pdk-puk

حاکم فەرهاد : پارتییەکان ئاهەنگ دەگێرن بۆ شەڕی نێوان گۆڕان و یەکێتی ..

سمبولی تۆڕە کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت

شەوی بیستوچوار لەسەر بیستوپێنج  تەقەیەکی زۆر  ، سلێمانی  و دەوروبەری داپۆشی  ، شار بۆنی شەڕی براکانی لێدەهات  . ئەو شەوە هەموو هێزەکانی دەرەوەی پارتی و خەڵکی هەستناسکی کوردپەروەر  بەچاوی نەخوازیارەوە دەیانڕوانییە  بەردەوامی ئەو شەڕەو  ، پارتی وهاوزنجیرەکانی خوازیاری خۆشکردنی کڵپەی گڕی ئاگرەکە بوون  .. سەرئەنجام بۆ هەموو لایەک دەرکەوت ، کەپارتی لەپشت نانەوەی ئاشوبەکەیە و دەخوازێت ئەو شەڕە بەجۆرێک بێت کوژانەوەی نەبێت  و دواجار ئەم بەدڵی خۆی دەست بنیتە قاقای هەموو لایەک و چەکوشی بەناو عەدالەت و قامچی رەحمی ئەو بەسەر هەموولایەکەوە  لەبەردەوامی وەشاندنیا بێت .

گومانەکان راست بوو ، کەپارتی لەپشت ئەو ئاشوبەوە بوو  ، بیئاگایی و کەم تێگەیشتنی سەرانی یەکێتی و گۆڕان  ، پارتییەکی ئاوازە  بەهۆزو داخراویی کردە مامۆستای گاڵتەجاری ئەوان و بەدڵی خۆی توانی ئەمجارەشیان گاڵتە بەچارەنوسی ئەوان  و لەوانیشەوە بۆگەل بکات .

تۆ ببینن وەک چۆن لەجەولەی شەڕی دووەمی نێوان پارتی و یەکێتی ، تەقینەوە خیانەتکارییەکەی  شاری زاخۆی دەلالی خستە پاڵ کۆسرە ت ڕەسوڵ و تاوانباری کرد بەوەی ئەو بووە لەپشت تەقینەوەکە  ، ویستیشی بەهەمان سینارۆ شەهیدکردنی سەردەشتی هەمیشە زیندوو بخاتە ئەستۆی کۆسرەت ، بەڵام سەری نەگرد .. ئەو کەسەی کەکرابووە پاڵەوانی ئەم سینارۆیە بۆ ئەوەی ببێتە شایەتحاڵ لەدادگا و زمان لەوە بدات کە کۆسرەت لەپشت شەهیدکردنی سەردەشتی هەمیشە زیندووەیە ” خێلان بەختیار ” بوو .

خێڵان بەختیار  لەپشت شەهید سەردەشتەوە بۆتە یەکێک لە کۆڵەکەکانی نوسینگەی ڕاگەیاندنی ” نێچیرڤان بارزانی ”  ئیتر نازانم ئەم خێڵانە بەهۆی ئەوەی باوکی هەرلەزەمەنی دایک بوونییەوە پارتی بووە ، یاخود ئەمیش بەشێک بووە لەپشت سینارۆیی فڕاندن و لەناوبردنی سەردەشتەوە ، چونکە ئەم خێڵانە وەک دەڵێن : بەرلە شەهیدکردنی سەردەشت بۆتە هاوڕێیەکی زۆر نزیک و بەئاگا لێی  ..

خێڵان بەختیار لەسەر سایتەکەی لەفەیسبووک بەخۆشییەوە  ئەوهەواڵەی بڵاوکردۆتەوە ، کە لە بنکەی ئەلبیسەکە لەنێوان گۆڕان و یەکێتی شەڕە بۆکس کراوە . ئەم ڕستەیە هەر بەئاسانی نابیت تێی بڕوانرێت ،  بەڵکوو دەبیت بۆسەرچاوەکەی بڕوانین و ئاوە لێخنەکە بشڵەقینین  . ئەمانە ژیرانە تیکستەکان  دەنێرن بۆ هاوزنجیرەکانی خۆیان  ، وایان تێدەگەیەنن ئەمان بینەری شەڕە خۆزیارەکانی خۆیانن  ، ئەم ئاوازانە هەرچی کوردایەتی و نیشتمان بوونی تیا نییە ، چونکە لە مەدرەسەیەک پەروەردەکراون  واتای کوردایەتی لایان خزمەتکردنە بەدەستەو تاقمێک ، ئەمانە کۆیلەن و لەچاوەڕێی ئافەرینێکی سەروخۆیانن  . باسەرتان نەیەشێنم  بۆخۆیان وێنەگیراوەکەی چەند کۆمێنێکی  خێلان بەختیار ببینن و بۆخۆتان بزانن ئەمانە چەند خوازیاری شەڕی کورد بەکوردن   ..