ڕێبین نەریمان : ستراتيجيەتى بزوتنەوەى گۆران و ر‌ێكەوتنى لەگەڵ يەكێتى نیشتمانی کوردستان .

وتاریکورد ماڵپەرێکی سەربەخۆ و ئازادە

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

ئامانج و ستراتيجيەتى بزوتنەوەى گۆران بەدامەزراوەكردنى دامو دەزگاكانى دەوڵەت و پێش خستنى پرۆسەى ديموكراسى و دەستاودەستكردنى دەسەڵات له كوردستان هەنگاوى ناوه ، بۆ ئەم ئامانجه زور سازشو رێكەوتنى گەورەى كردووه ، پێش 2 ساڵ كاتێك بزوتنەوەى گوران رێكەوتنى لەگەل پارتى ديموكراتى كوردستان ئەنجام دا بەمەبەستى پێكهينانى حكومەت و خزمەتكردنى هاولاتيانى هەرێمی كوردستان و گەياندنى پەيامى نيازپاكى بزوتنەوەى گوران له ئاست پرسى سەروكايەتى هەريم و ديموكراسى به پارتى ديموكراتى كوردستان ، كه دواتر بەرزانى نەيتوانى ئەو نزيك بونەوەيه بقوزيتەوه بۆ دارشتنەوەى ياساى سەروكايەتى هەريم و يەكريزى مالى كورد له ئاست پرسه چارەنوس سازەكان و پەرەپێدانى پهەيوەنديەكانيان ، به پيچەوانەوه پارتى وەلاميكى خراپى گورانى دايەوه به دەركردنى وەزيرەكان و رێگرىكردن له سەرۆكى پەرلەمان ، له هەمان كات دا يەكێتى نيشتمانى كوردستان بزووتنەوەى گورانى تومەتبار دەكرد كه دژى يەكێتى ريێكەوتنى ئەنجام داوه .
پاش 2 سال بزووتنەوەى گۆران له گەڵ يەكيتى نيشتمانى كوردستان رێکەوتنى دەباشان ئەنجام دەدات به هەمان ئامانجى پيشوى لەگەڵ پارتى كه ( دارشتنەوەى ياساى سەروكايەتى هەريم و بەرەو پيش بردنى پرسى ديموكراسى و ريكخستنى مالى كوردە ) ، كه پارتى بەهەمان شێوەى يەكێتى ئەم رێكەوتنه بەدژايەتى ناو دەبات و خويندنەوەيەكى هەلەى هەيه بۆ رووداوەكان . پروسەى رێکەوتنى بزوتنەوەى گۆران و يه كێتى نيشتمانى كوردستان پێويستى به هەندێ هەنگاوى تەواوكارى هەيه لەسەر ئاستى ناوخۆو دەرەوه ، له ناوخۆى كوردستان دەبيت گفتوگۆ لەگەڵ لايەنەكانى تر بكريت تا پشتگيرى ئامانجه ستراتيجى و سەرەكيەكانى پاكێجى ريكەوتنەكه بەدەست بينن له پەرلەمانى كوردستان ، لەسەر ئاستى دەرەوه بەرچاوروونى بدريته وولاتانى روژئاوا كه ئەجێنداى ئێرانى له پشت رێكەوتنەكەوه نيەو چەواشەكاريەكانى پارتى وەلام بدرێتەوەو فشارەكان لەسەر پارتى زيادبكريت تا پەرلەمان و پروسەى ديموكراسى بخرێتەوه گەر به جورێك پارتى بێته ناو گەمەیەکی سیاسی و پروسەيەكى ديموكراسيەوه كه ئامادەكارى بكرێت بو هەڵبژاردنى داهاتوو . ئەگەر ئەم هەنگاوە تەواوکاریانە نەکرێت و رێگری لە پارتی نەکرێت بۆ دورکەوتنەوە لە تراژدیای ترسناک کە هەموو کات پارتى ديموكرات پەنای بۆ دەبات و خۆی پێدەپارێزێت ئەم رێکەوتنە هەموو ئامانجەکانی ناپێکێت لەوانەيه له ئايندەدا زۆنى نيلى و سەوز بكەويته مەترسيەوه ، هيوادارم پارتى دیموکراتی کوردستان رێگه چارەيەكى خراپى هاوشێوه ى 31 ئابى 1996 هەڵنەبژيرێت كه كۆى دۆزى كورد بخاته مەترسيەوه .

کلیک بکەرە سەر سمبولەکانی خوارەوەو ، ئەم بابەتە ئاشنا بکە بە هاوڕێکانت

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت