Abubakir-Caf-3

ئەبوبەکر جاف : گەرمیانییەك بۆ كتیب دەسوتینیت ؟! .

سمبولی تۆڕە کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت

خەیاڵێك , رۆحیەتێك , ماهیەت و جەبرێك , مۆراڵێك .. هەر ناوێكی ئەنێیت .. لای گەرمیانییەك زیاتر بە ڕادیكاڵی بونی هەیە . بۆ ؟! ئەمە لە جیگەیەكی تردا باس ئەكرێت . ئەو خوێنەی بە دەمارو رۆحی گەرمیانییەكدا دەگەرێت , زۆر خەستە , بۆ كاڵنابێتەوە .. ؟! بۆ ناكرێت بە گیراوەیی و بە تێكەڵكردنی بە ئاوێك ڕیژەی ئەم خەستییە كەمتر بكرێتەوە .

گەرمیانییەك زۆر دەرگیرو پەیوەستە لەگەڵ ڕیشەو وەك خۆی بونی بكەرو دیاردەكان . گەرمیانییەكان . دەقی نا تەفسیركراو , دەقی یەكەمی بێگەردو دەستلێنەدراوی ئەوێت . ئەمەی ڕویدا بە شكڵی تریش بونی هەیە . كاتیێك گەرمانییەك لە ناو زەلكاوی ئیدۆلۆژیشدا مەلە دەكات . ئامادە نییە بڵێ زەلكاوە . ئەو كە ئیسلامی بوو دەبیچت سەلەفی و ڕادیكاڵ بێت , كە یەكێتی بوو , دەبێت جەلالی بێت , كە پارتی بوو مەللاییەكەی سەرسەختە . كە شیوعی و كۆمۆنیست بێت , ماركسیزمی لە دەستی یەكەمەوە نەبێت قەبوڵ ناكات . گرفتی گەرمیانییەك ئەوەیە ناتوانێت مونافیق و چەند ڕو بێت ؟! ناتوانێت بە تەواوی دونیا دۆست و دونیا ویست و ژیان پەرست بێت . گەرمیانییەك هەمیشە لە ڕكابەری و ململانێكردنی مەرگ دایە . ئەو گەرمیانییەهێشتاكە سونەتیانە و ترادیسیۆنالیستانە لە گەڵ هەڵوێست و نەبەردی و جەربەزەیی و جوامێری و پیاوەتی و ژنێتی … ئاوێزان . داواكردنی ئەم شتانەش لە مونافیق و نیفاق و دوو شێوەیی شار و شارنشینان بەم شێوەیە دەكەوێتەوە .! داوای فەزیلەتێكی سونەتی لە مونافیقێكی شار وێنەكەی تۆ بە بەری پیشان ئەدات .

لێرەوە گەرمیانییەك تەنیا بە چەمكە دوریداكەی سەەروكاری لە گەڵ فۆنۆسێنتەریكدایە تا نوسین و كردەیەك لە نوسینن و تیچكستدا خۆی مانێڤستكردبێت . كاتێك كردەیەك دەچێتە ناو كتێبەوە دەچێتە ناو زمانێكەوە كە بارگاوی دەكرێت بە نا مۆراڵی و نا پرانسیپگەرایی , ئەوەی لە كردەی نوسیندا لە دەستی دەدات نوسەرە , ئەم ترسە لە لە دەستدانی بكەری تێكست , ترسە لە دەستدانی هەلوێستێك مۆراڵی كە گەرمیانییەك بە ئەرزشی دەگریت .

گەرمیانییەك بۆ ناتوانێت لە نێوان نوسەرو تێكستەكەیدا چاوەرشوانی پارادۆكس و نیفاق و شیزۆفرینیا بكات ؟! ئەوانەشی كە بەرگریكارن لە نەسوتانی كتێب , وەك ئەوەی پانتاییەكیە تەواوی خودی نوسەرە ؟! هەمان كێشەیەیان هەیە . ئەوەی دەسوتێت كتیبە یا نوسەر, بۆ نوسین و نوسەر جیا نەبێت ؟!!

بۆیە گرفتی ڕۆحی – سۆسیۆلۆژیی گەرمیانییەك ئەوەیە كە ناتوانێت ترسنۆك بێت ماڵی نەبووە بەرانبەر كارێكتەر و سلوكێكی پڕ پارادۆكسی شارنشینی . واتە ژیاندۆست بێت بە ژیانەی لە شاردا هەیە , ئەو ئەگەر هەمیشە مەرگی پێ نەبێت خۆی مەرگە ! بەڵام جیاوازی نیچوان گەرمیانیی و نا گەرمیانیەك تەنیا و لە زۆر شتدا بێچ و پەنا لە دەرەوەی گەمەوی زمانیدا ئەیدا بە ناوچەوانیدا . ئەم ناتوانێت مونافیق بێت !!!

1,044 جار بینــراوە لەڕەهێڵپۆست