هاوکارییەکەت تەنها کلیک کردنە سەر ئەو سموولانەیە، تا ئەم بابەتە بگات بە هاوڕێکانت

مهران ” ناسراوو بە ” ساکۆ، خەڵکی ڕۆژهەڵاتەو، ڕوودەکاتە باشوور و لەناو گروپەکەی حسەین یەزدان پەنا و عەلی قازی دەیەوێت خزمەت بە کوردایەتی بکات.

بەڵام پاش ماوەیەک هەست بە کارە قێزەوەندەکانی ئەم گرووپە ناکوردانە دەکات و، هەوڵ دەدات لەڕێی بەهانەو بیانووەوە ڕزگاریی بێت لەم گروپە چەکدارە. داوا لە لێپرسراوەکەی دەکات؛ کە ئەو دەزگیراندارەو ناتوانێت چیتر بەردەوامی بدات بە کاریی چەکداری و حیزبی. بەڵام ئەوان بیانوویەکەی دەبڕن و پێی دەڵێن: دەتوانیت دەزگیرانەکەشت بێنیت و ئێمە خەرجی ژیانی خۆت و خێزانەکەت دابین دەکەین. هێشتا ساکۆ لە ژێر چاودیری ئەواندا دەبێت، لە ڕێی ڕێکخستنەکانیانەوە خوشک و دەزگیرانی ساکۆ ڕووەو باشوور فریودەدەن و دەیگەیەننە گروپەکەی حسەین یەزدان پەنا.

پاش ماوەیەک ساکۆ هەوڵی خۆ دەرباز بوون دەدات و چەند جارێک دەستگیریی دەکەن، بەڵام دواجار لەکونجی زیندان گیریی دەکەن و ئەشکەنجەی زۆریی دەدەن و، سەرئەنجام لەژێرئەشکەنجەدا دەکوژرێت.

کاتێک دایک و باوکی بە کوشتنی کوڕەکەیان دەزانن، خۆیان دەگەیەننە بارەگاکانی گروپەکەی حسەین یەزدان پەناو، داوای تەرمی کوڕەکەیان و کچەکەیان دەکەنەوە. بەڵام ئەوان ڕێیان پێنادەن تەرمی کوڕەکەیان ببینن و، پێیان ڕادەگەیەنن پاش چلەی کوڕەکەیان دەتوانن تەرمی کوڕەکەیان لەگەڵ کچکەشیان بەرنەوە. بەڵام تا ئێستا کچکەشیان بەدایک و باوکی نەداوەتەوە، کەتەمەنی تەنها 15 ساڵە.

گوێ لەدایک و باوکی مهران بگرن، لەسەر گۆڕی کوڕەکەیان, چۆن بەسەرهاتی سەرەتاو کۆتایی کوڕەکەیان دەگێڕنەوە

  1. دایک و باوکی ساکۆ، لەسەر گۆڕی کوڕەکەیان


هاوکارییەکەت تەنها کلیک کردنە سەر ئەو سموولانەیە، تا ئەم بابەتە بگات بە هاوڕێکانت