barzani_talabani

عوسمان عومەر : جەنابى مامجەلال دووجار پیاوى ئاشتى بوو ـ جەنابى سەرۆک نۆرەى تۆیە .

سمبولی تۆڕە کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت

لە ١٩/ تشرینى دووەمى ساڵى ١٩٧٧ ئەنوەر ساداتى سەرۆکى میسر بە کتوپریى هەرچەندە کتوپر نەبوو چونکە پیشینەیەکى باشى بۆ کرابوو بۆ ڕیکەوتن و سەردانی ئیسرائیل . هەرچەندە لەلایەن ئەندامانى کابینەکەیەوە بەتاکرەوى بۆئەژمیردرا ، بەلام جیمى کارتەرى سەرۆکى ئەوکاتى ولایەتە یەکگرتووەکانی ئەمریکا بەو رستەیە وەسفى سەردانەکەى ساداتی کردووەو دەڵیت : هاوشێوەى گەیشتنە بە یەکەمجاریى مرۆڤ بۆ سەر رووى مانگ . وبرنۆکرایسکى راوێژکارى ئەوکاتى نەمسا و دۆستى جەنابى مامجەلال وتبوى : ئەنوەر سادات بە تەواوى نرخى چەک دەزانێ و لەهەمانکاتیش نرخى ئاشتى دەزانێ ” ئەم سەردانەى سەرۆکى میسر دواى ٣ شەرى گەورەى ١٩٤٨ و ١٩٦٧ و ١٩٧٣ کەدواهەمیان سەرکەوتنى بەرچاویان بەدەست هینان بوو ئەنجامدرا .
هەندێ لە وولاتە عەرەبیەکان بەنهێنى پەیوەندییان بە دەولەتى جولەکەوە هەبوو لەوانە مەغریب و تونس و حەسەنى دووەمى پاشاى مەغریب ئاگادارى هەندێ لەو بیراراگۆرینەوەیە بۆ ئاشتى هەبوو لەگەل دەولەتى ئیسرائیل , لەلایەک بەرەیەکى دژى سەرۆکى وولاتى میسر گیرایە بەر وەک هەلپەساردنى ئەندامیەتى زۆربەى وولاتانى عەرەب لە کۆمکارى عەرەبى و برینى هاوکاریەکان بۆ میسر و برینى پەیوەندیە دبلۆماسیەکان و ….هتد ، لەلایەکى تریشەوە زۆر لە وولاتە رۆژئاوایەکان ئامادەى هاوکارى میسر بوون بۆ وەبەرهینان لەو ولاتەو بنیاتنانى ژێرخانى ئابوریى داتەپیوى دواى جەنگ لەسەرو هەمویانەوە ویلایەتە یەکگرتووەکانى ئەمریکا ، بەمەش میسر بارى ئابورى گەشایەوەو هەندیکیان لەو قەرزانە خۆش بون ، کە دابویان بەمیسر و سوپا بە نوێترین چەک بنیات نرایەوە و هەنگاوى نوێی بەرەو پێشکەوتن گەشەکردن دەنا لەسایەى ئاشتى وتەبایی لەگەل ئیسرائیل . هەموعەرەبیش بە ساداتیان دەوت : ( ابو رغال ) کەسیکى خیانەتکار بووە لەمیژوى عەرەب بەلام سادات گوێی بەوانە نەدا و گەل و وولاتەکەى خۆی خۆش دەویست و بەرژەوندى وولاتەکەى بەلاوە گرنگتر بوو نەک قسە و قسەلۆک . دواتر بەپیاوى ئاشتى ناونرا .
سالى ١٩٩٤ کاتێ شەرى ناوخۆ هەلگیرسا لە هەرێمەکەمان ی ن ک و پ د ک کەوتنە رکەبەرى یەکتر بەچەک بەندە وەک پێشمەرگەو کادیریک هەستم بەوە کرد کە جەنابى مامجەلال خەمخۆرى ئاشتی و تەباییە و نایەوێ شەرى براکوژی دوبارە بیتەوە ، راى زۆربەى سەرکردەو فەرماندەکانیش بوو . بۆیە ئەوکات لەسەفەریکدا بوو بەرەو ئەوروپا لەشامەوە بروسکەیەکى ئاراستەى کاک مەسعود کرد ، هەرچەندە دەقەکەیم لەبەر دەست نییە بەلام بەپێى یادەوەریم ناوەرۆکى بروسکەکە ئەوەبوو ” تکاى برایانەم ئەوەیە کە ئەو بارگرژیە هەر لەوناوچەیە بێ و ، تەشەنە نەکات . بە هیمەتى براگەورەییت چارەسەرى بکەن و لیژنەیەکى لیکۆلینەوەى بالا لە هەردوو لا پێک بهێنرێ و ، بەلێن بێ هەرکەسى لاى ئیمەوە تۆمەتبار بێ لەهەر پۆست و پلەیەک دا بێ سزاى قورسى ئەدەم . دووبارە هیمەتى براگەورەییت بخەرەگەر بۆ چارەسەرى ئەو کیشەیەو تەشەنەنەکردنى بۆ هیچ شوێنێکى تر …. و بروسکەى ترى بۆ م .س و زۆربەى سەکردەو فەرماندەکانیش کرد ، کە دان بەخۆیاندا بگرن و دۆخەکە بەرەو ئالۆزتر نەبەن و کۆنترۆلى هێزى پیشمەرگەبکەن و تەنها لەحالەتى دیفاعى بن و بێ ئاگاداریى من هیچ فەرمانێکى هیرشکردن نەدرێ بەلام حەقى دیفاع پیرۆزە .
دواى توند بونى گرژى ئالۆزیەکان و تەشنەکردنى بۆچەند ناوچەیەکى تر و هێرشى لەنکاویى پارتى بۆ سەر چەند شوێن و بنکەو بارەگا و کۆنترۆل کردنى هەندێ لە ریگاکان و شەهیدکردنى هەندێ لە هەڤالانمان بە غەدر و خیانەت کردن و ئەوکات سەرکردایەتى ی ن ک ناچارکرا بەرگرى وبەرەنگارى ئەوشەرە نەگریسە ببیتەوە و لەزۆر شوێن بالا دەستى دیاربوو لەگەل ئەو توندیەش چەندین حیزبی کوردستانى و کەسایەتى ناودار و ریکخراوى مەدنى و سیاسى سەردانى جەنابیان دەکرد هیچ دەستپێخەریەکى رەت نەدەکردەوە و زۆرجار دەیفەرموو : پەرەى سپى واژوودەکەم لەولاشەوە کاک مەسعود دەیوت : ( ئەو دەستە دەبرم کە جاریکى دى دەست بخاتە دەستى جلال تالەبانى ) یەوە ، واتا کار گەیشتە ئەوەى لە ٣١/ ئاب پەنا برایە بەر دوژمنى داگیرکەریى خاک و ولاتمان کە بەخوێن وەردەرنرا بوو ، بەسواریى پشتى دەبابە و بە پیشکەوتنى سەربازەکانى پایتەخى هەریمەکەمان داگیر بکرێ و چەندین رۆلەى تێکۆشەر و قارەمانى ئەو گەلە بوونە قوربانى , دواى هیور بونەوەیەکى کەم ئەمجارەش دیسان خیانەتێکى تر دروست بۆوە سالى ١٩٩٧ پەنا برایە بەر درەندەترین و خۆێنخۆرترین دوژمنى گەلەکەمان کە تورک بوو بە بەسوپا و فرۆکە لە براکانیان دا , لەجیاتى گوێ گرتن لە ئەقل و لۆژیک و وازهێنان لەبەرژەوندى و تاکرەوى و پاوانخوازى دەسەلات و کورسى و ( تعنت ) کردن .
سەرەنجام دۆخەکە بەرەو هێمن بونەوە رۆیشت بە دەستپێشخەرى فەرەنساو ئینگلیزەکان و ئەمریکیەکان و چەند گەرێکى گفتوگۆ رەخسا تا لە سالى ١٩٩٨ لە درۆگیداى ئایرلەندا هەردوو لا پیک گەیشتن و چەند خولیکى گفتوگۆ بەردەوام بوو تا لەهەمان سالدا بە دەستپێشخەرى مادلین ئۆلبرایتى وەزیرى دەرەوەى ئەوکاتى ئەمریکا هەردوو بەرێز جەنابى مامجەلال وکاک مەسعود دەستیان خستە ناو دەستى یەک و ئەو دەستەش نەبڕدرا . ئاشتى و ئارامى تا رادەیەک تەبایی گەرایەوە بۆ هەرێمەکەمان و لەسالى ٢٠٠١ جەنابى مامجەلال بۆ دووەم جار بەمەبەستى ئاشتى بە سەردانێکى کتوپر گەیشتە مەسیف سەلاح الدین هەرچەندە کارى بۆ کرابوو و هەندێ نارازى بونیش هەبوو , لەگەل کاک مەسعود کۆبۆوەو سەرنجام پەیماننامەى ستراتیژى لێکەوتەوەو دواتر سالى ٢٠٠٥ هەردوو هەرێم یەکخرایەوە بەلام هەردوو ئیدارەیی بالى بەسەردا کێشا بوو مەسەلەیەکى کوردیش دەلێت : هەیە ئەگەر سوارو پیادە مەیلیان بێ دەست و مشت دەکەن ” ئەمجارە نۆرەى جەنابتە موبادەرەکەى ئەنوەر سادات دووبارە بکەرەوەو هەریمەکەمان لەم هەموو گرژى و ئالۆزى قەیران و لیکترازان و بارەدەرونیەى خراپەو کۆچى هاوولاتیان رزگار بکە و واز لە لوت بەرزى و تاکرەوى و خۆبەزلزانى ئەزانى مال وێرانیی و سەرگەردانییە و تەنازول بۆ یەکترى نەنگى نییە و تەعەنوت لەکەلى شەیتان هاتنە خوارەوەیە و یا خۆپیشاندان و راپەرینیکى دى ١٩٩١ ئاساى جەماوەرى و گەنجان یا بەعەبادى و حکومەتى عیراق بلێین بە ریشى مەردانەتان قەسەم . چونکە هەلبژاردنى پیشوەختەش بکەن دلنیام ئەوەندەتان هەویە کردوەو خەلک کریوە بە تەزویریش بێ دەیبەنەوە .

تەعنوت و وشەیەکى عەرەبیە واتە سوارى سەرى خۆبون بەلام بەندە لەجیاتى ئەوە لەکەلى شەیتان هاتنە خوارەوەم بەکار هێناوە .