Ali-Bapir

شه‌هاب كه‌ریم : عه‌لی باپیر ” به‌هه‌شتیه‌ و خه‌و به‌خواوه‌ ده‌بینێت !! .

Avatar photo

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

دڕنده‌ و خوێن یان منداڵ و ژیان.! ئه‌وه‌ به‌ناوی جیهاد و ئیسلامه‌وه‌ ده‌كرێت و ده‌گوزه‌رێت له‌شه‌ڕگه‌كانی سوریادا ، جگه‌ له‌نامرۆڤایه‌تی و دڕنده‌یی ناچنه‌ خانه‌ی هیچ جۆره ‌لێكدانه‌وه‌یه‌كی تره‌وه ‌، ئه‌وان منداڵ و ژن و په‌كه‌وته‌كان ده‌كوژن و سه‌رده‌بڕن ؛ له‌كاتێكدا كووشتنی هاوڵاتیانی سڤیڵ له‌ئیسلامداگه‌وره‌ترین تاوانه‌ به‌رامبه‌ر به‌‌فه‌رمایشته‌كان و هه‌ر دروستكه‌رێكی یه‌زدانی كه‌ئه‌نجام ده‌درێت ، كێ له‌سزای یه‌زدان ئه‌ترسێت ؟؟ ئه‌وانه‌ی منداڵ ده‌كوژن ، یان ئافره‌ت به‌دیاری و به‌ناوی ( نیكاحی جه‌سته‌وه ‌) بۆشۆڕشگێڕه‌ به‌ناوئیسلامیه‌كان وه‌ك كۆیله‌یه‌ك بۆخۆیان ده‌به‌ن؟؟؟

براوه‌ی جه‌نگه‌كان بۆیان هه‌یه ‌هه‌موو مافێكی سه‌رزه‌مینیان هه‌بێت و ژیان و مه‌رگ بگرنه‌ده‌ست به‌ناوی یه‌زدانه‌وه‌ له‌سه‌ر زه‌مین بریاربده‌ن كه‌كێ به‌هه‌شتیه‌ و كێ جه‌هه‌نه‌م و ئه‌هریمه‌نی .!دڵنیام یه‌زدان پشت به‌دڕنده‌كانی سه‌رزه‌و‌ی نابه‌ستێت بۆبه‌ره‌و پێش بردنی ئاین و ده‌سه‌ڵاته‌كه‌ی ده‌نا ئه‌م كار و كرده‌وانه‌ده‌مانخه‌نه‌گومانی بونی ئاینێكی دڕنده‌ی ده‌ست وه‌شێن له‌بوون و بونیادگه‌ری كه‌خودی یه‌زدان تێیدا به‌رپرسه ‌، گه‌ر به‌پێی یاساكانی ئیسلام و قورعانیش بن ، ئه‌وان گومانیان ڕه‌وانینه‌وه ؛ ‌له‌ڕاستی و ماناكانی ئه‌نفال و سوره‌ته‌كانی قورعان و كه‌سایه‌تی(حه‌لاج) واته‌ته‌یر و تیوره‌كانی ئیسلام و قه‌عقاع و وه‌قاسه‌كه‌ی ئه‌میری كۆمه‌ڵ و… هتدد . یان كرده ‌دیاری و سه‌ری مناڵه‌ ساواكانیان پێ په‌ڕاند و مێژویه‌كی خوێناویان بۆ ئێمه‌ گه‌ڕانده‌وه‌ ئه‌وان نه‌ترسان ، ئه‌وه‌ی ده‌یانویست كردیان و ده‌یكه‌نه‌وه‌ ، ئه‌وان هه‌میشه ‌دڕنده‌بون و به‌دڕنده‌ییش ده‌مێننه‌وه ‌، له‌بار و دۆخی ئێستادابۆ به‌رژه‌وه‌ندیه‌كان . ئیسلام و سیاسه‌تی میلله‌تێكی به‌دبه‌ختیان پێكه‌وه ‌په‌یوه‌ستكردوه‌ و حه‌ڵاڵیان بۆخۆیان و حه‌رامیان له‌سه‌رخه‌ڵكی دابه‌شكردوه‌ ، لێره‌دا حه‌رام و حه‌ڵاڵ به‌جێده‌هێڵم بۆ ئه‌میری كۆمه‌ڵ و ئه‌زمونێك له‌ڕابردووه‌ربگرین و كه‌مێكیش له‌ده‌سه‌ڵات بدوێن ، چونكه ‌بۆچونی ئه‌میر و لێكدانه‌وه‌ی بۆده‌سه‌ڵات ، پێی وایه‌ ده‌سه‌ڵاتێكی ئیسلامی دیموكراسی خودی مێزه‌ر به‌سه‌ره‌كان و ئاخونده‌كانی ئێران پێشڕه‌ویان بێت .

ئه‌وانه‌ش دوباره‌ به‌جێ ده‌هێڵم ، چوونكه‌ خودی به‌ڵگه‌كان بۆخۆیان ده‌دوێن و پێویست به‌ئیشاره‌ت ناكات ، به‌بیر و بۆچونی ئه‌میر كافرێكی وه‌ك من ناڕاستگۆیی به‌رامبه‌ر بكه‌م ، به‌ڵام هاوڕێی سیخوڕی ئیتلاعات و به‌چكه‌به‌سیجه‌كانی ئێران و مه‌لائیحسانه‌كانی بزوتنه‌وه‌كانی له‌مه‌ڕخۆتان سوێندتان له‌سه‌رده‌خۆن و مێزگه‌ری و كۆڕ و كۆونه‌وه‌كانی به‌به‌عسی بونتان به‌قورعانێكی پیرۆز ده‌كاته‌ شایه‌ت له‌سه‌رتان ، ئه‌گه‌رچی ڕاوێژكاره‌كه‌ی عه‌لی باپیری ئه‌میری كۆمه‌ڵ نهێنی و ڕاده‌ستكردنی چه‌ندین پێشمه‌رگه‌‌ و تێكۆشه‌ری ڕۆژهه‌ڵاتی كوردستان به‌پلانی مه‌لائیحسانه‌كان و ته‌سلیم كردنیان به‌دام و ده‌زگاكانی سوپای پاسداران و ئیتلاعاتی مێزه‌ربه‌سه‌ره‌كان له‌تۆڵه‌ی جه‌نابتان ده‌كاته‌ڕۆمانێك و تۆش ده‌كاته‌پاڵه‌وانێكی جیهاد و لێكۆڵینه‌وه و لێپرسینه‌وه‌‌له‌گه‌ڵ مه‌لائیحسان ده‌كات ، ئه‌مه‌ش به‌جێبهێڵین و بێینه‌وه‌‌ سه‌ر خه‌ونه‌كانت ، تاچه‌نده ‌ڕاستن و گوایه‌به‌ڕێزتان خه‌ون به‌ یه‌زدانی مه‌زنه‌وه ‌ده‌بینن و گوایه ‌به‌ره‌و به‌هه‌شتیان بردویت؟؟؟ پاش ئه‌وه‌ی له‌خوا ترسێكی وه‌ك تۆ نكۆڵی له‌خه‌ون بینینه‌كانت ناكه‌یت ، ڕاسته‌وخۆ من ده‌خاته ‌به‌رامبه‌ر به‌پرسیارێك و جه‌نگی عێراق و ئێرانم به‌بیردینێته‌وه‌ ، ئایا له‌خه‌وتا كه‌چویت بۆبه‌هه‌شت ، كه‌ست له‌وانه‌بینی كه‌‌كلیلی به‌هه‌شتیان پیبوو ، ڕوبه‌روی شه‌ڕگه‌كان ده‌چون و پێیان له‌مه‌رگی خۆیان ده‌نا ؟ به‌ڕاستی سه‌یر و سه‌مه‌ره‌یه‌ به‌عسیه‌ك خه‌ون به‌خواوه ‌ببینێت ؟ به‌ڕاستی تاوانه ‌كه‌سێك ته‌نها یه‌ك دڵۆپ ئاره‌قی نه‌كردبێته‌وه‌ و خانوی چه‌ند نهۆمی و باڵه‌خانه‌ی به‌رز و به‌پێی مۆدیل ساڵانه‌ ئۆتۆمبیل بگۆڕێت و له‌گه‌ڵ ئه‌وه‌شدا ئه‌میری كۆمه‌ڵ بێت و ئه‌وه‌نده‌ش له‌خواترس بێت . سه‌یر وسه‌مه‌ره‌یه ‌ڕۆژانه ‌به‌ناو گروپه ‌ئیسلامیه‌كان هه‌زاران مناڵی سه‌ربێشكه‌ی كوردستانی ڕۆژئاوا به‌ناوی جیهاده‌وه ‌ده‌كوژن و جه‌نابتان له‌ئاست ئه‌و هه‌موو تاوانه‌دا وه‌ك نه ‌باتان دیبێت نه‌باران ، دڵنیاشم له‌وه‌ی ته‌نهایه‌ك مناڵت بردبێته ‌ماڵی خۆت و یه‌ك ژه‌م نانت پێدابێت ، تاوان له‌وه‌زیاتر ده‌بێت چی بێت ؟ ئه‌ی وتاره ‌به‌(حه‌ما‌سیه‌كانت) بۆ كه‌ی هه‌ڵگرتبێت ؟ بۆده‌ریان نابڕیت و بۆتاقم و تفه‌نگه‌كه‌ت نابه‌ستیت ، گه‌ر تۆ له‌به‌رگریكردنی تاوان و كوشتنی ‌مناڵانی كوردستانی ڕۆژائاودا بكوژرێیت ، بێشك شه‌هیدی گومانی تیانیه ‌به‌هه‌شتیت .

3,304 جار بینــراوە لەڕەهێڵپۆست

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت