هاوکارییەکەت ئەمەیە، کلیک بکەرە سەر ئەم سمبولانەو ئەم بابەتە بۆ هاوڕێکانت بنێرە

خۆ ڕوتکردنەوە وەک نارەزایی دەربڕین بۆتە دیاردەیەک لەو سەردەمە، وەك تاکتیکێك بۆ ناڕەزایی دەربڕین، یەکەم ‏ناڕەزایی دەربڕین بە ڕووتی لەلایەن گروپێکی ئاینی هاتە کایەوە، لە سەردەمی ئیمپراتۆریەتی روسیا کە بەناوی گروپی ‏Doukhobors ‎دوخبورەوە سەری هەڵدا. دوخبور بە مانای جەنگاوەرە ڕوحانیەکان ‏Spirit-Wrestlers ‎دێت کە دەڵێن: ‏مێژووی دامەزراندنی دەگەڕێتەوە بۆ سەدەی 18یان هەڤدە یان شازدە‎.‎

یەکەم رەهبەری ئەو گروپە ناوی سیلڤان کۆلیسنیکۆڤ‎ Silvan Kolesnikov ‎بوو کە لە گوندێکی ئۆکرانیای ئێستا لە ‏دایك بووە، کە لە نیوان سالانی 1755- 1775 رەهبەری ئەو گروپە بووە. بیروباوەری ئەو گروپە ئەوەیە کە خوا لە هەموو ‏کەسێکدا بوونی هەیە، بۆیە هیچ پیویست بە قەشە و پیاوانی دینی و نەزم و تقوسی ئاینی ناکات، و هیچ ئیعترافیکیان بە کڵیسا ‏و حکومەتی سێکیولار و ئینجیل و ئولوهیەتی حەزرەتی مەسێح نەدەکرد. لەبەر نەگونجانیان لەگەڵ بیروباوەڕی خەڵك ‏و رەتکردنەوەی زەوقی گشتی بۆ خۆڕوتکردنەوەیان لە کاتی نارەزایەکاندا بریارندا لە نێوان سالانی 1898 – 1899 کۆچ ‏بکەن بۆ دەروەی روسیا و دواجار بەشێوەیەکی سەرەکی لە کەنەدا و ویلایەتە یەکگروەکانی ئەمریکا گیرسانەوە‎. ‎
جۆرەکانی ‏تری خۆروتکردنەوە زۆرن لە فەرهەنگی ئەوروپادا: کەسانێك لە دژی خراپ مامەڵەکردنی ئاژەڵ لە ئەوروپادا خۆیان ‏ڕووت دەکەنەوە. کەسانێکی تر لەدژی شەڕ و جەنگ و لە پێناو ئاشتی لە خۆپیشاندانەکان خۆیان ڕووت ‏دەکەنەوە. هەندێك هەر بۆ خۆشی خۆیان ڕووت دەکەنەوە وەك ڕۆژی لێخوڕینی پاسکیلسوارانی ڕووت‎ World Naked ‎Bike Ride . ‎یان بۆ داواکردنی مافی ڕووتبوون لە شوێنی گشتیدا‎ “the right to be naked in public”. ‎ئەو گروپە ‏بە ناوی‎ The Freedom to be Yourself ‎ئازادی بوونە خودی خۆت دامەزرا لە لایەن ‏Vincent Bethellلە ساڵی ‏‏ 1998لە ئەمریکا‎.‎
هەندێکیان داوای مافی ڕووتکردنەوەی بەشی سەرەوە دەکەن بەناوی بزوتنەوەی بەشی ئازادی بەشە سەرەوە‎، ‎topfreedom movement ‎ ئەو بزوتنەوەیە لە بنچینەدا لە کەنەدا دروست بوو، دوایی تەشەنەی کرد بۆ ئەمریکا و سوید ‏و دانمارك و چەندین وڵاتانی تری ئەوروپا، تێزی سەرەکی ئەو تۆپفرییانە ئەوەیە دەڵێن: دەبێت وەك پیاو کاتێ بەشی ‏سەرەوەمان ڕووت کردەوە ئاسایی بێت و لە دژی یاسا و نەرێتە کۆمەڵایەتیەکان نەهێتە حیساب کردن‎!!‎
وەك لەسەرەوە باسمان کرد ئۆکرانیا مەڵبەندی یەکەم گروپی ناڕەزایی دەربڕین بە ڕووتیەوە بوو بەناوی گروپی ‏دوخبورەوە یان جەنگاوەرە ڕۆحانیەکان، هەرچەندە گروپێکی ئاینیش بوون، کەچی فێمنستە ڕادیکاڵەکانی ئۆکرانیا بە ‏سروشت وەرگرتن لە دوخبورەوە یان جەنگاوەرە ڕۆحانیەکانەوە کاریگەرترین گروپی فێمنستی ڕادیکاڵی ناڕەزایی ‏دەربڕین بە ڕووتیان دامەزراند، کە لە هەموویان چالاکتر و کاریگەرتر بوون، ئەویش بزوتنەوەی فێمنە‎ FEMEN ‎کە ‏گروپێکی فێمنستی ڕادیکاڵین لە شاری کیڤی ئۆکرانیا دامەزرا لەلایەن ئانا هوستۆل‎ Anna Hutsol ‎لە ساڵی 2008‏‎. ‎ کاتیك ‏دەڵێین: کاریگەرتر لەبەر ئەوەیە ئەو گروپە سەرەڕۆیە فێمنستیە لە ڕێگای ئەو ئامرازەی خۆڕوتکردنەوەیە بەرگری لە ‏زۆر کێشەی هەق دەکات کە کۆمەڵگای مرۆڤایەتی بە دەستیانەوە دەناڵێنێت. وەك خۆپیشاندانی ڕووت لە دژی سێکسی ‏توریزم، ئاژانسەکانی جیهانی زەواج کە وڵاتی ئۆکرانیا بەشێوەیەکی تایبەتی بە دەستیەوە دەناڵێنێت، هەروەها قاچاغی ‏ژنانی ئۆکرانی کە وەک کۆیلەی سێکسی بەناوی کارکردن دەبردرێن دوایی بازرگانی سێکسیان پێ دەکەن‎. ‎ ساڵانە ‏خەڵکێکی زۆر تەنها بۆ سێکسکردن و رابواردن دەچنە ئۆکرانیا و وڵاتانی تر. هەروەها ئینتەرنێت پڕیەتی لەو سایتانەی ‏بەناوی زەواج لە کچە ئۆکرانیەکان کە وەک بازاڕی کۆیلایەتی کۆنی جیهانی کۆن عەرزکراون. بەو دوایە ئەو ‏بزوتنەوەی فێمنە پەلوپۆی هاوێشتوە بۆ زۆربەی وڵاتانی یەکێتی سۆڤیەتی پێشوو و وڵاتانی خۆرئاوایی و ئەمریکا لە زۆر ‏بۆنە سیاسیەکان دوو سێ ژنی ڕووت و قووت دەبینیت لە ناکاو لە ناو خەڵکدا خۆیان ڕووت دەکەنەوە لە دژی دۆزە کێشە ‏لەسەرەکان. هەندێك جار ئیشەکە ئەوەندە ڕەزیل دەکەن لەبەر کەمی توالێتی گشتی دەیان کچی ئۆکرانی خۆیان بەتەوای ‏لەبەردەم ئاودەستێکی گشتی ڕووت کردەوە لە ئۆکتۆبەری 2010‏‎.‎
بەودوایە سەرنجم دا، چەند سایتیکی فێمنستانی کوردیش جۆرێك لە ڕێکڵامکردن دەکەن بۆ ئەو فێمنانە، و وێنەی نیمچە ‏ڕووت بڵاودەکەنەوە کە لەسەر جەستەیان نوسراوە، جەستەم شەڕەفی کەس نییە‎”!! ‎وەك هەمیشە بەبێ بیرکردنەوە لە ‏شیاوی ئەو ئامڕازە بۆ کچانی کورد و کۆمەڵگای کوردی‎.‎
دامەزرێنەری فێمن ئانا هوستۆل‎ Anna Hutsol ‎فێمنەکان پێیان وایە ناڕەزایی دەربڕین بە ڕووتی تەنها ڕیگایە بۆ ئەوەی ‏گوێت لێبگرن، ئەگەر خۆپیشاندانێکی ئاساییمان کرد بە چەند لافیتەوە، کەس گوێ بە داواکاریەکانمان ناگرێت‎.‎
لە هەمووی کۆمیدیتر لە کاتی پاڵەوانێتی ئەوروپای 2012 کە لە ئۆکرانیا و پۆلەندا ڕێکخرا، فیمن بە رووتی لە ئۆکرانیا ‏خۆپیشاندانیان کرد لە پێناو نایاسایی کردنی سۆزانیەت و سێکسی سیاحی، کەچی لە پۆڵەندا گروپێك لە ژنانی لەشفرۆش، ‏هەر ئەوانیش بەڕووتی خۆپیشاندانیان کرد لە دژی داواکاریەکانی فێمنەکانی ئۆکرانیا و لافیتەکانیان لەسەریان نوسرابوو: ‏فێمنەکان دەست مەخەنە ناو بزنز و کاری ئێمە‎!! “Femen! Get the fuck out of our business”.‎
ڕەخنەیەکی زۆر ڕوبەڕووی فێمن بوەوە هەر لەناو خودی ئۆکرانیا کە تاوانبارکران بە بایەخدان زیاتر بە خۆ دەرخستن ‏لە بەرگریکردن لە دۆزەکانیان، رەخنەکان لە ئاستی جەماوەری و ئەکادیمی بوون. لە کاردانەوەکانی خەڵك لە دژی ئەو ‏جۆرە ناڕەزایی دەربڕینە بە ڕووتی، زۆر لە فێمنەکان لەلایەن خەڵکی تر هەڕەشەیان لێدەکرێت، و خۆشیان لە زۆر ‏چاوپێکەوتندا دەڵێن لەلایەن کەسوکاریان سزا دراون بە برینی هەموو پەیوەندیەک لە گەڵیان‎.‎

هاوکارییەکەت ئەمەیە، کلیک بکەرە سەر ئەم سمبولانەو ئەم بابەتە بۆ هاوڕێکانت بنێرە