بەکر حسەین : سـڵاوت لێ بێ کـۆبانی ..

هاوکارییەکەت تەنها کلیک کردنە سەر ئەو سمبولانەی لای خوارەوەیە

رۆژی 8 ی ئوکتوبه‌ری 2014  ، له‌ناو شه‌مه‌نده‌فه‌رێکدا به‌ره ‌و ستۆکهۆڵم بۆ هاوبه‌شی خۆپێشاندانێك بۆ ناره‌زایی به‌رامبه‌ر به‌ هەڵوێستی تورکیا لە دژی کۆبانی و هاوکاریان لەگەڵ داعش . سەرەتاکانی ئەم هۆنراوەیەم نوسی و رۆژی شه‌ممه‌ی  12-10-2104  ته‌واوم کرد .

سڵاوت لێ بێ رۆژئاوای خۆراگر

سڵاوت لێ بێ کۆبانی

تۆ ئێستا دڵی کوردانیت و تۆی شاری به‌رگری و قوربانی

سڵاوت لی بێ کۆبانی

هه‌موو کـوردانی دنیا رویان له‌ تۆیه‌ و

تۆ قـیبله‌ی هه‌مـوومانی

 

کچانی قاره‌مانی تۆ ئێستا له‌ دنیادا ،

بون به‌ سیمبۆڵی خه‌باتی مرۆڤایه‌تی

بۆ ئازادی و بەهاکانی شارستانی

 

داستانی ورەو ئازایە تیت هەمـو دنیای سەرسام کردوه‌ و

بۆ کـوردانی ئێستا و بۆ نەوەکانی داهاتوش ،

تۆ جـوانترین و بە نرخترین شانازیمانی

لە رێبازی شـۆرش و بەرخودانی رابوردوی کورد ا

پیاوان لە سەنگەری پێشەوەدابوون و

لە ئەزمونی ئێستای تۆدا ، کچانی پڵنگ و گـیان فیدات .

لەسەنگەری  پێـشـەوەدایە .

 

سەرکەوتنی تۆ ، هەر بۆ راماڵینی دوژمن نابێت بەڵکوو

بۆ دامەزراندنی کۆمەڵگەیەکی شارستانیشـه‌

کە یەکسانی پیاو و ژنی تیایە .

 

 ئەگەرچی بۆ بینینی سه‌رهه‌ڵدانی رۆژ

رۆژهه‌ڵاته‌ فه‌له‌کیه‌که‌‌ سه‌ره‌تایه‌ .

بەڵام ئێستا لای ئێمەی کوردستانیان

بۆ چاوەروانی هەڵهاتنی رۆژ

هەر چاومان لە رۆژئاوایە .

 

کۆبانی تۆنامریت و تۆ له‌ جوگرافیا بچوکه‌که‌تدا نه‌ماوی

ئێستا جێگه‌ی تۆ له‌ ناو دڵ و هه‌ستی مرۆڤدۆستانه‌ی ملیونه‌هایه‌ .

 

تۆ له‌‌سه‌ر هه‌موو زارێکیت و قـوربانیان و روناکیه‌که‌ت

‌روهه‌ڵماڵینه‌ له‌سه‌ر بێ ئه‌خلاقترین و درنده‌ترین جانه‌وه‌رانێ ئه‌م دنیایه‌‌

 

راپەرین و بوێری و بێباکی ، فرێشته‌ پیرۆزه‌کانت

رووبه‌‌رووی ، شمشێره‌کانی‌ ،‌ هه‌مه‌جێه‌ت و‌ جه‌هاله‌ت ،

داهێنانی رێبازێکی نوێی پرر مانایه‌

 

چرای رۆناکیه‌ بۆ مرۆڤایه‌تی و

بۆ مێژویەکی نوێی خه‌باتی کـوردایه‌تیش سەرەتایە .

 (( چه‌ند دێرێك ، لێره‌دا لابراوه‌ . له‌به‌ر  هۆکاری پێویست )) *

زۆر جێی حەسرەت و داخمە

که‌ من به‌گـوێره‌ی توانا و ئاره‌زوم .

هەمو شتێـکم لە دەست نایە .

ئاخ ، خۆزگە من ، بۆ بەرگری لە تۆ و تۆڵە لە دوژمن .

لە ئاسمانی کۆبانیدا فرۆکەوانێکی ئاپاچی بومایە .

 

بەڵێن بێ منی دوور وڵاتی به‌ساڵاچوی

بێ دەسەڵاتی ، بێ پۆست و پایە

هەر دڵسۆزت بمێنم هەتا مابم و ئەوەندەی توانام تیایە .

بەڵێن بێ ، ئازارەکانت بگەیەنم بەو دنیایە .

بەڵێن بێ هەر پشتیوانت بمێنم

بۆ گەیاندنی پەیامی ئازادی خوازانەت ، و

بۆ سه‌رخستنی ئە‌ و ئێرادەو ئەو ، ووره‌ ، پۆڵایە .

 

بەڵێن بێ نەفرەت و نەعلەت بکەم لە هەموو ئەو نامرۆڤانەی

کە لە دۆزه‌خی شەری مان و نەماندا ، پشتیوانیت ناکەن و

کەمتەرخەمی و بێ باکیان لەخزمەتی دوژمندایە .

 

کـۆبانی تۆ هە‌ر سەردەکەویت و

دوژمنانت چەند درەندەترین و

چه‌ند بێ ئەخلاقـتربن هەر دەد‌ۆڕین و

هه‌موو مرۆڤایه‌تی شارستانی نه‌فره‌تیان لێده‌کات و

کـۆتاییان لە ریسـوابوندایە

مەزاری شەهیدانی تۆ دەبیت قیبلەی حەجی ئازاد‌یخوازنی کـورد و

ئازادیخوازانی ئەم د‌نیایە .

 

ئاواته‌خواز و چاوه‌روانی سه‌‌رکه‌وتنی تۆم و

ئه‌گه‌ر رێـکه‌وت بۆ حه‌ج  و بۆ ماچکردنی مەزاری شـەهیدانت

بمامایە و بهاتمایە .

 

هاوکارییەکەت تەنها کلیک کردنە سەر ئەو سمبولانەی لای خوارەوەیە
بەکر حسەین

ئەرشیڤی بەڕێز: بەکر حسەین