دکتۆر کەمال میراودەلی : یەزدان چی پێ وتم ؟ .

لە خەونمدا گۆرانییەکم وت بۆ سەوزەگەڵای داربەڕوو وتیان : گۆرانی بۆ چرۆکان بلێ ! گۆرانیم وت بۆ چڕۆکان وتیان: گۆرانی بۆ لقەکان بلێ! گۆرانیم وت بۆ لقەکان وتیان : گۆرانی […]
هاوکارییەکەت تەنها کلیک کردنە سەر ئەو سمبولانەی لای خوارەوەیە

لە خەونمدا

گۆرانییەکم وت بۆ سەوزەگەڵای داربەڕوو

وتیان : گۆرانی بۆ چرۆکان بلێ !

گۆرانیم وت بۆ چڕۆکان

وتیان: گۆرانی بۆ لقەکان بلێ!

گۆرانیم وت بۆ لقەکان

وتیان : گۆرانی بۆ قەدەکان بلێ !

گۆرانیم وت بۆ قەدەکان

وتیان : گۆرانی بۆ ڕەگەکان بلێ !

گۆرانیم وت بۆ ڕەگەکان

وتیان : گۆرانی بۆ خاک بلێ!

گۆرانیم وت بۆ خاک

وتی: گۆرانی بۆ ئاو بلێ !

گۆرانیم وت بۆ ئاو ، وتی :

گۆرانی بۆ هەورو هەتاو بڵێ !

گۆرانیم وت بۆ هەورو هەتاو

وتیان : گۆرانی بۆ ئاسمان بڵێ !

گۆرانیم وت بۆ ئاسمان

وتی : گۆرانی بۆ یەزدان بلێ !

گۆرانیم وت بۆ یەزدان

فەرمووی : گۆرانی بۆ

بیری جوان ،

وشەی جوان ،

کرداری جوان . بلێ

گۆرانی بۆ ژیان بلێ

گۆرانی بۆ نیشتیمان بڵێ !

گەلای سەوزی داربەروو

بوون بە وشە

چرۆکان بە ڕستە

لقەکان بە داستان

قەدەکان بە مێژوو

ڕەگ بە بیر

هەتا دەمرم

بۆ بیری جوان

بۆ ژیان

بۆ کوردستان

بەستە دەچڕم

هاوکارییەکەت تەنها کلیک کردنە سەر ئەو سمبولانەی لای خوارەوەیە
دکتۆر کەمال میراودەلی

ئەرشیڤی بەڕێز: دکتۆر کەمال میراودەلی