لوقمان مستەفا: با دەست لەکارکێشانەوە بکەین بە نەریت.

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

هەرچەندە دەست لەکاکێشانەوە بە یاسا رێکخراوە، لەدامودەزگا حکومیەکاندا، بەپێی ئەودەقە یاساییە یانەی کە لەمادە 16 ،17 ، 18، لە یاسای (قانون انضباط الدولە ) عێراقدا هاتوە،‌ فەرمانبەر دەتوانێت نوسراوێک ئاراستەی بەرێوەبەری فەرمانگەکەی، یاخود شوێن کارەکەی بکات، بەمەبەستی رەزامەندبون لەلایەن بەرێوەبەرەکەیەوە، یاخود رەت کردنەوەی، پاش تەواوبونی ئەوماوە یاساییەی کەلەنێوان پێشکەش کردنی نوسراوەکەو وەڵامدانەوەی بەرپرسەکەی، پێویستە فەرمانبەری داواکاری دەست لەکارکێشاوە بەردەوام بێت لەکارەکەی، تاوەڵامی رەزامەند بوون یاخود رەتدانەوەی داوەکەی پێدەگات، هەروەها نابێت ببێتە هۆی زەرەرپێگەیاندنی ئەوشوێنەی کەکاری لێدەکات. چونکە بەرژەوەندی گشتی لە پێش بەرژەوەندی تایبەتیەوەیە. ئەمە لەروی رێکاری یاساییەوە وائەنجام دەدرێت.

بەڵام، تائێستا لە ووڵاتی ئێمەدا تا ئەم ساتەش دەست لەکار کێشانەوەو دەست هەڵگرتن لە پۆست و پلەو پایەکاندا هێشتا لە فۆرمەلە یاساییەکەی دەرنەچووەو نەبۆتە نەریت، لەبازنەی بەرژەوەنی تایبەتی خولدەخوات، خۆ ئەگەر بۆ هەموو سەرەتایەک کۆتاییەک هەبێت ئەوا بەر لە شکستی گەورەو بەر لە قەیران و لە هەموو ساتەوەختێکی پێویستدا و هەرکاتێک قۆناغەکە و ژینگەی شوین و پۆستی کارکردن و لێپرسرواێتی بی خوازێت دەست لەکارکێشانەوە و وازهێنان و دەست هەڵگرتن لە ئەرک و پلە و پۆستەکان زەروورەتێکی مێژووی قۆناغەکانە، بەڵام تا ئێستا دەست لە کارکێشانەوە لای ئێمە کەمترین رووداو و شەرم ترین دەنگە و کلتورێکی باڵا دەست نیە. لە جیهانی پێشکەوتوودا ووڵاتانی گەشەسەندودا تەنانەت لە وەرزشەکەشیاندا بەر لە قەیران و بەر لە رووداو و بەرلەشکست و لە ساتەوەختی هەموو ئەوانەشدا کلتوری وازهێنان و دەست لە کارکێشانەوە بەهزر و بیریاندا رۆچووە و زیاتر لەوەش زۆر جار کەسایەتیەکان و ناو و ئەستێرە دیارەکان لە ترۆپکی ئامادەی و ناوبانگ وسەرکەوتندا لە پێناو نەمری خۆیاندا و وەک هەڵوێست و وەک هەستکردن بە بەرپرسیارێتی و بە ئارەزووی گۆرانکاری و بە دروست کردنی بیان و گەلێک کە ئامانج تیایدا تەنیا خزمەت کردنە، وازهێنان و دەست لەکار کێشانەوە لە ئەرک و کارەکانی خۆیاندا دوور لە چاوەروانییەکان دەکەنە پڕۆسە، بۆ ئەمەش نمونە گەلێکی زۆرمان لەبەردەست و لەبەر چاوەدەبینین و دەبیستین لە ووڵاتە دیموکراسی و رۆژئاوایەکان وەزیروئەندام پەرلەمان و بەرپرسەکان چۆن لەبەرامبەر کارەساتێکی سروشتی و رووداووناعەدالەتی و ئاشکرابوونی گەندەڵیەک لە وەزارەت و حکومەت ھەڵوێست وەردەگرن و دەست لەکاردەکێشنەوە و رێزلە ئیرادەی دەنگدەران و ھاووڵاتیان دەگرن، لەپێناو پلەو پایەو پۆست و ئارەزوەکاندا بەرژەوەندی گەل ناخەنە سەرووی بەرژەوەندی کەسی و حیزبی.
بەڵام لەئەزموونی حوکمداری ھەرێمی کوردستاندا بانگەشەی دیموکراسی و مەدەنیەت و عەدالەت و مافی ھاووڵاتی و بەژەوەندی گەل و میللەت کاسی کردووین، بەڵام بەس بەقسە نەک بەکردار! ئەوان نەک دەست لەکارناکێشنەوە بەڵکوشەڕیش لەسەرمانەوەیان دەکەن لەچەند کابینەی یەک لەدوایەکدادەبنەوە بە بەرپرس و وەزیرو… هتد، وەک ئەوەی لەم ووڵاتەدا تەنیا ئەو کەسانە شایستەو پسپۆرو خەمخۆرودەسپاکی گەل بن.
کاتێک ئیهودباراک کە لەساڵی 2012 وەزیری بەرگری ئیسرائیل بودەستی لەکار کێشایەوە کەلەوپەری دەسەڵاتیدابو، ناوبراو پێشتریش پۆستی سەرۆکی ئەنجومونی وەزیرانی لە ئەستۆبوە، دەست لەکار کێشانەوەکەی کەسایەتیەکەی زیاتر بەرزکردەوە لەنێوەندە سیاسیەکانی ووڵاتەکەیدا، ئەوان یاسایان کردبە بەشێک لە کلتوری ووڵاتەکەیان.
دەبێت ئێمەی کوردیش چاولەکارە باشەکانی ووڵاتان بکەین و دەست لەکارکێشانەوە لەرێکارە یاساییەکەیەوە بکەین بەبەشێک لەکلتوری ووڵاتەکەمان، دەبێ دەست بکەین بە چاندنی تۆوی کولتووری دەست لەکارکێشانەوە.
هەربەرپرسێک لەهەر پلەو پۆستێکی ئیداریدابێت، نەیتوانی خزمەتی گەل ونیشتمانە کەی بکات، یاخود ڕێگری لە ڕاپەڕاندنی ئیش وکارەکانی دەکرێت، وەیان ودەست تێوەردان لە ئیش وکارەکانیدا دەکرێت، نەتوانێت وەک پێویست کارەکانی جێبەجێبکات وخزمەت گوزاری پێش کەش بکات، ئەوا زۆر سەربەرزانەترە کە دەست لەکار بکێشێتەوە، لانی کەم ئەوشەرەفەی پێدەبڕێت کە ببێتە پێشەنگ بۆ نەوەکانی ئێستاو ئایندە.

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت