نامه‌كه‌ى شارى شابڵن بۆ مرۆڤایه‌تى له‌ ساڵى 1940

Avatar photo

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

دیكتاتۆره‌كان خۆیان ئازاد ئه‌كه‌ن به‌ڵام میلله‌تێك ئه‌كه‌ن به‌ كۆیله‌ .

وه‌رگێرانى له‌ عه‌ره‌بیه‌وه‌ : كامران وریا قانع

بمبورن نامه‌وێت سه‌رۆك بم .. ئه‌وه‌ ئیشى من نیه‌ , نامه‌وێت فه‌رمانره‌وا بم و غه‌در له‌ هیچ كه‌س بكه‌م , حه‌ز ده‌كه‌م یارمه‌تى هه‌موان بده‌م ئه‌وه‌نده‌ى پێم ده‌كرێت , جوله‌كه‌ و غیر جوله‌كه ‌, سپى و ره‌ش , ئیمه‌ هه‌موو حه‌ز ده‌كه‌ین یارمه‌تى یه‌ك بده‌ین , ئه‌وه‌یه‌ ماناى مرۆڤایه‌تى .
هه‌موو حه‌ز ده‌كه‌ین به‌ دڵخۆشى پێكه‌وه‌ بژین نه‌ك به‌ ده‌رده‌سه‌رى , نامه‌وێت رقمان له‌كه‌س بێت و كه‌س دڵ بریندار بكه‌ین , له‌م جیهانه‌ شوێن بۆ هه‌مووان هه‌یه‌ , زه‌وى ده‌وڵه‌مه‌نده‌ ده‌توانێ پێدوایستى هه‌مووان دابین بكات , ده‌كرێت ژیانمان ئازاد و جوان بێت , به‌ڵام به‌ داخه‌وه‌ ریگاكه‌مان ونكرد , چاوچنۆكى روحمانى ژه‌هراوى كرد , به‌جۆرێك مرۆڤایه‌تى داپۆشراوه‌ به‌ رق و كینه‌ , كه‌ به‌ره‌و بێ هیوای و خوێن رشتنى بردین , ئێمه‌ ته‌كنه‌لۆجیامان پێش خست به‌ڵام خۆمان له‌ ناوییدا دیل كرد , ئه‌و ئامێره‌ى پێدوایستیه‌كه‌مان دابین ئه‌كات هانمان ئه‌دات شوێنى تر داگیر بكه‌ین , زانستمان بوه‌ته‌ شوێنى قه‌شمه‌ریى , زیره‌كیه‌كى قورس و بێ ره‌حمان هه‌یه ‌; به‌جۆرێك زۆر بیر ئه‌كه‌ینه‌ به‌ڵام كه‌م هه‌ست ئه‌كه‌ین , پێویستمان به‌ دڵنه‌وایی و سۆز زیاتر هه‌یه‌ له‌ زیره‌كى , به‌بێ ئه‌و سیفه‌تانه‌ ژیانمان زۆر توندو تیژ ئه‌بێت و هه‌موو شتێك ئه‌دۆرێنین , فرۆكه‌و رادیۆ ئێمه‌یان له‌ یه‌ك نزیك كرده‌وه‌ , سروشتى ئه‌و داهێنانه‌ له‌ پێناو چاكه‌ بوو , له‌ پێناوى یه‌كگرتن و برایه‌تى هه‌مووان بوو .
ده‌نگم ئێستا ده‌گات به‌ ملیۆنه‌ها كه‌س له‌سه‌رانسه‌رى جیهان , ملۆینه‌ها له‌و ئافره‌ت و پیاو و مندالانه‌ى كه‌ ژیانیان پڕ بوه‌ له‌ بێهوده‌ى , قوربانى ئه‌و رژێمانه‌ن كه‌ پیاوه‌كان ئه‌شكنجه‌ ده‌دات و بێتاوانه‌كانیش زیندانى ئه‌كات , بۆ ئه‌وانه‌ى گوێیان له‌ ده‌نگه‌مه‌ ده‌ڵێم ( بێ هیوا مه‌به‌ن ) , ئه‌و بێهوایه‌ى ئێمه‌ تیادا ده‌ژین ئه‌نجامى چاوچنۆكى بێره‌حمى ئه‌و پیاوانانه‌ كه‌ له‌ پێش كه‌وتنى مرۆڤایه‌تى ئه‌ترسن , كاتێك دێت ملهۆر و دیكتاتۆره‌كان ده‌مرن و ده‌سه‌ڵات ئه‌گه‌رێته‌وه‌ بۆ میلله‌ت , ئه‌و ده‌سه‌لاته‌ى كه‌ لێ دزرا بوو,ئازادى هه‌رگیز نامرێت .
ئه‌ى سه‌ربازه‌كان خۆتان ته‌سلیمى ئه‌و درندانه‌ مه‌كه‌ن كه‌ كۆیله‌تان ئه‌كه‌ن , ئه‌وانه‌ى كۆنترۆڵى هه‌ست و خه‌ون ژیانیان كردون و واتان لێده‌كه‌ن كه‌ گوێرایه‌ڵیان بن , ئه‌وانه‌ى به‌كارتان ئه‌هێنن وه‌كو سوته‌مه‌نى بۆ توندو تیژى .
خۆتان ته‌سلیمى ئه‌و دیكتاتۆره‌ نا مرۆڤانه‌ مه‌كه‌ن , ئێوه‌ ئامێر و ئاژه‌ڵ نین ـ ئیوه‌ مرۆڤن و مرۆڤایه‌تى له‌ ناو دڵتان هه‌یه ‌, ته‌نها رقتان له‌ كه‌س نه‌بێته‌وه ‌, سه‌ربازه‌كان مه‌جنگێن له‌ پێناوى كویله‌کردنى ئه‌وانى تر بجه‌نگێن له‌ پێناو ئازادى , ئیوه‌ گه‌لێكن هێزتان هه‌یه‌ , هێز و توانا له‌ دروست كردنى ئامێره‌كان , توانا له‌ دروست كردنى خۆشبه‌ختى , ئیوه‌ ئه‌و گه‌له‌ن كه‌ تواناتان هه‌یه‌ ژیان جوان كه‌ن و بیكه‌ن به‌ سه‌ره‌رۆیه‌كى قه‌شه‌نگ , به‌ ناوى دیموكراسیه‌ت با ئه‌و هێزه‌ به‌ كار بهێنین ـ با هه‌موو یه‌كبگرین , با خه‌بات كه‌ین بۆ جیهانیكى باشتر , جیهانێك شایسته‌ى ئه‌وه‌ بێت ده‌رفت بداته‌ گه‌لێك بتوانێت كارى تیا بكات و پاشه‌ رۆژى دابین بكات و پیریه‌تیت پڕ دڵنه‌وایی بكات , به‌ڵێن دان به‌هه‌موو شتانه‌ ئه‌بێت ئه‌و هه‌موو وه‌حشگه‌رایی بگۆرین بۆ خۆشه‌ویستى و ئازادى , دیكتاتۆره‌كان درۆ ئه‌كه‌ن كاتێك ئه‌و په‌یمانانه‌ت پێ ئه‌ده‌ن ته‌نها بۆ گه‌یشتنه‌ ده‌سه‌لاته‌ و هه‌رگیز وه‌فادار نابن به‌ په‌یمانه‌كانیان .
دیكتاتۆره‌كان خۆیان ئازاد ئه‌كه‌ن به‌ڵام میلله‌تێك ئه‌كه‌ن به‌ كۆیله , با ئێستا خه‌بات كه‌ین بۆ ئه‌وه‌ى ئەو په‌یمانانه‌ به‌ دى بهێنین , با خه‌بات كه‌ین جیهان رزگار بكه‌ین !!, با له‌و به‌ربه‌سته‌ نیشتمانیانه‌ رزگارمان بێت و با رزگارمان بێت له چاوچنۆكى و رق لێبوونه‌و ده‌مارگیرى , با خه‌بات كه‌ین بۆ جیهانێكى معقول تر به‌ مانا تر , بۆ جیهانێك كه‌ زانست و پێشكه‌وتن خۆشبه‌ختى بۆ میلله‌تان دابین بكات , سه‌ربازه‌كان به‌ ناوى دیموكراسیه‌وه‌ با یه‌ك بگرین .

بەکلیکێک لەسەر سمبولەکانی خوارەوە ، ئەم بابەتە بگەیەنە بە هاوڕێکانت

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت