هاوکارییەکەت ئەمەیە، کلیک بکەرە سەر ئەم سمبولانەو ئەم بابەتە بۆ هاوڕێکانت بنێرە

دوێنێ شار

کۆڵانەکانی تەنگە بەر

ماڵەکانی پشت کۆم بوو

بەڵام

کەزیەکان تەرو

چاوەکان کل رێژو

سونگەی گوێسوانەکان

پر ریحانە

شەدەلارێ گوزەریەکرد

سەد چاوی حەز بۆ تەماشا

سەیری ئەکرد

 

ئەمرۆ شار

لەدوێنێ جوانتر

کۆڵانەکان فراوان تر

بەژنەکان پر سونبلی ماچ

شۆستەکان عەتر رێژن

چمکی تەنورە هەڵ دە کشێ

ویژدان مردو ماچەکانمان

سەر ئەبرێ

 

کولەکان هێرش ئەکەن

دوێنێ

کێڵگەیەکی سەوزیان سوتان

ئەمرۆ ئاسمانێك

پر لەوشە ئە خنکێنن

شۆستەکان رەنگی مردوو

دەگوێزنەوە

عیشق دەکوژن

چارشێو لەروی باخچە ئەدەن

کەناریەکان بێدەنگ ئەکەن

سەیرە گوڵم

هەتا ئیستا

تۆی رەنگاڵ ئاگر ئەدەن

 

هاوکارییەکەت ئەمەیە، کلیک بکەرە سەر ئەم سمبولانەو ئەم بابەتە بۆ هاوڕێکانت بنێرە