سەلام سەعید : عیشق .

پێکەوە بەئاگا دێین من و پاساریەکان من و سپێدە یەك ئەرکمان هەیە من و باخچە من ونسێی درەختێ من و کانیەکی بیرچوو هەموو یەك ئەرکمان هەیە ژیان چۆن جوان کەین […]
سمبولی تۆڕە کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت

پێکەوە بەئاگا دێین
من و پاساریەکان
من و سپێدە
یەك ئەرکمان هەیە
من و باخچە
من ونسێی درەختێ
من و کانیەکی بیرچوو
هەموو یەك ئەرکمان هەیە
ژیان چۆن جوان کەین
پێکەوە جوانن
ئەو و عیشق
سۆزیان لێ ئەچۆرێ
من چ بێ ئاگام
گەمە بە عیشق لەگەڵ ئەودا
چۆن پێ بکەم
ئەو ووتی
ئەتوانی بێ ئاگابی
کاتێ حەزت لێ ئەچۆرێ
کاتێ ماچێ دەستت ئەگرێ
ئەو وتی
کەدەریا نوست سەردانم کە
پاساری بێ ئاگان
ووشەکان ورد رێ ئەکەن
ئەوسا کە لەئامێزما هێور بووی
هەردوو دەبینە عیشق

سمبولی تۆڕە کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت
سەلام سەعید

ئەرشیڤی بەڕێز: سەلام سەعید