Derya-rwandzi-8

ده‌ریا ره‌واندزی : ده‌نگی فڕینی مانگ .

Avatar photo

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

زه‌مه‌ن ده‌مبا به‌ره‌و سه‌ر

به‌ره‌و جه‌نجالی پڕ له‌باڵنده‌

له‌ته‌نیشت سێبه‌ری ده‌ستمه‌وه‌

له‌و مانگه‌یدا هه‌لدێ و هه‌لدێ

چیدی به‌ره‌و نوستن نابمه‌وه‌و

ده‌نگی فڕینی مانگ

له‌گه‌ڵ لووتکە به‌رزه‌كاندا ده‌بیستم

له‌و لووتکەیە بێدار ده‌بمه‌وه‌

كه‌ هه‌تا هه‌تایه‌

له‌پێده‌شتی مناڵی هه‌ڵاتووه‌

ئای ئه‌و كاته‌ی،

كه‌ گه‌نج و ئاسوده‌ بووم

له‌به‌خششی زه‌مه‌ندا

زه‌مه‌ن بە سه‌وزی گیانی لێ سه‌ندم

گه‌رچی به‌وێنه‌ی زه‌ریا

له‌زنجیره‌كانیدا

گۆرانی ده‌چڕم و

به‌ناخی خۆم

په‌رت ده‌بم

ده‌ستم به‌هه‌وره‌كان ده‌گات

به‌ڵام چیبكه‌م

ده‌ستم به‌ تۆ ناگات!.

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت