عه‌تا قه‌ره‌داخی : له‌ یادی دامه‌زراندنی کۆماری کوردستاندا له‌ مهاباد .

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

 

ئه‌مڕۆ یادی شه‌ست و هه‌شت ساڵه‌ی دامه‌زراندنی کۆماری کوردستانه‌ له‌ مهاباد . ئه‌و کۆماره‌ی که‌ به‌رژه‌وه‌ندی داکیرکه‌رانی کوردستان و ده‌وڵه‌تانی بڕیار به‌ده‌ست نه‌یانهێشت هه‌ستێته‌ سه‌ربێ و هه‌ر به‌ ساوایی له‌ ناویان برد . به‌هه‌رحاڵ ئه‌وه‌ی ئاشکرایه‌ ئه‌وه‌یه‌ که‌ که‌لی کورد له‌ ئێستادا نه‌ک خواست و ویستی سه‌ربه‌خۆیی و یه‌ککرتنه‌وه‌ی کوردستانی له‌ ده‌ست نه‌داوه‌ به‌ڵکو ئه‌و هه‌سته‌ له‌سه‌ر ئاستی جه‌ماوه‌ریی زۆر به‌هێزتر بووه‌و ده‌بێ بڕوامان به‌وه‌ش هه‌بێت که‌ کورد ده‌کاته‌ ئه‌و ئاواته‌ی و سه‌ربه‌خۆیی و ده‌وڵه‌تی یه‌ککرتووی کوردی ده‌بێته‌ ئه‌مری واقیع و نه‌ داکیرکه‌رانی کوردستان و نه‌ ده‌وڵه‌تانی بڕیاربه‌ده‌ستی به‌رزه‌وه‌ندی خۆبه‌رست ناتوانن رێکا له‌ داخوازییه‌ ره‌واکانی که‌لی کورد بکرن .

ئه‌وه‌ی تاکو ئێستا له‌ کوردستاندا به‌ ئاراسته‌ی سه‌ربه‌خۆیی و درووستکردنی ده‌وڵه‌تی کوردی کارناکات ئه‌وه‌ گه‌ل نییه‌ به‌ڵکو ئه‌و سه‌رکردایه‌تیه‌ سیاسییه‌یه‌ که‌ تاکو ئێستاش به‌رزه‌وه‌ندی خۆی له‌وه‌دا ده‌بینێته‌وه‌ که‌ بچوکی بۆ عه‌ره‌ب و تورک و فارس بکات به‌ڵام ئه‌و سه‌رکردایه‌تیه‌ش ناتوانێت بۆ هه‌تا هه‌تایه‌ به‌و شێوه‌یه‌ به‌رده‌وام بێت چونکه‌ ئه‌گه‌ر بۆ ئه‌مه‌و دوا سه‌رکردایه‌تی کوردی نه‌توانێت رابه‌رایه‌تی داخوازییه‌ نه‌ته‌وه‌یی و میللیه‌کانی کورد بکات له‌ سه‌ربه‌خۆیی و درووستکردنی ده‌وڵه‌تدا ئه‌وا ناتوانێت سه‌رکردایه‌تی کورد بەرەو ئایندە بکات بکات و جه‌ماوه‌ری خه‌ڵکی کوردستان له‌ ده‌ست ده‌دات و ئه‌و کاته‌ جه‌ماوه‌ر خۆی سه‌رکردایه‌تی بۆ خۆی دیاری ده‌کات، سه‌رکردایه‌تیه‌ک که‌ بتوانێت رابه‌رایه‌تی نه‌ته‌وه‌ بکات بۆ ئازادی و سه‌ربه‌خۆیی و پێکهێنانی ده‌وڵەتی سه‌ربه‌خۆ . بێگومان ئێستا به‌ ئاشکرا دیاره‌ که‌ ناسیونالیزمی کوردی به‌ره‌و فۆرمه‌له‌ بوون ده‌چێت ، وه‌کو ئاشکراشه‌ سه‌ربه‌خۆیی و پرۆژه‌ی بنیادنانی ده‌وڵه‌تی سه‌ربه‌خۆی کوردی پرۆژه‌ی ناسیونالیزمی کوردییه ‌. ئێستا بنه‌ماکانی ناسیونالیزم له‌ شێوه‌ی نوێ و هاوچه‌رخدا به‌ره‌و خه‌مڵاندن ده‌چێت که‌ ئه‌ویش له‌لایه‌ک په‌ره‌سه‌ندنی کۆمه‌ڵایه‌تی رۆڵی کاریگه‌ر له‌و بواره‌دا ده‌بینێت ، له‌لایه‌کی تریشه‌وه‌ بارودۆخی سیاسه‌تی هه‌رێمایه‌تی و نێو ده‌وڵه‌تیش ره‌نگه‌ بۆ ئه‌مه‌و دوا نه‌ته‌وانن رێگری سه‌خت له‌به‌رده‌م پرۆژه‌ی سه‌ربه‌خۆیی کورددا دابنێن. هه‌روه‌ک له‌لایه‌کی تریشه‌وه‌ ئه‌و شێوازه‌ حیزبایه‌تی کردن و سیاسه‌تکردنه‌ ته‌قلیدییه‌ی تاکو ئێستا له‌ کوردستاندا کراوه‌و خاوه‌نی ستراتیژی نه‌ته‌وه‌یی و به‌رنامه‌ی سه‌ربه‌خۆیی و پرۆژه‌ی ده‌وڵه‌ت نه‌بووه‌ ، پێناچێت بتوانێت بۆ داهاتووی درێژخایه‌ن به‌رده‌وامی به‌خۆی بدات .

به‌ڵی سه‌ربه‌خۆیی ئه‌گه‌ر له‌ ئێستاشدا به‌ مه‌ترسیه‌وه‌ سه‌یر بکرێت ئه‌وا به‌ دڵنیاییه‌وه‌ له‌ ئاینده‌ی نزیکدا ده‌بێتە ئه‌مری واقیع . له‌ یادی شه‌ست و هه‌شت ساڵه‌ی دامه‌زراندنی کۆماری کوردستاندا هه‌زار سڵاو له‌ کیانی باکی قازی محه‌مه‌دو هاوڕێکانی و هه‌موو شه‌هیدانی رێگای رزگاری و سه‌ربه‌وخۆیی کوردستان و هیوادارم له‌م یاده‌دا له‌ ئاینده‌ی نزیکدا ببینین ئاڵای ده‌وڵه‌تی سه‌ربه‌خۆی یه‌ککرتووی کوردستان له‌ کوردستانی که‌وره‌دا بشەکێتەوەو له‌ ریزی ئاڵای ده‌وڵەتانی تردا به‌سه‌ر بینای نه‌ته‌وه‌ یه‌ککرتووه‌کانه‌وه‌ بشه‌کێته‌وه‌.

 

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت