بەهرۆز جەعفەر : سیاسەت و کوردایەتى لەکوشتنى بدێوی دا !.

ساڵى (1974) ئێران و عێراق  و جەزائیر بەگڵۆپى سەوزى ئەمریکا و هاریکارى ڕوسیا ، ڕێک ئەکەون ، شۆڕشى ئەیلول هەرەس پێ بهێنن . لەسەر کانى خەبەر گەیشتە ” پورە ڕەحمە […]
سمبولی کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت

ساڵى (1974) ئێران و عێراق  و جەزائیر بەگڵۆپى سەوزى ئەمریکا و هاریکارى ڕوسیا ، ڕێک ئەکەون ، شۆڕشى ئەیلول هەرەس پێ بهێنن . لەسەر کانى خەبەر گەیشتە ” پورە ڕەحمە ” کە کوڕێکى سەرپەلى شۆرشە . ئەم گەلەکۆمەکیەى بۆ باس ئەکەن ، پێی ئێژن : شۆڕش تاویاوە ..! ئەویش بەهەموو قەناعەتى خۆى گوتى : سابەخوا ئەحمەوى ئێمە ئەمەى قبوڵ ناکا ..
حەقى هەڵچون و عەتفى کەسانى ئاساییم نییە ، بەڵام چینێکى خوێنەوارو سیاسییم پێ شک دێت ، کە سیاسەت و تێگەیشتن لە ماناى ”  هێز – بەرژوەندیی” و کارتەسیاسییەکانیش ، هەر بە بینینێکى خێڵەکى و کوردانە ئەخوێننەوە . کورد هەرواش لەسیاسەتى ئەمریکا گەیشتوە بەرامبەر خۆى .
دوێنى (22 ى مارسى 2014 ) محەمەد بدێوى ، وەک ڕۆژانى ئاسایی کە چووە  بۆ سەر کارەکەى ، کە بەڕێوەبەرى مەکتەبى ئێستگەى ” عێراقى حر ! ”  ە . ڕێک لەو ناوچەیەى کە کۆشکى سەرۆکایەتى لێیە ، کاتێک بدیۆى ویستویەتى ، بچێتە ناوچەى سەرۆکایەتییەوە ، ئەفسەرێکى کوردى لیواى سەرۆکایەتى کۆمار ، خۆى پیاکێشاوە و دابەزیوە: یەک سەللە  فیشەکى پێوە ناوە ، دواى کوشتنەکەشی : سەللەیەکى دیکەى بەدەمانچە کردوە بەئاسماندا ..
بدێوى : کەسێکى ئاسایی نییە ، دکتۆراو مامۆستایەکى زانکۆیە ( بەلاى کەمەوە 22 ساڵ لەدیراسەدا بوە)  ، ڕۆژنامەنوسێکى بەئەزمونى عەرەبیش بوە . بۆیە کوشتنەکەى لەلایەن میدیا عێراقیەکان و دەرەوەش جێگاى باس بو . هەر زوو مالکى ئەم هەلەى قۆستەوە ، تا (2) ئیش بکات ،
یەکەم : پشتگیریی میدیاو ڕاى گشتى عێراق وەدەستبخات بۆ ئەو هەڵبژاردنەى وابڕیارە لە ( کۆتایی مانگى نیسان) بکرێت.
دووەم : وەڵامى هەڕەشەکانى سەرۆکى هەرێمیش بداتەوە . ئەگەر وانییە بۆچى ڕاهینەرى یانەى وەرزشی کەربەلا بەپێش چاوى خەڵکەوە ، ئەونەیان لێدا تا گیانى لەدەستدا لەگۆڕەپانەکەدا، مالکى هیچ لێپێچینەوەیەکى نەکرد ؟. هەزاران عەرەب لەفەللوجەو ئەنبار ڕۆژانە دەمرن و دەکوژرێن مالکى قسەیەکى نییە . عێراق لەجیهاندا یەکەمین شوێنە بەوڵاتى ” بێوەژنەکان ” ناوى دەرکردبێت . هەموو ئەمانە لەبن دەستى مالکى ڕووئەدەن .
ئینجا لەکوردستانیش ، دونیایەک پیاوى عەگیدو جەریدە ( نووس)  و چالا ( کەوان) و پێشمەرگەى ( دێرین) ،کە زۆربەیان نیوەڕۆ لەخەو هەڵئەسن ، مەسەلەى هەڵەبجەو ئەنفالیان لەشیعەکان زینو کردۆسەوە .  هەندێکیان دەرسیم و هەنێکى تریشیان قەزیەى کاوە گەرمیانى و ،،،، ئیتر ئەوسەرى دیار نییە . ئەفسەرێکى نیمچە باڵا نوسیویەتى : من بەرپرسی لیواکە بومایە ( هەرگیز )  ئەو کوردەم تەسلیم نەئەکرد.. یەکێکى تر : ئەڵێت : یاسا لەعێراق سەروەر نییە چۆن تەسلیمى یاسایان کردووە !. ئێ چاوەکەم : ئەو بە زەبرى ( هێز) لێی سەندووە ، یاساى چى . ( زۆر خۆشە ئەو میللەتە بەئاسانترین شت ئەتوانى مەشغوڵیان بکەى) .
من ئەڵێم : کەس و کارى کاوە گەرمیانى بچونایە بۆ لاى نورى مالکى ، یاساش هەیەو مالکى ئەتوانێت تەداخولێک بکات ، هێزیش نەنێرێت وەکو ئەمەى بدیۆى ، دەسەڵاتى کوردى خۆى بکوژەکەى کاوە ڕادەستى مالکى ئەکات  .

سمبولی کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت
بەهرۆز جەعفەر

ئەرشیڤی بەڕێز: بەهرۆز جەعفەر