شەریف هەژاریی : ئەزانن ئاسمانیش پرسە بۆ شەهیدان و حاڵی کورد ئەگێڕێ ؟ .
لەم ” خوڕەم و باران ، لێزمە ، تۆفان و هەورە تریشقانە ” دا ، دوو ساڵ بیر کورد ئەخاتەوە ، چونکە هاوتای ئەمساڵ زقم و سەرما و سۆڵە کوردستانی تەنی بوو!
ئەو دوو ساڵەش : ” ١٩٨٨ ی کیمیابارانکردنی هەڵەبجە و ، کۆڕەوەکەی ١٩٩١ ” بوو ، ئەو دوو ساڵە سەرما و سۆڵە بێ – ئەندازە بوو!
هەر لە پاییز بەفر و زقم بنتیرگەکانی کوردستانی داپۆشیبوو!
زۆرێکی تاکی کورد , سەرەڕای ماڵوێرانیی و شەکەتو و ماندوبوون ! ئەوا سەرما ووچانی لێ بڕیبوون و دەست و دەمیان لە گۆ- کەوتبوو!
سەرنج بدەن ! ئەمساڵیش هەر لەم پایزە دا بەفر و کڕێوە و زقمە !
شەرەفپارێزەکانمان لە باشور و خۆراوا ، لەم کڕێوە و تۆفانە دا ، بە خوێن بەفر سوور ئەکەن ! وەک ئەوەی سروشت بەفرە سورەی باراندبێ !
لەم کڕێوەیەدا ، کەسوکارە ئاوارەکانی خۆراوا و باشور ، لە بن لایلۆن و خێمە و زندەگی یەخسیر ئاسا دا ، کات بە ڕێ ئەکەن !
پارتیی و یەکێتیش بەبێ ستراتیژێکی نەتەوەیی ، وەک میرە ئەشکەوتییەکانی سەدەی شازدەی کورد ، بەدەست نەوەکانی عوسمانیی و سەفەوییەوە بەکارئەهێنرێن !
پاسدار و میلیشیا لە کەلارەوە بۆ جەلەولا تەراتێن و عەنتەریات ئەکەن و ، ڕۆڵەی گەلیش جوامێرانە هەر گیان ئەبەخشن !
خوایە بیکەی بە خاتری ئەستێرە ڕازاوەکانت لە ‘ قەیرانی لافاو ‘ گەل بپارێزە ، چوون خۆت ئەزانی نەتەوەی کوردی هەست پاک ، بێ کەس و بێ – حوکمی تەکنۆکرات ، دەورەدراو بە دڕندە داگیرکەرەکانە !
