برازاکەی تاڵەبانی توڕەیە لەسەر تۆمەتی سستی یەکێتی بۆ سەربەخۆیی .

وتاریکورد ماڵپەرێکی سەربەخۆ و ئازادە

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

لەڕاگەیاندراوێکدا لەئاکاوەنتی تایبەتی خۆی ، لاهور شێخ جەنگی بەرپرسی‌ ئاژانسی‌ پاراستن‌ و زانیاری‌ هەرێمی‌ كوردستان  ” وتارێکی بەناویشانی ( چەند سەرنجێک دەربارەی دەوڵەتی کوردستان  ) نوسیوە . لەو وتارەدا دەڵێت : با تۆمەتبارکردنی یەکێتیی نیشتمانیی کوردستان ، کۆتایی بێت .  هەروەها زۆر بە توندی ئیدانەی ئەو بۆچوونە دەکات ، کەگوایە یەکێتی ڕێگرە لەسەر ڕاگەیاندنی سەربەخۆیی کوردستان . ئەمەی لای خوارەوە ، تەواوی وتارەکەی لاهور شێخ جەنگی یە .

چەند سەرنجێک دەربارەی دەوڵەتی کوردستان :
با تۆمەتبارکردنی یەکێتیی نیشتمانیی کوردستان ، کۆتایی بێت . ئەوانەی ئێستا پرسیار لەسەر ئیرادە و ئامانجی یەکێتیی نیشتمانیی دروست دەکەن ، ئەوانەی شک دەچێنن ، ئەوانەی مەسەلەی دەوڵەتی کوردی لە کات و ناکاتدا دەوروژێنن، و ئەوانەی دەیانەوێت جیاوازیی تێڕوانین، بە گومان و خیانەت بناسێنن، باشدەزانن کە وا 40 ساڵە یەکێتیی نیشتمانیی ، پێشڕەوی خەباتی رزگاریی نەتەوەیی و جەنابی مام جەلالیش ئەندازیاری پرۆژەی پیرۆزی داواکردنی مافی چارەی خۆنوسینە .
زیندانەکانی خۆڕاگری، قەنارە و پەتی سێدارە، رێکخستن و شانە نهێنییەکان، گۆڕستانی شەهیدان ، داڵدەدانی کوردانی تێکۆشەری پارچەکانی تر، پشتیوانیی راستەقینە لە شۆڕشی رۆژئاوا، و سەنگەرەکانی بەرگریی و هێزەکانی پێشڕەویی ئەمڕۆژانەی بەرامبەر تیرۆر و شۆڤێنییەکان ، بە ئاسانی دەیسەلمێنن کە یەکێتیی نیشتمانیی، بە کردەوە خەباتی بۆ دروستکردن و راگەیاندنی سەربەخۆیی و دەوڵەتی کوردستان کردوە و دەنگدەر و لایەنگر و ئەندامانی یەکێتیی نیشتمانییش بە نزیکەی یەک ملیۆن دەنگ ، لە دوا هەڵبژاردندا پشتیوانییان لەم یەکێتییە کردوە . ئەوەی یەکێتیی کردە براوەی یەکەمی ناوچە کوردستانییە دابڕێنراوەکان، بێ دودڵی، پشتیوانیی خەڵکی کوردستان و متمانەی ئەوانە بە یەکێتییەک کە هەم دەیانپارێزێت و هەم دەستیان لێ بەرنادا و هەمیش تا سەربەخۆیی پێشڕەویانە . کەواتە با تۆمەتبارکردنی یەکێتیی، بە ناحەق، کۆتایی بێت. چونکە بابەتی سەرەکیی گفتوگۆ ئەوە نییە کە ئایا دەوڵەتی سەربەخۆمان دەوێت، بەڵکو ئەوەیە، کە چۆن دروستی بکەین .
دروستکردنی دەوڵەت، پرۆسەیەکی درێژخایەنی بەردەوامە و قوربانیدان و پشودرێژیی دەوێت. دەوڵەت کاتێک دروست دەکرێت کە نسکۆ نەتوانێت شۆڕشی نەتەوەیەک لەناوبەرێت، ئەو دەمە دەوڵەت رادەیەگەنرێت کە بنەماکانی بەدیهێنرابن و رێچکەکەش بۆ گشت لایەنەکان رونبێت و هەموان تیادا بەشداربن، چونکە دەوڵەت پرۆژەیەکی گشتگیری جەماوەرییە و کاریگەری لەسەر تاک بە تاکی کۆمەڵگە و چرکە بە چرکەی ژیانی تاکەکەکان دروست دەکات و دەبێت هەموان بەرپرسیارێتی و ئەرک و مافیان لەو پرۆسەیەدا دیار و بەرچاو بێت .
کۆدەنگیی نیشتمانیی و زامنکردنی پێداویستییە هەنوکەیی و ناوەندمەوداکان مەرجی سەرەکیین بۆ ئەوەی خۆڕاگریی نەتەوە لەبەرامبەر گوشارە ناوچەیی و نێودەوڵەتییەکان زامن بکەن. ئایا دەسەڵاتی سیاسی و کارگێڕیی هەرێمی کوردستان ئامادەکارییەکانی بەدەوڵەتبونی تا کوێ بردۆتە پێش. ئاو و خۆراکی زیاد لە شەش ملیۆن کەس زامنکراوە، سوتەمەنی و خزمەتگوزارییە مرۆیی و تەندروستییەکان لە چ ئاستێکدان، داهاتی دەوڵەتەکە لە کام سەرچاوە زامندەکرێت و ئێستا سەرمایەی هەرێمی کوردستان چەندە ، ئەگەر سنورەکان داخران و نەکرانەوە، سەرچاوەکانی بارزگانی و ئاڵگۆڕ کامانەن . ئایا لەروی ئەمنی و سەربازییەوە، ژێرخانێکی پتەو بۆ سوپا و هەڵوێستێکی یەکگرتوو هەیە بۆ روبەڕووبونەوەی هەڕەشە و مەترسییەکان، و ئایا ئێستا لای هەمو کوردێک زانراوە کێ دۆستە و کێ دوژمنە، تا لەسەر ئەو بنەمایە پەیوەندییەکان رێکبخرێت. ئەی بۆ پێکەوەژیانی ئیقلیمی، کام هەنگاوانە نراون، بەغدا و ئەنکەرە و تاران و دیمەشق و عەمان، چۆن مامەڵە لەگەڵ ئەم دەوڵەتە تازەیە دەکەن، دەوڵەتێک کە بۆ رێڕەوی ئاسمانی و وشکانی، پێویستی بە رەزامەندی ئەوانە ، و ئەمنیەت و سەقامگیریشی بە رادەیەکی بەرز پەیوەست دەبێت بە کاردانەوەی ئەوانەوە. دواتر لەسەر ئاستی نێودەوڵەتی، ئایا بۆ زامنکردنی رای ئەندامانی هەمیشەیی ئەنجومەنی ئاسایش کام هەنگاوی پێویست نراوە و یەکێتیی ئەوروپا و کۆمکاری عەرەبی، ئایا چۆن لەم بابەتە دەڕوانن. دەوڵەت بە کردەوە و وەڵامدانەوەی ئەم پرسیارانە دروست دەبێت  .
ئەگەر لەمەش زیاتر بچینە پێش، ئایا سنورەکانی ئەم دەوڵەتە سەربەخۆیەی کوردستان کوێ دەگرێتەوە، ئایا هەموو هەرێمی کوردستان دەگرێتەوە یاخوند زۆنی زەرد و زۆنی سەوز لەیەکتری جیادەبنەوە، ئایا پرۆژەکە هەموو کوردستانی عێراقی لەخۆگرتوە، یان دەخوازرێت کەرکوک بکرێتە هەرێمێکی سەربەخۆی دەرەوەی ئەم دەوڵەتە. بۆ وەڵامی ئەم پرسیارانە، ئایا بەکردەوە چی کراوە و پشتیوان و نەیارەکانی “دەوڵەتی کوردستان”، لەگەڵ کام سنور نەیار و پشتیوانی لەکام دەوڵەتی کوردستان دەکەن. سەرئەنجام پەیوەندی نێوان ئەم دەوڵەتە و کوردانی پارچەکانی تر، چۆن بەرێوەدەبرێت و بەکام ئامانج .
بۆیە ئەگەر دەوڵەتمان ئەوێت، فەرمون با بەکردەوە بنیادی بنێین چونکە دامەزراندی دەوڵەت جیاوازە لە پرۆسەی راپرسی بۆ سەربەخۆیی و جیاوازیشە لە بەکارتکردنی دروستکردنی دەوڵەت .

لاهور شێخ جەنگی لەبارەی زەمینەسازی بۆ پرسی دەوڵەتی كوردی چەند پرسیارێكی ورووژاندوە كە وەڵامدانەوەیان زامنكردنی دەوڵەتە بەكردەوە و دەپرسێت “ئایا دەسەڵاتی سیاسی و كارگێڕیی هەرێمی كوردستان ئامادەكارییەكانی بەدەوڵەتبونی تا كوێ بردۆتە پێش. ئاو و خۆراكی زیاد لە شەش ملیۆن كەس زامنكراوە، سوتەمەنی و خزمەتگوزارییە مرۆیی و تەندروستییەكان لە چ ئاستێكدان، داهاتی دەوڵەتەكە لە كام سەرچاوە زامندەكرێت و ئێستا سەرمایەی هەرێمی كوردستان چەندە، ئەگەر سنورەكان داخران و نەكرانەوە، سەرچاوەكانی بارزگانی و ئاڵگۆڕ كامانەن. ئایا لەروی ئەمنی و سەربازییەوە، ژێرخانێكی پتەو بۆ سوپا و هەڵوێستێكی یەكگرتوو هەیە بۆ روبەڕووبونەوەی هەڕەشە و مەترسییەكان، و ئایا ئێستا لای هەمو كوردێك زانراوە كێ دۆستە و كێ دوژمنە، تا لەسەر ئەو بنەمایە پەیوەندییەكان رێكبخرێت. ئەی بۆ پێكەوەژیانی ئیقلیمی، كام هەنگاوانە نراون، بەغدا و ئەنكەرە و تاران و دیمەشق و عەمان، چۆن مامەڵە لەگەڵ ئەم دەوڵەتە تازەیە دەكەن، دەوڵەتێك كە بۆ رێڕەوی ئاسمانی و وشكانی، پێویستی بە رەزامەندی ئەوانە، و ئەمنیەت و سەقامگیریشی بە رادەیەكی بەرز پەیوەست دەبێت بە كاردانەوەی ئەوانەوە. دواتر لەسەر ئاستی نێودەوڵەتی، ئایا بۆ زامنكردنی رای ئەندامانی هەمیشەیی ئەنجومەنی ئاسایش كام هەنگاوی پێویست نراوە و یەكێتیی ئەوروپا و كۆمكاری عەرەبی، ئایا چۆن لەم بابەتە دەڕوانن. دەوڵەت بە كردەوە و وەڵامدانەوەی ئەم پرسیارانە دروست دەبێت، ئەگەر لەمەش زیاتر بچینە پێش، ئایا سنورەكانی ئەم دەوڵەتە سەربەخۆیەی كوردستان كوێ دەگرێتەوە، ئایا هەموو هەرێمی كوردستان دەگرێتەوە یاخوند زۆنی زەرد و زۆنی سەوز لەیەكتری جیادەبنەوە، ئایا پرۆژەكە هەموو كوردستانی عێراقی لەخۆگرتوە، یان دەخوازرێت كەركوك بكرێتە هەرێمێكی سەربەخۆی دەرەوەی ئەم دەوڵەتە. بۆ وەڵامی ئەم پرسیارانە، ئایا بەكردەوە چی كراوە و پشتیوان و نەیارەكانی “دەوڵەتی كوردستان”، لەگەڵ كام سنور نەیار و پشتیوانی لەكام دەوڵەتی كوردستان دەكەن. سەرئەنجام پەیوەندی نێوان ئەم دەوڵەتە و كوردانی پارچەكانی تر، چۆن بەرێوەدەبرێت و بەكام ئامانج ” .

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت