Bellge.Dr_.kemal_

دەربارەی پرسی کورد لە سوریا حکومەتی بەریتانیا وەلامی د. کەمال میراودەلی دەداتەوە

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

گۆڕانەکان جێی هیواو لە بەرژەوەندی کوردن

وەزارەتی دەرەوەو کۆمنوێلث

بەشی رۆژهەلاتی نزیک

بەریوەبەرایەتی رۆژهەلاتی نێوین و باکووری ئەفریقا

٢٣ ی ئەیلوولی ٢٠١٣

بەریز د. میراودەلی

سوپاس بۆ نامەکەی ٢٠ ی ئابت بۆ سەرۆک وەزیران دەربارەی رەوشی سوریا . نامەکەت حەواڵەی وەزارەتی دەرەوەو کۆمنوێلث کرا تا وەلامی بدرێتەوە . من داوام لێکرا وەلامەکەت بۆ بنووسم .

هەر وەک تۆ، حکومەت [ی بەریتانی] نیگەرانە لە راپۆرتەکانی لێکدانی توندوتیژ لە نیوان دانیشتوانی کوردی باکووری سوریا و ئێکستریمیستە ئیسلامییەکان . بەرپرسانی وەزارەتی دەرەوە چاویان بە نوێنەرانی کۆمەلگای کورد لە لەندەن کەوتووە تا زانیاری زیاتر بەدەەستبێنن و ئێمە خەریکی بەدەستهێنانی وردەکاری زیاتر و پشتراستکردنەوەی بەرپرسانی خۆمانین لە تورکیا و عێراق .

ئێمە بەردەوام دەبین لە لێکٶڵینەوەی پالنەری پشت ئەو گرژییانە بەلام ئێمە ئاگاداری هیچ توندوتیژییەک نین کە وا پێشنیاز بکات تورکیا پشتگیری ئێکستریمیستە ئیسلامییەکان لە هەرێمەکەدا دەکات . لەجیاتی ئەوە ، ئێمە وا تێدەگەین تورکیا لە هەولی ئەوەدایە باشتر رەوشی کورد لە سوریادا تێبگات و تا ئێستا ، لەم دواییەدا ، دوو جار لە ئەنقەرە لەگەڵ نوێنەرانی کورد دانێشتووە ، لەوانە سەرۆکی (پەیەدە) ش سالەح موسلیم . ئێمەپێشوازی لەم هاوپێوەندییە دەکەین و لە ڕێگای پۆستەکانمانەوە لە ناوچەکەدا بەردەوام دەبین لە کارکردن لە سەر پرسە کوردییەکان . ئێمە هانی کوردەکان دەدەین بچنە ناو (هاوپەیمانی نیشتمانی ) ئۆپۆزسیۆنی سوریا وخۆشحالێن بەو راپۆرتانەی کە (هاوپەیمانی) کۆمیتەیەکی پێکهێناوە بۆ دیراسەکردنی کێشەکانی کوردو هاوپێوەندیی لەگەڵ نوێنەرانی کوردا.

دواجار، ئێمە ئیلتیزامی تەواومان هەیە بە دۆزینەوەی چارەسەرییەکی سیاسیی بۆ قەیرانەکە [ی سوریا] . ئێمە پشگیری دەستپێشخەرییەکەی ئەمریکا/ روسیا دەکەین بۆ دانوستاندی ئاشتی بە نێوبژیکردنی نەتەەوەیەکگرتۆکان لە نیوان ئۆپۆزیسۆن و عەناسیری رژێمداو هیوامان هەیە کاتورٶژی کۆبونەەوەی (جنێڤ-٢) تا دەکرێ بە خێرایی دیاری بکرێ .

دلسۆزتان

ب . جەی . گریفیثس

باری گریفیثس

کۆمێنت لە سەر ئەم وەلامە

١. وەلامەکە خۆی لە داواکاری سەرەکی د. کەمال دزیوەتەوە کە بریتی بوو لە پشتگیری بەریتانیا بۆ هەولی کوردی رۆژاوا بۆ دامەزراندنی ناوچەیەکی ئۆتۆنۆمی بەپێی دوستوورو هەلبژرادنکی دیمۆکراتی و هەرێمی رۆژاوا بە [ دانیشتوانی کورد لە باکووری سوریا ] ناو دەبات . دیارە ئەمەش بۆ خاتری هەڵوێستی تورکیاو سیاسەتی کۆنەپارێژو حەزەری بەریتانیایە دەربارەی گۆرانەکان لە ناوچەکەو رەوشی دەولەتە نەتەوەییەکانی .

٢. لەگەڵ ئەوەشدا پێشکەوتنی دیار لە هەلوێست و تێگەیشتنی بەریتانیا لە رەوشی کورد بە گشتی و کوردی سوریا بە تایبەتی هەیە . گەرچی نامەکە نکولی لەوە دەکات کە تورکیا دەوری لە یارمەتیدانی ئێکستریمەکان هەبێت. نامەکەی د. کەمال چەندین بەلگەی لە رۆژنامەکانی بەریتانی خۆیان بۆ سەرۆک وەزیران ناردبوو کە زۆربەی تێرۆڕیست و چەک و تفاق و یارمەتی دارایی و لۆجیستێکی لە ڕێگای تورکیاوەیەو بە پشتگیری تورکیایە. دیارە خۆیان باش لەمە ئاگادارن بەلام گومانی نییە کە هەڵوێستیان گۆراوە .

٣. بەریتانیا لە گەل فەرەنسا شەرەنگیزترین دەولەت بوون بۆ داواکردنی چەکدارکردنی ئیسلامییەکان و بەهێزکردنی ئۆپۆزیسیۆن و چاونوقاندن لە تاوانەکانی نوسرەو قاعیدەییەکان لە کوردستان . بەلام کۆمەلێ هۆکاری گرنگ هەموو رەوشەکەی خۆشبەختانە بە قازانجی کورد و تەنانەت ئاشتی و سەقامگیری و نیزامێکی سیاسی نوێ لە تەواوی ناوچەکەدا گۆڕی :

١. رەفزکردنی پەرلەمانی بەریتانی کە پشتگیری جەنگی سوریا بکات .

٢. ئاشکرابوونی فەزیحەتی یارمەتیدانی ئەمریکاو بەریتانیاو فەرەنسا بۆ بەرەی نوسرەو قاعیدە لە سوریادا بە هاندانی سعودیەو قەتەر. دوێنێ رۆژنامەی دەیلی تەلەگراف بە ئاشکرا ئەم فەزیحەتەی باس کردووە :

In recent times, Britain has been part of an entrenched alliance in the Middle East embracing the United States, Israel, the Gulf States, Saudi Arabia and – most embarrassingly – Saudi-sponsored al-Qaeda fighters in Syria. On the other side has been the Shia coalition of Iraq, Iran and Assad’s Syria – backed by Russia. The wars and the horror of the past few years are down to these two armed camps

[[لەم دواییەدا بەریتانیا بەشێک بوو لە هاوپەیمانییەکی سەختبەند کە پێکهاتبوو لە ئەمریکا، ئیسرائێل، دەولەتەکانی خەلیچ ، سەعودی عەرەبیا و ، بە ئەوپەڕی ئیحراجەوە، جەنگاوەرەکانی قاعیدە لە سوریا کە سعودیە سەرپەرشتیان دەکات . بەرامبەر ئەمەش هاوپەیمانی شیعەی ئێران و عێراق و سوریای ئەسەد بە پاڵثستی روسیا . جەنگەکان و کارەساتەکانی ئەم سالانەی دوایی بە هۆی ئەو دوو کامپەوە بوون.]]

٣. هەلوێستی توندی روسیا بەرامبەر رەوشی سوریا ، نەبوونی پشتیوانی جیهانی بۆ شەڕ، ترسی ئۆباما کە کۆنگرێسەکەی خۆشی پشتگیری نەکات ، و هەلبژاردنی رۆحانی و کەمپەین و تاری سیاسی نوێ و کاریگەری ئەو بۆ دروستکردنەوەی پێوەندی لەگەڵ ئەمریکاو غەرب، هەموو ئەمانە هاوکێشەکان دەگۆڕن و بەرەی ئیسرائیل و سعودیە کە ئێکستیمترین پاڵثستی جەنگ و پشێوی خۆرهەلاتی نێوەندو خۆشکردنی شەڕی سونەو شیعەو دوژمنایەتی ئەسەدو ئێرانن، بەرەو کزی دەچێت .

٤. هێزە ئێسلامییەکان وەک یەکەی بەرەی ئێکستریمی سەر بە قاعیدە یەکیان گرتووە لە دەوری ئامانجی دامەزراندنی دەولەتێکی ئیسلامی شەریعەت ، و دوژمنایەتی خۆیان بۆ ئەو هاوپەیمانییە نیشتمانییەی ئۆپۆزیسیۆن راگەیناد کە بەریتانیا داوا دەکات کورد بچیتە ناویەوە .

٥. هەموو ئەم گۆرانکارییانە لە خێری ئاشتیی و دوورکەوتنەوەی جەنگە لە رۆژهەلاتی ناوەراست و ئێمەش. دەتوانین بڵیین تا رادەیەکی زۆر خەتەر لە سەر کوردی رۆژاواش نەماوە و تورکیاش هەر نیازێکی هەبێت یەکێتی خەباتی کوردو دیپلۆماسییەتێکی زیرەکانە لە ئاستی جیهانیدا دەتوانێت پیلانەکانی پووچەل بکاتەوە. تاکە مەترسییەک کە هەبێت هەر خیانەتی ناوخۆیی یە : واتە گەر هێشتا کەسانی خۆفرۆش هەبن کە بیانەوێت نۆکەرایەتی و خۆفرۆشیی بۆ تورکیا بکەن وهەولی دووبەرەکی و شەری نێوخۆیی کورد وکورد بدەن . ئەمانەش بۆیان ناچێتە سەر بەلام وریایی هەر پێویستە .

٥. ئەوەی لەم قۆناغەدا پێویستی لە پێشە: دروستکردنی حکومەتێکی هاوپەیمانی فراوانە لە باشوور بەلام تەنیاو تەنیا لە سەر بنچینەی رێکەوتن لە سەر دەستورێکی دیمۆکراتی و رێفراندۆم کردن لە سەری لە هەمان رۆژی هەلبژاردنی پارێزگاکاندا و لە ئاستی نەتەوەیشدا بەستنی هاوپەیمانییەکی نەتەوەیی کە ڕیگە لە هەمو جۆرەخۆسەپاندن و خیانەت و جاشایەتییەک بگرێت .

Bellge.Dr.kemal

 

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت