puk-pdk

پارتی کەوتە تەقە لەیەکێتی ..

سمبولی تۆڕە کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت

هەر کاتێک پێویست بکات شوعیەکان بەفیکەیەک دێنیتە سەر خەت  ، جارێک سەرهەڵدانەوەی قابلەمەی قڕناقاو پشت ئاشان و جارێک بەڕییز کادرە کۆنەکانی حیزبی شوعی بۆ چاوپیکەوتنی تەلەڤزوێنەکان و بەپێی بەرنامەو وەک سەعاتی چاڵمە دەکەونە چرکە چرک . ئەوەی کە تەنها ئاخ و ئۆفی بەردەکەوێت شوعیە ڕەسەنەکانن و کەتەنها لەسەر یەک پلێت سیاسەت دەکەن و هەر ئەوانن بەهۆی ئەوکەسە دوو ڕووانەی  دوێنێ و ئەمڕۆی ناو حیزبەکەیان  ، بەبەرگی کۆمۆنیستییەوە بەرگری لەتۆفانی هۆزو کلتوری دواکەوتوویی دەکەن ، میژوو و ڕەنج و داهاتوویان بەبا دەچێت ..

حەمە سەعید حەسەن  ئەو ساتانە بووە پارتی لە ڕاژان و زێوە بە بڵندگۆکەی پاراستن هێرشی کرد سەر یەکێتی لەژیر ناوی نهێنی و وتی  : من تەوری دەستی ئەو جەبارفەرمانەم  ، کەتەور وەشێنەکەی بەغدای شەرمەزارکرد  ، من بۆینباخی ئەو عەلە شیشەم ، کەجەمال ئاغا بە ژەمێک تێری پێ ناخوات ….

ئێستاش دەزانێت یەکێتی لەنێوان مەیل و دورەپەڕێزیدا جۆش داماوە  .  لەبازنەی بیرکردنەوەو پیلاندا خەڵوەت دەگرێت  . چۆن بڕیار بدات لەسەر داهاتوو .  ئەم ناخێراییە لە بڕیاردان ، دیارە پارتی سەخلەت کردووە و بەفیکەیەک تانجێکان دێنیتە سەر خەت و دەخوازیت  لە حەمە سەعیدەوە هاشوهوشی مانگەشەو ئاسمانی بەساماڵ  و دواتر ئەوانی تر سەرە بگرن و بکەونە حیکایەتی ڕابردو و قسەی حەلەق مەلەق لەسەر داهاتوو ..

ئەم کورتە شعرە هی بۆدنگاردێکی نێوان هاوپەیمانی ستارتیژیییە  ، ئەو هاوپەیمانییەی یەکێتی خۆی تیا کردە قوربانی پارتی و ئێستا بۆدنگاردێکی هاوپەیمانەکەی لەباتی بیپارێزێت ، لە پێش هەموو کەسێکەوە ئەژنۆی دەبڕێتەوە ..

ئەگەر یەکێتییەکان ئەمە لەپارتی قبوڵ بکەن  ، ئەوا شتەخراپەکانی تریشی قبوڵ دەکەن  .. لایەق کونجــرینی .

 

بەرەو کۆنگرەی چوار

دەزانن بۆ،

جوندیانی

دەستی لە کار کێشایەوە؟

چونکە لەناو جڤینەکەی

(میم سین)دا قڵیشایەوە،

ئاخر بە کاک

کۆسرەتیان گوت :

ئیتر تۆ فت .

ئاخر بەڕێز دوکتۆر بەرهەم

گوتی بۆ جێی مام ، هەر من هەم ،

خاتوو هێرۆ

گوتی ئەنگۆ

خەتی لارن

لەگەڵ گردەکە هاوکارن ،

مەڵێن ژنە ،

پارە و پاوەر لە کن منە ،

ئەوی چاوی

لە جێی مێردی نەخۆشم بێ،

گلێنەی چاوی خۆشم بێ ،

ناڵێم گەردنی دەشکێنم

بەڵام شکۆی دەڕووشێنم .

*

سەرچاوەکە

نەیویست ناوی ئاشکرا بێ ،

لەوە ترسا

ئایندەی وەک هی کابرا بێ .

 

حەمەسەعید حەسەن

 

٢٨/١٠/٢٠١٣