سلام سعید : سەری سپی نیشتمان .

هاوکارییەکەت تەنها کلیک کردنە لەسەر ئەو سمبولانەی لای خوارەوەیە بۆ ئەوەی بگات بە هاوڕێکانت.

من لە سەری سپی نیشتمان

گوڵە وەچنی ئەو رۆژانەم کرد

کە برسێتی بەدەم باوە

شەنی خەرمانێکی گریان

من لەهزری جۆ گەیەك

بەدم هەنگاوی شەکەتەوە

لە هێوری گۆ مێکم روانی

بەدەم ماندو بونەوە

وەنەوزیەدا

من لەژوانی دینەکاندا

سێ شت فێر بووم

یەکتا پەرستی

کاری چاك

گڤتی چاك

ئیتر ئەم هەڵایە بۆچی

لە سوارێکی گلاوم پرسی

چشتێ خستیتیەوە

سەر پشتی رێ

ووتی ترۆپکی ماندو

دەستی گرتم

هەوراز پشتی بۆ کور کردم

شنەیەك جواناوی

بۆسریم

دارستانێك لەتەمەن

جارێکی تر سەرپێی خستم

ماندویەتی

پیاوێکی بەساڵاچوە

پرۆزەت لە بەر ئەبرێ

چاوەکانیش سەیرت ئەکەن

 

هاوکارییەکەت تەنها کلیک کردنە لەسەر ئەو سمبولانەی لای خوارەوەیە بۆ ئەوەی بگات بە هاوڕێکانت.
سەلام سەعید

About سەلام سەعید