Dawd-Oxllo

دێهات عوسمان : پەیامی ئەمرۆی داود ئۆغلو بۆ بارزانی ئەمە بوو .

Avatar photo

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

لەم وێنەیە دەردەکەویت ئەحمە داودئۆغلو رێگەی نەداوە ئاڵای کوردستان بەئۆتۆمیلەکەی هەڵبواسرێت!

چوونی ئەحمەد داودئۆغلو بۆ بەغداو و لەبەغداوە بۆهەولێر ئەوەمان پێدەڵیت : ئێوە بەبێ بەغدا هیچ بەهایەکتان نیە . من لەرێگەی بەغداوە ئێوە دەناسم ، پەیوەندی ئێمەو ئێوە لەسەر بنیادی پەیوەندی توکیاو عێراقە .
سەیرە ، سەرکردایەتی کورد نایەوێت تێبگات ، تورکیا چۆن بەکاری دینێت تا ئەوکاتەی تەوای گرێبەستە بەنجاساڵیەکەی نەوتی بەناو سەرکردایەتی کورد واژوو کرد ، کە پارتی لە واژووکردنی گرێبەستەکان لەگەڵ تورکیا ڕۆڵی دەرهێنەری درامای دەبینی . واتا بەکارهێنەری یەکەم پارتی بوو ، لەژیر دەست و خواستەکانی تورکیا ئیستا ، کە تورکیا ئاواتی بەدتیهاتنی گرێبەستیە پەنجا ساڵیەکەی هاتۆتەدی . ئیدی ئیشی بەکورد نەماوە ، کە داعش خەریك بوو بگاتە هەولیر ، تورکیا هیچ هەڵویستێکی نەبوو ، بگرە خۆشحاڵیش بوو بەدراوسێیەتی داعش .

ئیستا کاریی بەوەنەماوە دەست لەپشتی سەرۆك و سەرۆك وەزیران و وەزیر و گزیرەکانی هەریمی کوردستان بدات و ، بە ناوی دامەزراندی دەوڵەتی کوردیەوە سەرەخۆشیان لێبکات .
بە پەیامێکی ناراستەوخۆ پیانی وت : بگەرێنەوە بەغدا ئێوە کێن ، من بەغدا بەئێوە چۆن دەگۆرمەوە .
بۆیە بە ناچاریی ، کورد رووی لەبەغدا کردەوە ، رێك رازی بوونی خۆی پیشاندا بەداواکاریەکانی بەغدا و نەوتی هەرێمی کوردستانی خستەوە ژێر کۆنترۆڵی عێراق و وشەی دروستکردنی دەوڵەتی کوردی و گشت پرسی لەبیری خۆی بردەوەو وتەکەی جەنابی بارزانی باوكی هێنایەوە سەرمیز ، کە لەگرتە ڤیدێویەكدا دەڵێت : من هیچ کات داوای سەربەخۆی و جیابوونەوەم لە عیراق نەکردوە ، ئەمەیە کارەست و بەدبەختی گەلێکی چەوساوەو نەبوونی سەرکردەیەکی سیاستەمەدارە .
ئادەی جەنابی سەرۆك پێم بڵی : لەخۆدانە پاڵ تورکیایەو ، دژایەتیکردنەی ناوەند ، واتا بەغدا ، چیمان دەست کەوت ؟ . جگە لەزیان گەیشتن بەگەلی کوردستان لەم نێوەندەش زەرەرمەندی یەکەم هاوڵاتیان بوو .
لیرەدا هەموومان دەبینین کەچۆن لەهەر دوولادا پێگەی هەرێمی کوردستان لاواز بوو . ئەوەی جیگای داخە ئەوەیە ، سەرکردایەتی هەریمی باشوری کوردستان پەند لەم هەڵانە وەرناگر و دەیانجاری تر هەڵەکان دووبارەی دەکاتەوە . سەرکردایەتی سیاسی کورد ، خۆیان تەمەنێکیان بەسەربرد لەگەڵ سیاسەتێکی ساویلکەو خۆشباوەر بوونیان کردە پێناسەی دانیشتنەکان لەگەڵ سیاسیە چوارقوڵابەکانی جیهان بەگشتی و سیاسیە چوارقولابەکانی دەوربەر ، واتا دوژمنە سەرسەختەکانی گەل و خاکی کوردستان . وشەی چوار (قولاپ) لەنێو گەلی کورد باوە ، بە کەسیك دەوترێت ، کە زۆر فێڵزان و بی ئابروو بێت ..
دانیشتن و کۆبوونەوە لەشوێنە تاریکەنان و دوور لەچاوی کامیرە ، سەلماندنی خەڵەتاوی سەرکردایەتی کوردە . لە ئیستادا هەموو جیهان لەهەوڵی ئەوەدان دەست بگرن بەسەر سامانی ژیر زەوی رۆژهەڵاتی ناوەراست لەرۆژهەڵاتی ناوەراستیش دا چەقی رۆژ هەڵاتی ناوەراست واتا وڵاتی میزیۆپۆتامیا ( وڵاتی نێوان دوو رووبار) وڵاتی میزیۆپۆتامیا کوردستانی گەورەو خواری و عێراق دەگرێتەوە لەنێو میزیۆپۆتامیاش دەیان ئەوێت دەست بەسەر ناوەندی میزیۆپۆتامیا دابگرن ، کەدەکاتە باشوری کوردستان . ئەم زلهێزانەش دابەشبوون بەسەر ئەمریکا و ئیسرایل وڵاتانی ئەوروپاو سعودیاو ئێران و تورکیا ئەمانیش دابەشبوون بەسەر جەمسەردا .
جەمسەری یەکەم (١) ئەمریکا و ئەوروپا ئیسرایل
جەمسەری دووەم (٢) تورکیا ئێران سعودیا
ئەم دووبەشەش لەدوو سەنگەردان دژ بەیەك ( ئەمریکاو ئیسرایل و ئەوروپا بوون بەهێزی بەدەستهێنەری سەرمایەو قۆرخکردنی بازاریی ئازادو دەست بەسەراگرتنی سامانە سروشتیەکانی رۆژهەڵاتی ناوین .
لەم لاوەش تورکیا و ئێران و سعودیا هێزی مانەوەنن و هەڵدەدەن شەری مانەوەو شەری پاراستنی سیستەمی داگیرکاری خۆیان بکەن ، ئەی کێ دەبێت هێزی سێیەم بێت و ، زۆر بەژیرانە سیاسەت و مامەڵە لەگەڵ دۆخەکە بکات ؟ بێگومان کورد هێزی سێیەمەو ، هێزی ئازادیخوازە .
لەبەشی دووەمی ئەم بابەتە ، ئینشاڵا دێمەوە خزمەتیان . زۆر بەوردی و زانیاریەکی راستی و دروستی باسی ئەم دۆخەی ئیستای جیهان دەکەین ، کە لەقۆناخی جەنگی جیهانی سێیەم داین .

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت