Xatw-Kejall

کونجــرینی : ئەم ژنە مریەمێکی کوردەو ڕەوشت و هەڵوێستی حەبسەخانێکی تر ..

سمبولی تۆڕە کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت

سەردەمی ناسینی لای من لەوێوە دەست پێدەکات ، کاتێک وشە ڕیزکراوەکانی بارانی ڕستەی جوان ، نمە نمە مێشک و چاومی تەڕ دەکرد . ئەمە شاژنێکی بێ کۆشک و تەلار و بێ هێزی سەربازی و بێ زیندان و پیاوانی داپڵۆسینە . خاوەن هێزی ڕەوشت و مرۆڤ دۆستی و پێگەیەکی کۆمەڵایەتی گەورەو لوتکەیەک لەخۆشەویستی بۆ کۆمەڵگایە . هێندە جوانە باخچەیەک لە ڕەوشت ، بورکانێک لەخزمەت بۆ نیشتمان . پێگەیەک بۆ وشەی کوردی و جەنەڕاڵی ڕەفتاری جوانە ..

خاتو کەژاڵ  فڕیشتەت ناوبنێم یان دایکی ووشەو هۆنراوە ، یان شۆڕەسوارێکی دامینی پاکی . کاتێک دەبینم بۆ ڕۆژێک ، دڕندەکانی هۆزی نەخۆشی دەورت دەدەن و جەستەت شەکەت دەکەن . ئیتر بوونت لەهەواری فەیسبووک دا ، ئاڵای بوونی نادرەوشێتەوەو دەروازەی ڕستەی جوانی و هیوابەخشی لێمان دادەخرێت و سەرنجمان لەبن دەرگای بوونیا هەتیو دەکات .

تۆ دایکێکی میهرەبان و ژنێکی سەلاری کوردەواریت ، چیبکەم ئەوەی لەدەست من دێت ، بەدوو وشە وەسفت بکەم و بەهەیکەلێک لەناخمدابەچەکوشی بیرم بۆت داتاشم .. چی بکەم هێندە خوزیارم گەر بۆم بکرێت و لەدەستم بێت ! بوونت لە ئیبراهیم خدر ” ەوە بۆ حاجی عوسمان کونجرینی  باوکم بگوێزمەوە ..

ئاخ زەمن بۆ هێندە زاڵمی ، گەر ئەو چەند ڕستەی خوارەوەی ئەم خاتونە دەبینیت ،  دەبوایە دڵی زۆر کەسی سەرکردەو ئاشقانی نوسین و هیوادارانی ئەدەبی کوردیت شەق کردایە ، وەک نمونەیەک بۆ ڕابردوو گەلێک لەبەرنگاری و مەگرەو مەژیدا ئەمڕۆیان بنیاد نا  . خاتو کەژاڵ وەک سمبولی ئەو ڕۆژانە .. ببینن و خۆتان بیخوێننەوە و ئینجا دادوەری ئەو وەسفە کەمەی من بن .. 

 یەکەم کورتە نوسینی کەژاڵ ئیبراهیم خدر .

Kejall Ibrahim

ماوەی یانزە ساڵ لەیەک ژورێکدا ژیانم بەسەردەبرد ، لەساڵی 1991ەوە تاکوو 2002 سەدان جار گەنم و جۆم تێکەلاوکردووە تاکوو لەبرسیەتی ڕزگارمان بێت . ئیستاش ئارەقەی نیوچاوانی ئەو ڕۆژانە دەخۆم و شانازی پێوەدەکەم ” بەیادی ئەو رۆژانە خەریکی نانکردن بووم ” ئەم کۆپلە شعرەش بۆئێوە

 نان

تابلۆی کام لە نیگارکێشان 

هیندەی وێنەی  نانی نێو دەستی ئەو کیژۆڵە

  روومەت تەزیوەی سەرشەقام  لەناخەوە دەت هەژێنێ”  

هیندەی دەمی ووشک و برسی 

بیرەمێردێکی لاکۆلان ؟

 سینەی سوتاوی ژنێکی بەر خۆرەتاو  دەستی نزای دەرۆزەکەر 

دەتکڕێنێ

دووەم کورتە نوسینی کەژاڵ ئیبراهیم خدر .

ریبوار 186 مردووی شوشتووە .  لە  21 – 3 – 1978  چوار تەرمی پێشمەرگەیان هینایەوە بۆشاری قەلادزی ، بۆسەرقەبران . کەس نەبوو لەبەر رژێمی بەعس بچێت بەلایانەوە ” ڕێبوار یەکمجاری بوو دەستی بەشووشتیان کرد لەگەل سدیقی مردوو شۆر . هەموویان بە قەسفی تەیارە ریخۆلەو میشک و سەرو لاشەیان پارچە پارچە کرابوو ” ڕێبوار سێ دەست جلی هەبوو لەگەل دوودەست بیجامە . رژزانە خەلک دەمردن ” دەبوایە جلەکانی بۆبشۆین جاری وابوو مردووەکە بۆنی دەکرد ” رۆژی وابوو  جل نەبوو ،  لەبەری بکات . ناجار بەجلە تەرەکانیەوە دەجوو سێ جوار کەس دەمردن دەبوایە برۆشتایە ، شەوی واهەبووە سەعات دوانزەی شەو رۆیشتووەو کارەبا نەبووە ” بەتایبەتی لەهاویندا لەماوەی 20 دەقیقەدا کەس نەیدەتوانی خۆی رابگرێت ” تاکوو سالی 1996 بەردەوام بوو ” بێ ئەوەی پارە لەخاوەن مردووەکە وەربگرێت ” لەسلیمانیش 7 کەسی شوشتوە  ” زۆرجار دەولەمەندەکان پارەیان بۆدەهینا هەرگیز وەری نەدەگرت .  لەکاتیکدا هەژاری تەنگی پی هەڵچنی بووین ” مردوو بە  200 هەزار تا سێ سەد هەزار دەشۆرا ” لەقەلادزی پارە وەرناگیرێت ” ئەمە ژیانی من و دووکچەکەم بوو ، کەبەهەژاری پێگەیشتن ” هەردووکیان لەزانکۆن و ریبوار مامۆستایەو خۆشم فەرمانبەرم .