Abubakir-Caf-8

ئەبوبەکر جاف : ڕاپەڕین وەك پرۆژەیەكی نا تەواو .

سمبولی تۆڕە کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت

لە بارەی ڕاپەڕینی دووەمەوە .

گرفتەكە درێژبوونەوەی زیاد لە پێویستی كەڵكەڵەی شۆرشگێرانەیە , كەڵكەڵەیەك سیستەمێكی مۆراڵی و بەهایی وای دروستكردوە , شەرعیەتی كاركردن و بەردەوامی بوونی بووە ( بە كێشەیەكی میتا فیزیكیانە و سایكۆلۆژیانە ) . دۆستەكان , دۆستەكانی شۆڕش و شۆڕگێڕەكانن , نەیار و دوژمنەكانیش , هەر نەیار و ناحەزانی شۆڕش و خەیاڵی شۆڕشگێریانەمانن . بكەری كایەی سیاسیمان , كردەی سیاسیمان . كاریزمای سیاسیمان , شێوازی رێكخستن و فۆرموەرگرتنی دەزگاو موئەسەساتی سیاسیمان . میكانیزمی گەیشتن و دەستەبەركردنی خەونە ( نیشتمانی و نەتەوەایەتییەكانمان ) , ئاسایشی سیاسی , نەتەوایەتی , كۆمەڵایەتیمان … كۆ ی ئەمانە سیستەمی بەرهەمهێنانەوەی شۆڕش و كەڵكەڵەی شۆڕشگێری ئەیبات بە رَیوە .

ئینسان وەك پرانسیپە گەردونیەكە , بە تەرازوی (پرانسیپ و پێوەرە شۆڕگێرییەكان) ئەپێورێت . ئا لەم دۆخەدا , پرۆژەگەلێك لە دواخستن و دورخستنەوەدان , لە لابردن و بە پەراوێزكردخستندان , لە ناوچە تابۆ و موحەرەماتەكاندان , مەگەر تەنها خەیاڵی فاڵگرانەی شۆڕش بزانێت كەی قسەی لە بارەوە بكەین . ئەو پەراوێزە لە مومارەسەی ئینسانی بوون كە هەیە , لە ژێر ترس و بە ئاگابوون و بە حەزەربوونێكی گەورەی ئەتمۆسفێری شۆرشگێریدا بەستونیەتییەوە , ئیجماعێك لە سەر هەستیاری ( دۆخەكەو نا كامڵی دۆخەكە ) هەیەو , ئەبێت هەبێت .

تا ئەم چركەساتە (مێژووی – سیاسییە) ئەبێت ناچاریەكەی ناوەكی و كۆمەڵایەتیممۆراڵیان هەبێت بە پرسی كوردبوونەوە ) . بەڵام ماوەیەكی درێژە بێخەم و بێباك ئەژین , یا بێباككراوین , مەستكراوین بەوەی ( هێشتاكە ماویەتی !) زیاد لە دەیەیەك ئێمە خەمساردین لە پاشكەشكردنێكی جزئی و پێداچونەوە ( بە سیستەمی بەرهەمهێنانی مانا ) لە كارگەكانی شۆِرش و شۆڕگێراندا . بە ئیشكال و بە پرۆبڵماتیككردنی شۆڕش خۆی , مۆراڵی شۆڕگێری .. برێك لە خەمساردییەكەی بكەوێتە ئەستۆی شۆڕشگێران , زیاتر لە ئەستۆی ( سیستەمێكدایە) كە خەرێكە ئەیكات بە جەبر و ناچارییەك , بە گوتار , بە زمان .

شۆڕشكرا , ڕاپەڕین كرا , شەهید درا , سەرمایەی گەورەی ( نەتەوەیی ) بێبەها كرا , بەڵام ئامادەكردن و سازدانی ( زەمینەیكی دەرونی – كۆمەڵایەیی ) بۆ یادكرنەوەیان , بەرز ڕاگرتنیان , بەم میكانیزم و یادكردنەوە و بەرهەمهێنانەوەی ( یادەوەری شۆڕگێڕی ) دوامان ئەخات , ئێمە نە ( ئەوی تر ناسیمان هەیە ) بۆ جیاكردنەوەو خۆ بەرهەمهێنانەوەی جیاواز , ( نە خۆناسینمان هەیە ) بەو واتایەی هەمیشە بەرمەبنای ( لە خۆ ڕوانین ) لە دۆخێكی پاسیڤ و ئیرتیكاسیی و مشەخۆرییەوە بمان بات بۆ (دۆخێكی ئەكتیڤ و بەرهەمهێنەر) .

پرانسیپی ڕاگرتنی ماناو پێناسەكراوەكان , چاكەو خراپە , ڕابردو ئێستاو داهاتو , هەمان پرانسیپی تەقلیدی و نەریتین , خەمی سیاسەتیش , برێكی باش هێشتنەوە قەڵەوكردنی ئەو (سروشتە نەریتییەی ) پرانسیپ و ئیدیاكانە . تەنها ئیدیایەكی ( وەك كیان و بونێكی (سیاسی – جوگرافی ) جیاواز لەوی تری ناكورد, ئیدیایەك نییە بڕی (درێژبوونەوەیەكی ) زیاتری (كۆمەڵایەتی – وجودیمان ) بكات . ئێمە سەرباری ئەوەی نابێت دەستبەرداری (سەربەخۆبون ببین ) , بەڵام ( سەربەخۆبون گواستنەوەیەكی چەمكی , مانایی, مرۆیی) ئەوێت . سەربەخۆبوون , لە پاش پرۆسەیەكی تری ( وجدیانە دێت ) كە سەربەخۆبونی ( ئینسانی و سەربەخۆیی ئیرادەی ئینسانییە ) لەوەی (خۆی بێت و تەنها خۆی هەڵبژاردەی دەست و وێنەو ئیرادی ئازادانەو ئازایانەی سەربەخۆیانەی خودی خۆی بێت ) , واتە پرۆسەی بە تاككردن و ئیندیڤیدوالیزاسیۆنێك ), كە تاك و ئیرادەی تاك لە سەرو ( كۆت و پەیوەندە نا خۆَی و ناخودییەكانەوە بێت ) . ئێمە ئەكرێت بڵێن : هەر لە دۆخی ڕاپەڕینداین , واتە ئەمە چركەساتی ( وجودی , سۆسیۆلۆژی , دەرونی ) دوەم و سێیەمی ڕاپەڕینە .چۆن ؟

راپەڕینی یەكەم ڕاماڵینی دەسەلاتێكی ( ئیدۆلۆژی – سیاسی بوو ) لە كۆتاییەكانیدایە , ئێستا ترسی سیاسیانە هەیە (بەڵام ) ئەو هێزو شەرعییەتەی ) كەمترە لە چركەساتەكانی ( ڕاپەڕینی یەكەم ) . شەرعییەتەكان , ئەكتەرە نوێیەكان , پەیوەندییەكان , ڕوانین لە ژیان , لە كۆمەڵگەو پێكهاتەكانی , لە چیرۆك و پاڵەوان بوون .. ئەمانەو شتگەلێكی تر ( حەقیقەتێكمان پێدەڵێن : ئێمە لە ڕاپەڕینی دووەم , یا قۆناغی پۆست ڕاپەرینی یەكەمداین ) , باشترین و زەقترین دراو ئاماژەش ( بێنمەكی ,بێباكی و خەمساردیمانە ) بەرانبەر ڕیتواڵی ڕاپەڕین و یادكردنەوەیان . ئێستاكە , هێشتاكە درەنگ نییە , بۆ بە ئەقڵانی كردن , یا شێوازێكی ( ئیجماع ) لە سەركراوی ( بە ئەقڵانیكردنی دونیاو دراوەكانی دونیای ئێستایی كوردی , پرۆژەیەكی ( رۆشنگەریانە ) ی وەها ( كە بڕێكی زۆر لە ئەزمەنی رۆشنگەریی و رۆنیسانس و ئەقڵانیەتی ناو مێژوی مرۆڤایەتییەوە هەڵیهێنجێنین . ( ئینسان و سەربەخۆیی ئیرادەی ئینسانی و هەڵبژراردنی ئینسانی و ئازادی ئینسانی و عەدالەت و پێكەوە ژیان و پێكەوە هەڵكردنی ئینسانیمان ) بچێتە ناو ( گوتارێكی پراگماتیكیانەوە ) بە بێ دەستبەرداربوون لە مۆراڵ و ئەو ڕەخنانەی كە لە ( پراگماتیزمی ) ناو مۆدێرنە ئەگیرێت .

ئێمە لە ناچارییەكداین , لە ناو پێداویستییەكداین : لە ڕاقەڕینی جەماوەری و ماسسەوە , بگوازینەوە بۆ ڕاپەڕینی جود و سوبژێكتەگەرایی , كە ئینسان شۆناسی ئۆتۆنۆمی خۆی هەبێت , هەر ئەمەش ( ڕاپەڕنی دوەم و كامڵكردنی ڕاپەڕینی ) یەكەمە.

لە نێو ئەم پرۆسەیەشدا : لە بیركردنەوەی شۆڕگێرانەوە ئەگوازینەوە بۆ بیركردنەوە لە شۆڕش .

999 جار بینــراوە لەڕەهێڵپۆست