هاوکارییەکەت تەنها کلیک کردنە سەر ئەو سموولانەیە، تا ئەم بابەتە بگات بە هاوڕێکانت

 

جەبهەی نوسرە بەراستی مسڵمانن

نموونەی دین و ئیمانن

درۆو دووروویی نازانن

بە ڕۆژوون

ئاو ناخۆنەوە

خوێن دەخۆنەوە

موجاهیدن

نان ناخۆن

دڵ و جەرگی جوندییەکان دەخۆن

گۆشتی بەراز ناخۆن

گۆشتی کاڵی ناسکی

رانی منداڵی کورد دەخۆن

رۆژووەکانیان

بە جیهادی نیکاح دەشکێنن

شەو لەگەڵ لاشەدا دەخەون

بەیانیان بە خوێن چاویان دەشۆن

ئەوان راستگۆن

میراتگری یەکەم شاڵاوی

غەزەواتی ئوممەن

شەیدای تاڵان و غیلمان و غەنیمەن

ئوردووی ئەنفالن

تامەزرۆی گۆشتی مناڵن

 

بەلام دیارە نازانن

ئێرە

کوردستانە

سەرچاوەی دین و ئیمانە

یەکەم خاک و دوا خاکی پێغەمبەرانە

ئێرە کوردستانە

ئێستاش هەر وەک ئەوسا

بۆ هەر هەموو داگیرکەرێک

تەنیا و تەنیا گٶڕستانە

 

دیارە ئەوان نازانن

کورد یەکەم پێغەمبەری زەمانن

زمانی دین و ئیمانن

ژن لای ئێمە تاجی سەرە

کچ لای ئیمە جەنگاوەرە

مناڵ لای ئێمە پیرۆزترین پەیامی خوایە

هەر پەنجەیەکی پێغەمبەرە

ئێرە وڵاتی نوح و جودی یە

ئێرە ولاتی ئیبراهیمی زەردەشتییە

ئێرە ولاتی ئارارات و ئۆهرامانە

یەکەم سەرچاوەو دوا سەرچاوەی ئیمانە

 

ئێرە کوردستانە

پاڕێزراوی دەستی یەزدانە

بۆ هەر هەموو داگیرکەرێک

تەنیا و تەنیا گۆڕستانە

 

هاوکارییەکەت تەنها کلیک کردنە سەر ئەو سموولانەیە، تا ئەم بابەتە بگات بە هاوڕێکانت