Necmedin-Kerim

کونجرینی : یەکێتی سەروەری بۆ دادگا گەڕاندەوە – بارزانی داوای قەرزیی لەمن کرد .

سمبولی تۆڕە کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت

ئاشتی قەڵادزەیی : یه‌كێتی گه‌وره‌ترین سه‌روه‌ری تۆماركرد چونی (مه‌حمود سه‌نگاوی ) بۆ به‌رده‌می دادگاو ده‌ست به‌سه‌ركردنی گه‌وره‌ترین میدیالیایه‌ مێژوو به‌ملی یه‌كێتی داده‌كات .. یه‌كێتی قۆناغێكی نوێی داهێنا بۆ ڕیزگرتن له‌دادگاو لێره‌ به‌دوا دادگا هێنده‌ی تر قورسایی و سه‌روه‌ری بؤ ده‌گه‌ڕیته‌وه‌ و له‌سه‌ر ده‌ستی یه‌كێتی دادگاو یاسا به‌كردار بوونه‌ سه‌روه‌ر .

نه‌جمه‌دین که‌ریم : نێچرڤان بارزانی باش ده‌زانێت که‌ له‌ساڵی ۱۹۸۱ هاته‌لام وتی : برێک پاره‌م بده‌رێ به‌قه‌رز منیش دامێ نیوملێۆن دۆلارم دایه‌  به‌شێکی هی خۆم بوو به …‌ شێکیشی هی ئه‌و سه‌نته‌ره‌پزیشکیه‌بو که‌کارم تیا ئه‌کردپارتی باش ده‌زانێت چاوم له‌پاره‌و قوتی ئه‌وخه‌ڵکه‌ داماوه‌ی که‌رکوک نیه‌ که‌به‌درێژای مێژوو لێی ده‌دزن . من پاره‌و سامانم به‌ شه‌هاده‌و خوێنی خۆم په‌یاکردوه‌ نه‌ک به‌مافیای و دزی .

ئەم سەر وتارەی سەرەوە ، هی دوو ئەندامی یەکێتییە ، یەکێکیان ئەندامی کۆمیتەی سویسراو ، ئەوی تریان ئەندامی مەکتەبی سیاسی یەکێتی  و پارێزگاری کەرکوک . ئەوەی کە زیاتر بەرکەوتەی نێو باسە سیاسیەکانە  دکتۆر نەجمەدین کەریم ـە .

نەجمەدین کەریم وەک کەرکوکییەکان قسەی لەسەر دەکەن  ، بەمێژووی کەرکوک لێپرسراوێکی ئەوەندە دڵسۆزو خەمخۆریان نەبووە . ئەکادیمیانە کار لەسەر خزمەتکردنی ئەوشارە دەکات ،، بێ گوێدانە بەرنامەیەکی سیاسی بۆ گەشەی حیزبەکەی  ، بەکرداری ئیداریی گەشەی حیزبەکەی هەنگاو بەهەنگاو دەباتە پێشەوە .. یەکێتی راپێچی خۆی کردووە ، نەک یەکێتی نەجمەدین کریم  ڕاپێچی خۆی بکات .. ئەو نیشتمانیانە کار لەسەر ئەرکە پێسپێردراوەکەی خۆی دەکات  .. واتە ئەوەی پێی سپێردراوە بەجۆرێک دەیبات بەڕێووە ، خۆی کردۆتە پێداویستییەکی سەرەکیی بێ وێنە ،  خۆی لەسەر شانۆی ئیداری و لەبازەنەی سیاسی دا خۆی نمایش دەکات .

هەنگاوەکانی بە میتۆدی تەسکردنەوەی پانتایی حیزبەکانی تر نییە ، بەڵکو لەنەبوونی جۆری ئەو و بەتامەزرۆیی  خەڵک بۆ کارەکانی هێزە سیاسییەکانی تریی لەو شارەدا لاوازکردووە ، واتایەک دەدات بەدەستەوە خەڵک تینووی دڵسۆزییە ، نەک پڕوپاگەندەو هەرای دۆڕاو  ..

لەکەرکووکدا پارتی لاواز بوو ، جونکە کەرکوکییەکان تامەزرۆی ئازادی و ڕزگاری خاک و ئاسمانی شارەکەیانن  . زۆرینەی چەکدارە کوردەکانی شاری کەرکوک و دەوروبەریی  لەزەمەنی سەدامدا ،  پارتی باوەشی بۆ کردونەتەوە   .. هۆکاریی لاوازی پارتی لەو شارەدا  ، بەستنەوەی رایەڵەی سیاسی و دبلۆماسی  حیزبەکەیەتی بەتورکیاوە ، لەکاتێکدا لەزەهنی کەرکوکیەکاندا  بەبن بەستگەیشتنی گفتوگۆی یەکێتی و حوکمەتی سەدام لەساڵی 1984  تورکیا بووە  . ئەوە جگە لەوەی تورکیا لەدوای رووخاندنی سەدامەوە یاریکەرێکی گرنگی بەرامبەری کەرکوکییەکانە لەدۆراندنی مادەی 140  .

قسە لەسەر ئەوە هەیە حەقدێکی کۆن لەسەر نەجمەدین کەریم لەئاڵۆزی پەیوەندییەکانیان لەگەڵ ماڵباتی بارزانی ، بەڵام بەڕەیی من هۆکاری تری سیاسی گۆشەکانی ململانێی  نێوان  پارتی  و نەجمەدین کەریم  ـ ی دروست کردووە ، کەیەکێتیشی هێناوەتە نێو ململانییەکەوە .

1 / نەجمەدین کەریم توانییویەتی زۆرینەی شەقامی تورکمانەکانی ئەوشارەش  بەلای خۆیدا ڕابکیشێت و ڕووی هیوا سیاسیەکانی ئەو گەلە لەتورکیا داببڕێت . واتە تورکیاش بەشێکە لەداخوازیی لادانی نەجمەدین کەریم لەو شارە ..

2 / گەر یەکێتی دەستبەرداریی نەجمەدین کەریم ببێت ، ئەوا خەڵکی کەرکووک دەستبەرداری نەجمەدین کەریم نابن ، لێرەدا دەستبەرداربوونی  یەکێتی لەنەجمەدین کەریم هاوتا دەبێت بە دەستبەرداربوونی یەکێتی لەکەرکووک ، ئەمەش دەبێتە زیانێکی تر بۆ یەکێتیی . دەبێت بپرسین هۆکاری چییە ،  نەجمەدین کەریم  دەستبەرداریی خەڵکی کەرکوک نابێت ؟  . لێرەدا دەبێت بچینە سەر ئەو ڕایڵەی ، کە نەجمەدین کەریم میژوویەکی هەیە لەتێکەڵاویی سیاسی و کۆمەڵایەتی خەڵکی رۆژئاوا بەتایبەتی ئەمەریکا ، کەماوەیەکی زۆر لەوێ ژیاوە .. لەکاریی سیاسی دا جیگۆڕکێ لەپێناو جێگیر بووندا ، یاخوود سەقامگیرکردنی خودو بەرژوەندی گشتیی ، حیزب و گروپ وەلا دەنرێت . بۆ نمونە لەڕۆژئاوادا سەرکردەیەک بیرۆکەیەکی باشی هەبێت ، بەڵام بەهۆی  ڕێگری زۆرینەی حیزبەکەیەوە نەتوانێت جێبەجێ بکات ، بەدیوێکی تردا هەلی بۆ هەڵ دەکەوێت لە پانتایی حیبزکەیدا نواندنێکی سیاسی دەنوێنێت بۆ سەرنجی دەوروبەرو وەک کارەکتەرێک دەردەکەوێت ، ئەوسا بیر لە هەنگاویی دورکەوتنەوە لە حیزبەکەی دەکات و لەپانتایی بیرۆکەکەیدا کار لەسەربانگێشکردنی هەوادارانی دەکات .. ئەم بیرۆکەیە سەرکەوتوو بوو لەلای ڕابینی ئیسلائیل و لە بلوخەریی سویسراو لە نەوشیروان مستەفای کوردستان دا ،، دەکرێت نەجمەدین کەریم ـ ش هەمان هەنگاو بنێت لەکەرکووک دا ، گەر یەکێتی دەستبەرداریی ببێت  .

ئەو وەلامەی دکتۆر نەجمەدین کەریم لەسەر تەلەڤزیۆنی ڕووداو بۆ پرسیاریی بێژەرەکەی ، ئەوە دەگەیەنێت ململانییەکان بەرەو ئاستێک دەڕوات ، کە دەکرێت پەڕەکانی ڕابردووی  یەکتری هەڵبدەنەوەو ،  ماتۆڕی میدیاکانیشیان بکەوێتە گەر بۆ لەکەدارکردنی یەکتریی .

بەشی دووەمی تەبەلەکە پەیوەستە بە دوو ڕستەی ئەندامێکی یەکێتی ، کەشانازی بەحیزبەکەیەوە دەکات ، کە یاساییانە مامەڵە لەگەڵ دادگا دەکات و ئەندامە هەرە بەرزەکانی خۆی دەنێریتە بەردەمیی دادگاو ، لەوێ بیتاوانی خۆیان بسەلمینن  ، یان سزای خۆیان وەربگرن ..

ئەمە لەڕووی سیاسی و رەوشتی نیشتمانییەوە دروستە ، دەکرێت خوێندنەوەمان بۆ ئەم پیاهەڵدانەی هەبێت  و بیخەینە خانەی ململانییە سیاسە تەقلیدییەکانی دوو حیزبی دەسەڵاتداری ئەمڕۆیی کوردستانەوە ، پارتی لەکەیسی کاوەدا خۆی کردە  بەشێک لەخاوەن و دڵسۆزیی بۆ یاساو بەتەنگانەهاتنی مافی مرۆڤ ، لەکاتێکدا خۆی تاوەنبارە بە سێ کەیسی هاوتای کەیسەکەی شەهید کاوە و ڕووی لێ وەردەگێرێت و ، وەکوو ئەوە وایە هەرلەم کوردستانەدا شتی وا ڕووی نەدابێت  و شتی واشی نەبیستبیت و لەو لاشەوە خۆی دەکاتە بەرگریکاریی ماف و یاسا و بەتەنگەوە هاتووی داخوزییەکانی خەڵک و خۆی دەخزێنیتە سەنگەری سەندنەوەی مافەکانیان .  کاتێک ئەندامێکی یەکێتی بەم زمانە شانازیی بەحیزبەکەیەوە دەکات  و حەقێتی وەک بانگێک بەنەیارە تەقلیدییەکانی حیزبەکەی بگەیەنێت و ئەمان چی دەکەن و ئەوان چۆن هەنگاو دەنێنن  .

تێبینی / هەردوو کورتە نوسراوەکە لەسەر تۆڕیی کۆمەڵایەتی فەیسبووک وەرگیراوە .