فەتاح حەسەن : داعش و بەیعەت . 

لەودەمەیدا شەمشەمەکوێرەکان بەخوێنی ئێمە شمشێرەکانیان تیژدەکەن .. زەمین سنگی ئاسمان شەقار دەکا سکاڵایەك دەدا بە خوا.   کە کچمان بەکەنیزە دەبەن ناوی ( محمد المصطفی ) لە شایەتمان بەدەردەکەن . […]
بۆ ناردنی ئەم بابەتە بۆ سەر فەیسبووکەکەت یان هاوڕێکانت کلیک بکەرە سەر ئەو سمبولانە

لەودەمەیدا

شەمشەمەکوێرەکان

بەخوێنی ئێمە

شمشێرەکانیان تیژدەکەن ..

زەمین

سنگی ئاسمان شەقار دەکا

سکاڵایەك دەدا بە خوا.

 

کە کچمان بەکەنیزە دەبەن

ناوی ( محمد المصطفی )

لە شایەتمان بەدەردەکەن .

 

کە کوڕمان بە غیلمان دەبەن

( لوط ) پێغەمبەر ، توڕەدەکەن .

 

کە مزگەوت و کڵێساکان

خاپوردەکەن

حەفتاودووجار

رووی خەواریج  سپی دەکەن .

 

 کوردە

سەید بی .. شێخ بی

حاجی، ( مەلا ) ش بی

بەیعەت

بەپێنجەم خەلیفەی راشدین نەکەی

لەسەر حەڵاڵکردنی خوێنت

کێبڕکێیانە

عەرەب و ئەفغانی و شیشانی ..

 

 

بۆ ناردنی ئەم بابەتە بۆ سەر فەیسبووکەکەت یان هاوڕێکانت کلیک بکەرە سەر ئەو سمبولانە
فەتاح حەسەن

ئەرشیڤی بەڕێز: فەتاح حەسەن