هاوکارییەکەت تەنها کلیک کردنە سەر ئەو سموولانەیە، تا ئەم بابەتە بگات بە هاوڕێکانت

بەپێی پسپۆرێکی بواری جێندەر تیتیانا بوریجاک؛ زۆربەی هەرە زۆری ئافرەتانی ئۆکرانیا حەز بە چارەی فێمن ناکەن. ‏و سۆسۆلۆژیستی بەناوبانگ ئۆلیه دێمکیڤ وتی فێمن هیچ پشتگیری ناکرێت لەلایەن ڕای گشتیەوە و ناتوانن هیچ ‏گۆڕانکاریەک لە کۆمەڵگا و هۆشیاریی ئۆکرانی ئەنجام بدەن. هەر جوانا روهۆزینسکا‎ Joanna Rohozinska ‎لێکۆڵەر لە ‏فەندی نیشتیمانی بۆ دیموکراسی لە فێبریوەری 2013 دا گوتی” بەڵگەیەکی زۆر کەم هەیە کە هیچ لە ناڕەزایی دەربڕینی ‏فێمنەکان کەمترین کاریگەری هەبوبێت” لە لایەکی تر ستایشکران لەلایەن فێمستە ڕادیکاڵەکان پێیان وایە کە توانیویەتی ‏بە شێوەیەکی پۆزەتیڤانە و ڕادیکاڵانە ببێتە دیاردەیەك بۆ وروژاندنی کێشەگەلێکی زۆری کۆمەڵایەتی ئەگەر بە کەرەستە ‏و ئامرازی کێشە لەسەریش بوو بێت‎.

جیهادی تۆپڵێس
لە نێو ئەو بابەتانەی کە فێمنەکان کاری لە دژدا دەکەن ئایینەکانە، بە بەردەوامی دژی کلێسا و بیروباوەڕەکانی دەوەستنەوە ‏و لەبەردەم کلیساکان خۆیان ڕووت نیشان دەدەن، بەو دواییە ناڕەزاییەکانیان لە ڕێگای چەند فێمنستێکی وڵاتانی جیهانی ‏ئیسلامی پەڕیەوە بۆ دژایەتی کردنی شەریعەتی ئیسلام و بەتایبەتی ئەوەی ناوی دەنێن بە [ لەدژی شێواندنی ئەندامی ‏مێینە] کە مەبەستیان خەتەنە کردنە، و لە بەرامبەر چەندین باڵوێزخانەی وڵاتانی ئیسلامی وەک ئێران و میسر و مزگەوتی ‏پاریس بەڕووتی خۆنیشاندانیان کرد، کە تێیدا چەندین ژنی موسڵمانی فێمن یان لەگەڵ بوو وەك ئێرانیەکان کە ئەوانیش ‏خۆیان بەڕووتی نیشان دا‎!‎
لە نێو ئەو ڕەخنانەش کە لە فێمن گیراوە ئەوەیە کە بەو خوپێوەگرتنەی بە خۆ ڕووتکردنەوەیان دەبێتە هۆی جەختکردنەوە ‏و بەهێزکردنی فێمنیزمی کۆڵۆنیالی ڕەگەزپەرست. بەڕای من لە وڵاتانی ئیسلامیدا دەبێتە هۆی زیاتر پتەوکردنی توندڕەوی ‏ئاینیش، وە بەرست زیادکردن لەبەردەم ئازادیە سروشتی ویاساکانی ئافرەتانیش‎.‎

