Zindan-4

فەتاح حەسەن : *(11.12.2013 ) .

Avatar photo

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

ئەمڕۆ سیانزە باخ دەگەڕێم

دوانزە گوڵ دەچنم.

چاوەڕێی یانزە مرۆڤ دەکەم

کە بیدەم لە بەرۆکیان

یەکێکیان تۆی.

ئەمڕۆ لاپەڕەی یانزە دیوان

ئەمدیوئەودیو دەکەم .

دوانزە شیعر هەڵدەبژێرم

کە بۆنیان لەبۆنی تۆ بچێت .

ئەمڕۆ گوێبیستی

یانزە گۆرانیبێژ دەبم .

دوانزە گۆرانیان

ئەزبەردەکەم

کە نامۆیی و تەنیاییان

لێبچۆڕێ .

ئەمڕۆ سیانزە پێنوس دەکڕم .

دوانزەیان دەدەم بە ئاشقان

پەیڤ و وشەی خۆشەویستی

پێبنوسن.

سیانزەهەمیان

دەدەمە دەست کەڕو لاڵێ

تا بنوسێت :-

نا بۆ کۆیلەیی و ژێردەستی

 

. رۆژێکی وەك ئەمڕۆ بەژمارەی 11.12.13 دوبارەنابێتەوە تا هەزار ساڵی دیکەن

کە بریتییە لە 11.12.3013

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت