سەلام سەعید : بۆ ٨ مارت ، ڕۆژی ژنان .

هاوکارییەکەت تەنها کلیک کردنە سەر ئەو سمبولانەی لای خوارەوەیە

گەورەم

ئەمە گەمەی

ناو  وێنەکانی  کۆماری  ئەفلاتۆن نیە

ئەمەگەمەی

ناو دێرەکانی خۆشەویستی سەردەمی کولێرایە

لەلای مارکیس

گەورەم

کەی ئەبێت مارتن لۆ سەرێك

لەم دورگەیە  لەدایك بێت

ئەی کەی ئەبێت  سپێدەیەك

نیتچە .. لەسەر پشتی حوشترەکەی  دابەزێت و

دەستی زەردەشتێ  بگرێت و

سەر لەنوێ  یەکەم ئاتەشگا

لەسەر پشتی  بیرەوەریە  ژەنگ  گرتوەکان

دروست  بکاو

کاتەکانی  تیا بنوسێ

گەورەم  ئای ئەبێ کەی بێ .. ؟ .

 

ئەی نیشتمان  پرسیارەکان  ئاڵۆزو

بریارەکان  سنوردارە

وێنەکان تەڵخ و

ئەرشیفی ڕۆژنامەکان هەژار

گەمەی کورسی و

حاشیەی  گێلە

گێل وەکو گڤەی  گۆچانی کوێر

ئای نیشتمان  غەمەکانت  سنوردارە

هاوکارییەکەت تەنها کلیک کردنە سەر ئەو سمبولانەی لای خوارەوەیە
سەلام سەعید

ئەرشیڤی بەڕێز: سەلام سەعید