Cihadi-Nikah

بەڕێوەبەری کەمپی جیهادی نیکاحی داعش بناسە

سمبولی تۆڕە کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت

لەگەڵ دەرکەوتنی گروپە ئیسلامیە توندڕەوەکان لە سوریا دیاردەیەکی ناوازە سەریهەڵدا ئەویش جیهادی نیکاح بوو ، کە بە وتەی خۆیان ئەمەش جۆرێکە لە جیهاد ، چونکە پێویستی سێکسی جیهادیەکان پڕ دەکاتەوە .

لە ئێستاشدا کچێکی سکۆتلەندی خەڵکی شاری گلاسکۆ بە چالاکیە بەرفراوانەکانی لە تۆڕە کۆمەڵایەتیەکان هەوڵی لە خشتەبردنی کجە هەرزەکارەکان دەدات بۆ ئەوە بچنە ریزی گروپی تیرۆریستی داعشەوە .
ئەو هەرزەکارانەی دەچنە ریزی ئەو گروپەوە سەرەتا نازانن خۆیان گیرۆدەی چی دەکەن و دواتریش ناتوانن خۆیان قوتار بکەن .
رۆژنامەی پڕفرۆشی ( لاستامپا ) ی ئیتالیا لە راپۆرتێکیدا تیشکی خستۆتە سەر رەوەندی چونی کچانی ئەوروپا بۆ ناو داعش و نوسیویەتی : ” ( ئەقصا مەحمود ) کچە سکۆتلەندی دوای چونی بۆ ناو داعش ، بەرپرسیارێتی کەمپێکی گرتۆتە ئەستۆ کە کچە ئێزیدیەکانی تێدا بەندکراوە .”
ئەو رۆژنامەیە بڵاویکردۆتەوە ( ئەقصا مەحمود ) ی بەڕەگەز پاکستانی لە شاری گلاسکۆ لە سکۆتلەندا گەورە بووە و لە باشترین خوێندنگەکان خوێندویەتی ، بەڵام لە کۆتاییدا بوو بە سەرۆکی گروپی ( خەنسا ) ژنانی داعش لە شاری رقەی سوریا. ناوبراو ساڵی ٢٠١٣ بەمەبەستی جیهادی نیکاح ماڵی خۆیانی جێهێشتووە و رویکردۆتە سوریا .
ئەم کچە یاریزانە هانی سێ کچیتری بەریتانی بە ناوەکانی ( شەمیمە بیگوم ١٥ ساڵ ، کدیزا سوڵتانە ١٦ ساڵ ، ئامیرا عەبباسە ١٥ ساڵ ) ی داوە کە بچنە ناو داعش و لەم هەفتەیەدا ئەم سێ کچە گەیشتونەتە سوریا .
ئەقصا کە کچێکی تەمەن ٢٠ ساڵە زۆر مەیلی بۆ فیلمە خەیاڵیەکانی وەک هاری پۆتەر هەبوە و ئەم خەیاڵانەی خۆی لە جیهانی راستەقینەدا لەناو داحش و بەغدادیدا دۆزیوەتەوە .
ئەو کە ناوی ( ام لیث ) ی بۆ خۆی هەڵبژاردووە لە ئێستادا لە کەتیبەی خەنسای ژنانەی داعشدا بەرپرسی ( ژنانی جیهادی نیکاح ) ـە و سەرپەرەشتی ئەو ژنە ئێزیدیانە دەکات کە داعش لە شنگال رفاندنی و گواستنیەوە بۆ سوریا و چاودێری کڕین و فرۆشتنیان دەکات .

بێجگە لەم کارانەی ئەقصا ئەرکێکی تری هەیە ئەویش ئەوەیە کە لەڕێگەی تۆڕە کۆمەڵایەتیەکانەوە ژنانی زیاتر بۆ چونە ناو داعش لە خشتە ببات ، هەر لەبەر ئەوەشە کە یەکەم کەسە کەلەلایەن دەزگای هەواڵگری بەریتانیاوە داواکراوە .

Cihadi Nikah.1 Cihadi Nikah.2

س / م