دکتۆرکەمال میروادەلی  : پرۆژەی دەستوورنامەی باشووری کوردستان .

سمبولی تۆڕە کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت

سەرنجێک دەربارەی بنەماو پرینسیپە گشتییەکان

١ – دەستوور دەڕبری خواستی میللەتێكی خاوەن خاک و نیشیتمانی خۆیەتی کە شێوەی سیستمی سیاسی و پێوەندییەکان و پراکتیسەکانی دەسەلات لە  ولاتی  خۆیدا بە ئیرداەی ئازادی بێ قەید و مەرج بڕیار  بدات  .

٢ – لەبەر ئەوە هەر جۆرە حیسابکردنێک بۆ هەر جۆرە فاکتەرێکی سیاسیی لە دەرەوەی پێوەندی ئیرادەی ڕەهای گەل + خاک دا شتێکە کە دەشێ بچێتە سیاسەت و دیپلۆماسییەتەوە بەلام ناشێ بچێتە ناو دەستوورەوە .

٣ – دەستوور موجادەلەی سیاسیی یان لۆجیکی نییە . دەستوور دوا ىڕیاری گەلە دەربارەی شیوەژیانی خۆی لە وڵاتی خۆیدا . بۆیە هەموو بەندێک ، ڕستەیەک ، وشەیەکی دەستوور حوکمی یاسا وەردەگرێت و دەبێتە سەرچاوەی حوکمی یاسا وەک ئیرادەی ئازادی هاوبەشی گەلێک لە خاکی خۆیدا . لەبەر ئەوە زمانیكی سادەی ڕوون و ڕەوان مەرجێکی جەوهەریی دەستوورە  .

٤ – گەلی ىاشووری کوردستان لە دەرىرینی ئیرادەی ئازادی خۆیدا دەبێ  لە پێش هەموو شتێکدا لە واقیعی جوگرافی مێژوویی کەلتووریی نەتەوەیی خۆیەوە وەک گەلێکی خاوەن ناسنامەو خاک و زمان ومێژووی سەربەخۆ بیربکاتەوەو ئیرادەو ئیدارەی خۆی بەم پێیە دەربڕێت .

٥ – ئەو رووداوانەی رۆژاوا بەتایبەتی بەرگریی هاوبەش لە کۆبانی و تێکەڵبوونی کێشەکانی  و رۆژەلات و باشوور ، سڕینەوەی سنوورەکان لە ڕووی سیاسیی وسایکۆلۆجیی و تەنانەت کێشە سەربازییەکانەوە ، وا پێویست دەکات ئەم راستییانە لە دەەستوورنامەدا ڕەنگ بدەنەوە بەوەی کە ناوی باشووری کوردستان بەکاربێنێت وەک چۆن راژاوا ئەم ناوەیان بەکارهێناو کردیان بە ناوی باوەڕپێکراو لە میدیاو سیاسەتدا و جەخت لە سەر بوونی باشوور وەک کوردستان بکرێت نەک بەشێک یان خاکێک لە ناو عیراقدا کە هێج پێوسیت نییە . هەروەها پێویست بەوە ناکات دەستووری کورد کە ئیرادەی کورد لە خاکی خۆیدا دەردەبڕێت بە هیچ جۆرێک خۆی بە دەستووری عێراقەوە ببەستێتەوە .

٦ – بۆیە پرینسیپە گشتییەکان گرنگترین بەشی دەستوورن کە هەموو بیناسازیی دەستووری لە سەر هەلدەچنرێت ، ئەو بنەما دەستوورییانە دەبێ جەخت لە سەر ئیرادەی ئازادو مافی گەلی کوردستان لە خاکی خۆیدا بکە و بە شێوەیەکی روون و ڕەوا هەموو ماف و ئازادییەکانی مرۆڤ و هاو – وڵاتی کورد دابین بکە .

بۆ خوێندنەوەی تەواوی دەستورەکە کلیک بکەرە سەر ـــ  پرۆژەی دەستوورنامەی باشووری کوردستان