لە20-04-2013 ‎کاتێك جەماعەتی ئەنساریی شەریعەتی سەلەفی تونسی توندڕەو، خەریکی خۆپیشاندانێکی گەورە بوون لە ‏قەیرەوان، بەڵام لە ترسی حکومەت دوایان خست، پاش ئەوەی خەڵکی شارەکەش لە دژیان وەستان، لە ناکاو کچێکی فێمنی ‏تونسی بەناوی ئەمینە، نزیك 18 ساڵ لەشارەکە دەرکەوت و باسی خۆڕوتکردنەوەی کرد لەسەر شەقام، و دوایی لە ‏ئینتەرنێت قسەکانی خۆی جێبەجێ کرد، بە هاندان و دەست لە پشدانی چەند فێمنێکی ئۆکرانی، بەبێ ڕەچاوکردنی هەل ‏و مەرجی تونس. دوای ئەوە سەلەفیەکان لە کاردانەوەی ئەوکارە سەرەڕۆیە کۆنترۆڵی شەقامیان کرد، ڕاست و چۆپ دژی ‏مافی ئافرەتان قسەیان دەکرد و دەیانگووت ئافرەت مافی خۆڕووتکردنەوە و زینای بە ئازادیان دەوێت!! ‏
حکومەت ئەمینەی گرت، لە دواییدا، هەڵمەتێکی گەورە لە ئینتەرنێت بەرپاکرا بە ناوی: جیهادی ڕووتکردنەوەی بەشی ‏سەرەوە [تۆپڵێس] بەردەوامە، هەزاران ژنی خۆرئاوایی خۆیان لە پێناو ئەمینە ڕووت کردەوە و لەسەر جەستەیان داوای ‏ئازادکردنی ئەمینەیان دەکرد.!! هەتا لە کاتی وجودی سەرۆکی تونس، مونسیف مەرزوقی لە پەیمانگای فەرهەنگی ‏عەرەبی لە تونس، بۆ قسەکردن لەسەر کتێبەکەی بە ناوی: داهێنانی دیموکراسیەت، سێ لەو فێمنانەی فەڕەنسایی بە لاشەی ‏ڕوتیان قسەیان بە مەرزوقی بڕی، و هاواریان دەکرد جیهادی تۆپڵێس بەردەوامە، و بەهاری ژنان بەڕێوەیە!! ئەمینە کوا لە ‏کوێیە؟‎!‎
فێمنەکان بەدەر لە ئامرازی ناڕەزاییەکانیان، کە مایەی بێزاری شەقامە لە هەموو وڵاتێك تا ئێستا، بەڵام وەك ئینساف ‏دەتوانین بڵێین تەبەنای زۆر لە کێشەی کۆمەڵایەتی دەکەن، کە کەم کەس هەیە کە کەمێك بایەخ بە ڕەوشت و مۆڕاڵ بدات ‏هاوڕا نەبێت لە گەڵیان، کێ هەیە دژی بازرگانی سێکسی نەبێت، کێ هەیە دژی سیکسی توریزم نەبێت، یان دژی ‏کۆیلایەنی سێکسی نەبێت؟‎!‎‏ بەڵام ئایە هەڵگرتنی دۆزێکی ڕەوا نابێت ڕێگا ئامرازێکی ڕەوا و قبوڵکراوی بۆ هەڵبژیریت؟!‏
لە یەکێك لە نمایشە پۆرنۆکانی جیهانی لە کاتێکدا لەسەر ستەیگی هۆڵەکە نمایشی سێکسی بە زیندوویی دەکرا، کۆمەڵێك ‏لەو کچە فێمنانە هەموو بۆنەکەیان تێكوپێك دا، کاتێك هاتە سەر شانۆکە و ئیدانەی ئەو کارە ناشیاوانەیان کرد، بەڵام ‏داخەکەم بە خۆ ڕووت کردنەوە لەسەر شانۆی ڕووتی ئیدانەی ڕووتی و پۆرنۆیان کرد!! ناکرێت تۆ دژی ‏کاروکردەوەیەك بیت کە زۆربەی پشت بە نمایشدانی لەشی ئافرەت دەبەستن بۆ وروژاندانی پیاوان و برەودان بە بازرگانی ‏سێکسی، لە هەمان کاتدا خۆت ڕووتکەیتەوە لەدژی ئەو دیاردانەی کە زۆربەیان پشت بە ڕووتکردنەوەی ئافرەت ‏دەبەستن‎!!‎
زۆر ماقوڵ دەبوو ئەگەر بە جلێکی داپۆشەرەوە ناڵێم حیجاب، ئەو کارانەیان کردبا، ئەوە بیرۆکەیەکی زۆر ساویلکانەی ‏خۆرئاواییە تۆ هەوڵدەیت بە جەستەی ڕوتەوەو سەرنجی خەڵك بۆلای کێشەکانت ڕاکێشیت، لاساییکردنەوەیەکی ناشیانە ‏و دەبەنگانەی ڕێکڵامی خۆرئاواییە بۆ هەموو کەلوپەلێك کە لە ڕێگای جەستەیەکی ڕووت و کردەیەکی سێکسیەوە ڕێکڵام ‏بۆ کەلوپەلەکانی دەکات. ئەگەر فێمنەکان دژی ئەو مێنتاڵیتەی بازرگانی کردنن بە جەستەی ژنەوە، کە من سەد دەرسەد ‏لەگەڵیانم، دەبێت لاسایی میتودی و شێوازی ڕێکڵامی خۆرئاواییان نەکردبایەوە، بە جەستەی ڕووت!! چونکە سەرەڕای ‏ئەوەی شێوازێکی قبوڵکراو نیە لە وڵاتانی هەتا خۆرئاواش، بێزێنراویشە لە وڵاتانی جیهانی ئیسلامی و مەسیحیشی ‏دەرەوەی کیشوەری ئەورپا، ئینجا ڕادەی توندرەویش زیاتر دەگات و بەربەستیش زیاتر دەکات لەبەردەم گەیشتنی ئافرەت بە ‏مافە هەقیقیەکانیان، نەك مافی خۆڕووتکردنەوە لەبەر کێشەی جاروبار هێندە بێ ئەرزش وەك نەبوونی ژمارەی ‏سەروزیادی توالێتی گشتی‎.‎

هاوکارییەکەت تەنها کلیک کردنە سەر ئەو سموولانەیە، تا ئەم بابەتە بگات بە هاوڕێکانت