kamaran-wriya-3

معاویه‌ى دوه‌م كێیه‌ ؟ نمونه‌یه‌كى جوان له‌ مێژوى ئیسلام  .

سمبولی تۆڕە کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت

یه‌كه‌م خه‌لیفه‌ى ئیسلام بوو كه‌ به‌ حه‌زو ئاره‌زوى خۆیی وازى له‌ هه‌موو ده‌سه‌لاتێك هێنا, معاویه‌ى دووه‌م كوڕى یه‌زیدى معاویه‌یه‌ , كه‌ باپیره‌ گه‌وره‌ى ده‌كاته‌ معاویه‌ى كورى باوكى سوفیان. له‌ ساڵى 60 كۆچى بوه‌ خه‌لیفه‌ى سێیه‌مى ئه‌مه‌ویيه‌كان .

ئه‌م گه‌نجه‌ لە ( ته‌مه‌نى 20 ساڵ , هه‌ندێك سه‌رچاوه‌ ئه‌ڵێن 25 ساڵ بووه كه‌ بوه‌ته‌ خه‌لیفه‌ ) ته‌نها 40 رۆژ له‌سه‌ر ده‌سه‌لات بوو ( هه‌ندێك سه‌رچاوه‌ ئه‌لێن 3 مانگ و هه‌ندێكى تر ئه‌ڵێن دوو مانگ) , به‌ڵام وازهێنانى له‌ ده‌سه‌ڵات و هه‌وڵدانى بۆ سرینه‌وه‌ى سیسته‌مى حكومدارى بنه‌ماڵه‌ىی هه‌ولێكى جوان بوو .

ئه‌م خه‌لیفه‌یه‌ له‌ خوتبه‌یه‌كى به‌ ناوبانگى كه‌ ناوه‌رۆكى خوتبه‌كه‌ى بریتيه‌ له‌ ( ئه‌ى موسڵمانان هیوادرم خۆتان بتوانن كه‌سێكى باشتر له‌ من بدۆزنه‌وه‌ كه‌ كارو باره‌كانتان به‌رێوه‌ ببات ). ئه‌م وازهێنانەى خه‌لیفه‌یه‌ له‌ ده‌سه‌ڵات بنه‌ماڵه‌ى ئه‌مه‌ویيه‌كانى توشى شۆك كرد ، چونكه‌ له‌و كاتەدا ئه‌وان له‌و په‌رى ده‌سه‌لات و خۆشگورزانى بوون , هه‌ر له‌به‌ر ئه‌وه‌ دایكى لێیی توڕه‌ ئه‌بێت و ئه‌ڵێت ( خۆزگه‌ پارچه‌ قوماشێكى پیس ( ئه‌و پارچه‌ قوماشه‌ى ئافره‌ت سورى مانگانى پێ پاك ده‌كاته‌وه‌ ) بومایه‌ , به‌ڵام ئه‌م بریارەى تۆم گوێ لێنه‌بوایه‌ ) , له‌وه‌ڵامدا معاویه‌ى دووه‌م ئه‌ڵێت ( خۆزگه‌ په‌رۆیه‌كى پیس بومایه‌ ئه‌و كاره‌م نه‌كردایه‌ ).

هۆكاره‌كان جۆراو جۆرن كه‌ بوه‌ هۆى ئه‌وه‌ى معاویه‌ى دوه‌م ده‌ست له‌ خه‌لافه‌ت هه‌ڵگرێت , هه‌ندێك سه‌رچاوه‌ ئه‌ڵێن : له‌به‌ر ئه‌وه‌ى باوك و باپیرى تاوانى گه‌وره‌یان كردبوو ئه‌م خه‌لیفه‌ تازه‌یه‌ حه‌زى نه‌ده‌كرد ببێته‌ به‌شێك له‌و مێژوه‌ , هه‌ندێكى تر ئه‌ڵێن له‌به‌ر نه‌خۆشى و سیستى جه‌سته‌یی بوو , هه‌ندێكى تر ئه‌ڵێن ئه‌م خه‌لیفه‌ زۆر كاریگه‌رى ئیمامى سجاد و خاتو زه‌ینه‌بى ( كةسو كارى ئال بةيت ) له‌سه‌ر بوه‌ ، كاتێك دیل بوون لاى باوكى . هۆكاره‌كان هه‌رچیه‌ك بێت ئه‌م خه‌لیفه‌یه‌ ویژدانێكى زیندوى هه‌بوو له‌و رۆژگاره‌دا , دیندارێكى بێ سیاسه‌ت بوه‌ , هه‌رچه‌نده‌ ئیمانێكى زۆر به‌ هێزى به‌ ئاین هه‌بوه‌ . به‌ڵام به‌داخه‌وه‌ له‌ مێژودا زۆر كه‌م باس كراوه‌و هه‌موو ژماره‌كان كه‌ په‌یوه‌ندى به‌م خه‌لیفه‌وه‌ هه‌یه‌ ، هه‌مه‌جۆر و چه‌ند سه‌رچاوه‌ن . دوایی وازهێنانى چوه‌وه‌ ماڵى خۆیی تا به‌ مردووی ده‌ریان هێنا ( هه‌ندێك سه‌رچاوه‌ ئه‌لێن دوای 3 رۆژ له‌ واز هێنان ده‌رمانخواردكراوه‌ هه‌ندێكى تر ئه‌ڵێن به‌ شمێشر لێيدراوه‌ ).