
مەلیک سەلمانی سەعودیە بۆ یەکەم جار زیارەتی روسیا دەکات و چاوەڕوان دەکرێ ڕێکەوتنی ستراتیجی مۆر بکەن
پۆتین: دۆستایەتی هەمیشەیی نێوان سەعودیە و ئەمریکا، نییە.. هیچ شتێک ئەبەدی نییە
ڕوسیای پۆتین قازانجکەریی یەکەمە لە رۆژهەلاتی نیوەند و دنیاش دا
ڕاستە دەبێ ‌هێزت هەبێ بەلام عەقڵ پێش هێزە و، هێز لە عەقلەوە [زانست و تەکنۆلۆجی و حیکمەت] دێت، بەلام عەقلی بێ هیزیش مایەپووچە.
سەعودیە خەبەری بۆوەو دەزانێت ئامانجی قۆناغی داهاتووی بەهاری عەرەبی ئیسرائیلی – ئیخوانی یە. حوثی یەکانێش لە ناو خاکی سەعودیەشدا تەنگیان پێهەڵچنیوە، شەری یەمەن ئەمن و ئابوورییەکەی داڕماندووە. کەس ناتوانێ بیپارێزێت ڕوسیا نەبێت.
سەرنج بدەن بەرامبەر هەموو غەرب و سەدان گرۆی تێرۆریستی ئیسلامیی تورکیا، پۆتین ئەسەدی پاراست و سەریخست.
شیعەی عاقڵی ئیڕان قەناعەتیان بە ڕوسیا کرد بە شێوەی سەربازیی بێتە ناو سوریاوە. ئەوسا ئەوانیش بە رەسمی و ئاشکرایی لەگەل حیزبوللا چوونە ناو هاوکێشەی سوریاوە و بردیانەوە.
ئێران هیچ کارێک بێ پرسی روسیا ناکات. ئەوانیش هۆکاری یەکەم بوون بۆ ڕیکەوتنی ستراتیجی چەکی ئەتۆمی ئێران و هەڵگرتنی سزای دنیا لە سەریان.
ئەردۆگانیش ئەمەی دەزانی، بەلام بە ئەندامێتی ناتۆ و یەکێتی ئەوروپی و سی ئای ئەی هەڵخەڵەتا.
ئەردۆگان گەورەترین تاوانی بەرامبەر سوریا و خەلکی مسڵمان کرد، کە هەم لە لیبیا هەم لە سوریا بە خەستی لەگەڵ ئیخوانەکان راستەوخۆ پلانی سی ئای ئەی یان جیبەجێ کرد.لە میسریش کردیان، سیسی ڕێی لێگرتن.
دوایی زانی تەنیا پۆتین و روسیا رزگاری دەکەن بە تایبەتی دوای کۆدیتاکە.
هەر ئەم دوو حەفتەیە روسیا زیاتر لە هەزار چەکداری نوسرە و ئەحراری شامی لە ناو بردووە
ئیستا ئەردۆگان ئەمە بە سەرکەوتنی تورکیا و روسیا لە سوریا دەزانێ
جا گەر ئەردۆگانی مونافیقی ئیسلامی پشت لە هاوعەقیدەکانی خۆی بکاو بە قەتلوعامیان نیگەران نەبێت، چۆن پشت لە بارزانی ناکات، کە بە قسەی رۆژنامەنووسێکی هەرە ناوداری تورک وەک نۆکەر سەیری دەکات.
کوردی باشووریش دەبوو راوێژ بە پۆتین بکات و لە قسەی دەرنەجێت، کەچی راوێژکاری بنەمالە فشە فەیلەسوفێکە کە لە رۆژاوا زیاتر وەک گەوادو سەرسەری ناسراوە واتە بێرنارد ‌هێنری لیڤی کە دوژمنی هەرەگەورەی ڕوسیایە لە ئەوروپا. ئەم کابرایە بە قاژووی شەرو وێرانی ناسراوە.
وەک سەهیۆنییەکی پیس راستەوخۆ لەگەڵ مۆساد کار دەکاو لە هەلاوساندنی ئەم شەڕ و ویرانیانە بەشدار بووە:
1- شەری بۆسنیا
2- شەری جۆرجیا دژی ڕوسیا
3- كوشتنی قەزافی و وێرانکردنی لیبیا، خۆی لە لیبیا بوو بۆ ئاژاوەنانەوە.
4- بەرپاکردنی شەر و ووێرانی سوریا.
5- لە خۆپیشاندانەکانی ئۆکرانیا بۆ رووخاندنی حکومەتی سەر بە روسیا بەشدار بوو
6- سەهییۆنییەکی یەهوودی پیسەو حەقدێکی زۆری بەرامبەر ئیسلام هەیە
7- دوژمنێکی سەرسەختی مارکسیزم و بیر و هێزەکانی چەپە
8- هەوڵێکی زۆر دەدا هەرایەک لە روسیا بنیتەوە و وەک عەقیدە داوا دەکات کە ناتۆ لە روسیا بدات
9- ئەو بنەمالەی هەڵخەلەتاند کە بچیتە بەرەی سوننەوەو بە ناوی شەڕی دژی شیعە شەری کورد لە ناو عێراق و ئێرانێشدا هەلگیرسێنێت و هەرێمی کوردستان و رۆژهەلاتی کوردستانیش بۆ قانجی ئیسرائیل بە ئەنفالکردن بدات.
10- لەو کاتەدا کە بنەمالە شەنگال و دەشتی موسلی تەسلیم کرد، 20000 کوری ئێزیدی جینۆساید کران و 10000 ژن و منداڵ، کرانە کۆیلەی سێکس و لە دنیادا هەراج کران، ئەو فلیمێکی دەرکرد بە ناوی پێشمەرگە کە پالەوانەکی سیروان بارزانی و فازل مەتنین.
11- لە کاتێکدا بارزانی پەرلەمانەکەی خۆی ژێر پێداوەو ماوەی بەسەرچووە ناشەرعییە ئەو حکومەتی نێچیر دوای ئیسرائێل بە نموونەی دیمۆکراسی و عیلم و عەلمانیەت لە رۆژهەلاتی ناوەند دادەنێت
12- دوژمنایەتی شۆرشگێرەکانی رژاوا دەکات و یەکێک لە کارەکانی دەولەتی لیڤی بارزانی لە ناوبردنی دەولەتی کوردیی رۆژاوا دەبوو.
ئیستاش هیو اهەیە کە ڕوسیا دەورێکی مام ناوەندی بۆ پاراستنی کوردی رۆژاوا و زامنکردنی فیدرالی بە گفتوگۆ لەگەڵ رژێمی ئەسەد ببینێت. بەلام بۆ باشوور وەک هەموو دەولەتان خۆی بە یاسای نێونەتەوەیی یەوە دەبەستیتەوە کە هەق بە حکمومەتی عێراق دەدات وەک دەولەتی خاوەن سەروەریی و ئەندامی نەتەوە یەکگرتۆکان دەسەلاتی مەرکەز بە سەر ناوچەدا بسەپێنێت.

[11]
بۆ مەرگی مام جەلال
مامە دەمێکە خەمبار بووم بە مەرگت
گەرچی نەمزانی ماوی نەماوی
ئەوە کۆچت کرد.. جێگەی داخە زۆر
پاش خۆت بەجێت هێشت پەتای بێ پیاویی
دەمخواست جیلێک بێ هەمووی سەرکردە
ڕێبازی تۆ بێت، شەرتی شیاویی
بەلام موخابین وشک و پەژموردە
تۆوی بێ بەرهەم، یان نووزەی میاویی
بنەماڵەی زڕ، بنەماڵەی دڕ
لە نێوانیاندا گەلە تێماویی
بڕۆ خوات لەگەڵ، جێگەت بەهەشت بێت
مامی گەورە بووی، ماڵی خەماویی..!
03-10-2017

[12]
گۆڕان کاندید بۆ سەرۆکی هەرێم دەستنیشان دەکات
ئەمە تاوانە ، کارێكی هەڵەو خۆکوژانەو نائەخلاقێشە
گۆڕان چییە و چێ دەوێت؟
1- جاری پێشوو وتیان ئێمە کاندیدمان نییە چونکە باوەرمان بە سیستمی پەرلەمانی هەیە و باوەڕمان بەو سیستمی سەرۆکایەتی نییە کە بارزانی بۆ خۆی دروستکرد و سەپاندی.
2- ئایا گۆڕان سیاسەتی خۆی لە لایەن جڤاتی گشتییەوە گۆڕیوە؟ ئایا ئێستا باوەری بە سیستمی سەرۆکایەتی داش بارزانی هەیە؟
3- ئەمە کۆپیکردنی سیاسەتی بنەمالەچێتیی و سەپاندنێتی بە سەر گۆڕاندا.
4- ئەو برادەرە لەگەل رێزم بووی وەک بیر وهەلوێست و چالاکی زیاتر مردووە لەوەی زیندوو بێت.
5- لەم کاتەدا کە بارزانی بە ناشەرعی بریاری ‘ڕیفراندۆمی بۆ سەربەخۆیی دا’ گومانی نییە دەنگی زۆربەی خەلک دینێت گەر هیچ نوشستییەکی گەورەو دیار لەو ماوەدا ڕوو نەدات. ئەمە شەرعییەتدانە بە ڕیفراندۆمەکەو هەموو تاوانەکانی بارزانی کە ئێستا بەرەو هەلدیر دەڕوا،
6- بەشداری گۆران تاوانیكی ئەخلاقییەو شەرعییەتدانە بە هەموو ناشەرعییەکانی بنەمالەو هەنگاویكی خەتەرناکە بۆ دروستکردنی بنەمالەی گۆڕان.
7- ئەوە بۆ دەستەی راپەراندن وتمان قەیناکات با لە دەستی کەسانی پیر و بە ئەزموون و هێمندا بێت وەک قۆناغی گواستنەوەی دوای کاک نەوشیروان، بۆ دیسان پەنا بۆ پیر وپەککەوتەکانی فیکریی و سیاسیی ببردریت؟
8- هیوادارم هەموو چالاکەکان وگەنجان و ئەندام وپشتگیرانی گۆڕان دژی ئەم کارە بن کە سووکایەتی کردنە بە نەوەی نوێی گۆڕان و فشار بکەن حەمەتۆفیق دەستبەجێ ناوی خۆی بکێشیتەوە شەرعییەتدان بە بێشەرعیی و بێئەخلاقیی سیاسیی بەسە.

[13]
شۆڕشێ کورد یان بەلوعەکەی داگیرکەران
بە دکتۆر مەحمود عوسمانم وت: ئێوە بێشەرەفن، هۆلەکە بە چەپڵەیەکی توند تەقیەوە
بە دکتۆرکەمال مەزهەرم وت: تۆ وەک مێژوونووس درۆ لەگەڵ خۆت دەکەیت و نەوەکان گومڕا دەکەیت گەر بنووسی شتێک هەبووە بە ناوی بزوتنەوەی رزگاریخوازیی کوردستانیی

ئەردۆگان: کە بەلوعەکەمان بەست هەموو شتێک کۆتایی دێت.
شای ئێران: بزوتنەوەی کورد بەلوعەیەکە بە دەست منەوە کە گرتمەوە دەوەستێت.
من لە سالی ئاشبەتاڵدا سەرەتا لە بەشی راگەیاندن کارم دەکرد، شای ئێران وا بزانم نزیکەی شەش مانگ پێش ئاشبەتال وتی بزوتنەوەی کورد بەلوعەیەکە بە دەستمەوە هەر کاتێ گرتمەوە دەیگرمەوە.
ئەوە سەرکردە کوردەکان نین کە بەرهەمی خیانەتن و فێر نابن
ئەوە ڕۆشنبیری بؤش و خۆفرۆش و سیاسەتمەدارە شەرەففرۆشەکانن کە موجریمن
ئەو کاتەی کە مامۆستای بەرێز د. کەمال مەزهەر لە بەریتانیا بوو بۆ چارەسەری. چوومە خزمەتی و چەند سەعات قسەم لەگەل کرد. وتم ماۆستا درۆ و خیانەت لەم گەلە مەکەن. ئێمە هەردووکمان لە گەڵ بە ناو شۆڕشی بارزانی بووین لە ٧٤، حەقیقەتەکە دەزانین..کە ئەجندایەکی ئێرانیی بوو.
کورد قەت بزوتنەوەی رزگاریخوازی کوردستانیی نەبووە و تکایە قەت ئەم زاراوە جارێکی تر وەک مێژوونووس بەکارمەهێنە.
بزوتنەوە نەبووە پلانیکی نێونەتوەیی یان قۆنتەراتیکی داگیرکەران بووە بۆ ئامانجی خۆیان [ کورد هەمیشە لە عێراق زۆربەی مافەکانی هەبووە کەچی هەر لە عێراق لە لایەن ئێران و ئیسرائیل و ئەمریکاوە بەکارهێنراوە بۆ لاوازکرنی حکومەتی عێراق و لە دەستدانی دەستکەوتەکانی خۆی]
نەتەوایەتی نەبووە قەت بەرنامەیەکی نەتەوەیی بۆ سەربەخۆیی نەبووەو دروشمەکان و ئامانجەکان دوژمنان بریاریان داون و ئەوان جینبەجێیان کردوون
کوردستانی نەبووە چونکە پشتی بەو فەلسەفە خیانەتکارییە بەستووە کە دەبی جاشایەتی ونۆکەریی بۆ دەولەتیکی داگیرکەری بەشێكی کوردستان بکەی[ ئێران 62 – 91] تا گوایە بەشێکی تر رزگار بکەی بەلام ئاکام تەنیا وێرانکردن و ئاشبەتالدان و ئەنفالدان بووە.
تکام لێکرد راستیی ببنووسێت و خەلک لە تاوان و گەندەلی و جەهالەت و خۆفرۆشیی سەرانی کورد ئاگادار بکاتەوە،
بۆ ئەوەی بیری بەرێزیانی بێنمەوە وتم: پارتی ویەکێتی گەلی کوردیان لە باشوور بردۆتەوە قەرنی سفر. زۆر بەمە پێکەنی. دوایی گەاریەوە کوردستان لە یەکەم چاوپێکەوتنی ووتی: ئەوە ئاسایی یە کە سەرانی کورد گەندەڵن چونکە گەندەلیی لە هەموو دنیادا هەیە.
دوایی پییان وتم کە ماوەی مانەوەی لە بەریتانیا تاڵەبانی مانگی دە هەزار دۆلاری داوەتێ
کە گەراشەوە، نێچیروان بۆ مونافەسەی تاڵەبانی دەرگای خێر ونیعمەتی بۆ کردەوە
ئیدی مردن بۆ مێژوو، مردن بۆ ڕاستگۆیی..
پیرەگەندەلێکی دیپلۆماسی حەکیم کە خەلکی کورد بە نموونەی عەقڵ و حیکمەت و پاکیی دەزانن کۆنە پیاوی بنەمالە د. مەحمود عوسمانە
بەلێ مێژوو نووسینەوەمان نییە ئەگینا خەلک دەبوو بزانن ئەم کابرایە گەندەلترین و مونافیقترین زەلامە، خۆی وەک زۆر لە پیاوانی هەر دوو بنەمالە ، بنەماڵەیەکی گەندەڵی دروست کردووە.
لە 24 ی نیسانی 1974 کە قەلادزی بۆردومان کرا و لاشەت دەیان قوتابی و هاوشاییم بینی لەوێ مامۆستام هەر ئەو بەیانییە وانەی ئێنگلیزیم دەوتەوە..
چەند رۆژێک دوای مبارانی بەعس چووم بۆ ناوپردان
رۆژێک پێشتر ئەو د. مەحموودە وتاری دابوو هەموو خەلکی پر کردبوو لە ئاگری حەماس وتبووی:
مەترسن! حکومەتی بەعس بە چ چەکێک لێمان بدا، بە ئەو چەکە لیی دەدەین
کیمیاییمان لێدا بە کیمیایی وەڵامی دەدەینەوە.
ئەمریکامان لەگەڵە!:
دوای رروخانی سەددامیش وا بزانم بە سێ مانگ هات بۆ لەندەن وکۆڕیکی سیاسیی بەست و ا بزانم کاک هەلات هەمەوەندی بەڕیوەی دەبرد.
وتی: عێراق هیچی بەسەر هێچەوە نەماوە، کەسی نییە بە سەرۆک داینێن و ئێمەش هیچ ناکەین
پرسیارم لێکرد:
وتم کاک دکتۆر ئەوە ئێستا 182000 کەسمان دەلین زیندەبەچال کراون و چارەنووسیان نادیارە،  4500 گوندو شارۆچکەمان تەختکراون، ئەو دەوڵەتەی ئەنفالی کردین نەماوە، بۆ چوونەو بەغدا دروستی کەنەوە؟ ئایا ئەم جارە هیچ پەیمان ورێکەوتنیی نووسراوتان لەگەل ئەمریکا وبەریتانیا یان نەتەو یەکگرتۆکان هەیە؟
بە سادەیی وتی: نەوەڵلا هێچمان نییە
منێش تووڕە بووم وتم کەوابی ئێوە زۆر بێ شەرەفن
وەمزانی خەلک ئەم قسەی پێناخۆش دەبیت بەلام هۆلەکە عەفەوی دایانە چەپڵەیەکی توند.
ئەم دیپلۆماسییە حەکیمەم دیسان لە ڤیدیۆیەک لە گەڵ بارزانی و نەجمەددین کەریم لە کەرکوک بینی.
گوایە لەو هەموو ئەزموونە فێر نەبووە ئەمە موغامەرەیە و هیچ بنەمایەکی دەستووریی، یاسای نێونەتەوەیی و بنەمای دەوڵەتی نییە؟
کەچی چی وت؟: ئەمە یەکەمجارە کورد بتوانێ تەحەددای ئەمریکا بکات؟
ئاخر بۆ تەحەددای بکات کە بە هەموو مانا دەولەتی سەربەخۆین و ئەوی هەمانە ئەو بۆی کردووین و بە بێ ئەو سفرین؟
زیاد لەمەش ئیشی پێمانە و زیاد لە پێویست ڕێزمان دەگرێت؟
ئایا لەم هەموو تەجرەبانە مەحموودی حەکیم نە دەبوو بزانیت ئەمجارەش کارەسات لە پێشە؟
یان وەک کۆیلەی بنەماڵە دەبێ لە کارەساتەکاندا بێدەنگ ىیت تا لە دەسکەوتە خوێناوییەکانی مەنسەب و پارە و بنەماڵەسازیی و بنەماڵەچێتیی لە پێش ىێت و دیارە نهێنی پتریش لە نۆکەرایەتی بۆ ئیسرائێل هەیە کە بیدەنگیی دەکات.
بۆ زانیاری ئەو سێ کەسەی تاوانباری هەرە گەورەی شاردنەوەی راستییەکانی پیوەندیییەکانی بارزانی و شا وئیسرائێل و کارەساتی ئاشبەتال و دوای ئاشبەتالن کە بۆ خاتری پارەو سامان ویژدانی خۆیان ژێر پێداو ەیان هەر نەیانبووە:
دکتۆر مەحموود. دکتۆر نەجمەددین کەریم. دکتۆر شەفیق قەزاز ن
ئەوە کوردستان بەرەورووی شکستێکی تر دەبیتەوە و بزانن ئەوان لە چ نیعمەتێکدان
ڕۆشنبیرو سیاسیمان نییە، بە هج مانایەکی ئەخلاقیی و فیکریی
بەلوعەکە هەر بەدەست دوژمنانەوەیە
خۆفرۆشەکان هەر خوێنی خەڵک دەخۆنەوە و مەست نابن و تێر نابن

هاوکارییەکەت تەنها کلیک کردنە سەر ئەو سموولانەیە، تا ئەم بابەتە بگات بە هاوڕێکانت