هەندرێن هەورامی : بۆ کوێ ؟ .

هاوکارییەکەت تەنها کلیک کردنە سەر ئەو سمبولانەی لای خوارەوەیە

ئەم گەشتە دورە بۆ دەکەی ؟

هەزاران مایل بۆ دەبڕی ؟

بۆ کوێ دەڕۆی و بۆ لای کێ ؟

لێرە و لەوێ

لە هەموو شوێنێ

ئەوی لێیە

هەموو بەیانیەک

لە گەڵ نەسیم و شەماڵ دێ

لەگەڵ نمەی باراندا

بەسەرماندا دادەبارێ

ئەو

دەنگ و ئاوازی

مەل و باڵندەکانە و

لە گەرویانەوە دەردەچێ و دێتە گوێ

خەندە و گریانی منداڵێکە

سۆز و خۆشەویستی دایک و

ڕەنج و کۆششی باوکێکە

ئەو

فڕینی هەنگ و پەروانەیە

بۆن و بەرامەی گوڵانی

نێو ئەو چەمەن زاریە

گەرمایی و تێشکی خۆرە

ڕوناکی مانگە و

جریوەی ئەسێرەیە لەو دوورە

شەپۆلی دەریا و

هاژە و خوڕەی چەم و ڕوبارە

لەنجە و سەمای

گژ و گیا و درەخت و دارە

دەبگەڕێوە

لێرە و لەوێ

لە هەموو شوێنێ

ئەوی لێیە

ئەو لە دڵ ، لە ناخ ،

لە هزر و بیر و دەرون دایە

دڵنیابە تا هەتایە

هاوڕێتە و لەگەڵت دایە

 

برۆکسل / بەلجیکا

 

هاوکارییەکەت تەنها کلیک کردنە سەر ئەو سمبولانەی لای خوارەوەیە
هەندرێن هەورامی

ئەرشیڤی بەڕێز: هەندرێن هەورامی