Hellgwrd-Qzleryi

پۆلیسی سلێمانی ئەشکەنجەی کوڕی خێزانێکی چوار شەهیدی یەکێتی دەدەن .

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

شەوی یەکشەمە بەرواری ٣٠ لەسەر ٣١ ی ئاب  ئوتومبێلێک پەکی دەکەوێت لە سەر شەقامی مەلیک مەحمود ، خاوەنی ئوتومبێلەکە برازامەو هانا دەبات بۆ برایەکم وتەلەفونی بۆ دەکات کە  بچێت بە هانایەوە و هاوکاری بکات . کاتێک سەرقاڵی ئەوە دەبن گرفتی ئوتومبێلەکەیان چارەسەر بکەن مەفرەزەیەک لە پۆلیسی ( ١٠٤ ) دەچنە شوێنی ڕوداوەکەو بەهەر هۆیەک بێت ، دەمەقاڵێ دروست دەبێت لە نێوانیاندا  .  بەڵام دوور لە هەموو پەروەردە و نەریتێکی کارەکەیان ، کە بۆ خزمەتی هاوڵاتیانە ، وەک گەلە گورک هەڵدەکوتنە سەر( محمەد هەڵگورد) کە ناوبراو برای منەو خاوەنی چوار شەهیدە و ، لە هەمان کاتیشدا کارمەندی وەزارەتی ناوخۆیە ، لەسەرەتاوە خۆشی پێناساندون و پێی وتون من کارمەندی وەزارەتی ناوخۆم . پاش ئەوەی کەلەپچەشیان کردۆتە دەست  زۆر بێویژدانانە و دوور لە هەموو ڕێنماییەکی مرۆڤایەتی بە ١٠ پۆلیس لە ناوبراویان داوە ، کە دایک  و خوشک و دوو براشی شەهیدە . لە بری پاداشت و حورمەتگرتنی کەسوکاری شەهید ، ئاواشت لی بکەن بە بێ تاوان . مرۆڤێک  لە پێناو ئەم ئازادیەی  ئەمڕۆی کوردستاندا تێگرای خێزانەکەی کردبێتە  قوربانی بۆ میللەتەکەی ، ببینن بە چ شیوازێک لێی دراوەو سوکایەتی یەتی پێکراوە ، سەڕەرای ئەو هەموو تاوانانەی کردویانە بەرامبەری  وەک ئەوەی تیرۆرستێکی داعشیان کەوتبێتە بەردەست ، دوای ئەو هەموو ئازارو ئەشکەنجەیەشیان داوە ،  راستەوخۆ ڕاپێجی زیندانیان کردووە . جگە لەوەی لێیانداوە و ئازارێکی زۆری چەستەیشیان داوە  دەیان قسەی سوکو نا بەجێشیان  پێ وتووە  ، کە مایەی شەرمە بخریتە بەردەم خوێنەرانی بەڕێز .

ئێمە وێرای سەرزەنشتکردنی ئەو کارە قێزەونە ، وەک بنەماڵەی چوار شەهیدی زەمەنی بەعس ، داوای یاسایی  لەسەر ئەو تاوانبارانە تۆمار دەکەین و بەهیچ شێوەیەک لێیان خۆش نابین .

 

ئارام قزلەریی

٣٠/٨/٢٠١٤

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت