ستونی جەنگاوەرانی ئاپۆ : شەهید ویداد حسەین تۆڵەت دەکەینەوە .
وتاریکورد ماڵپەرێکی سەربەخۆ و ئازادە
ئەمڕۆ تەرمی شەهید ویداد حسەین دۆزرایەوە . شەهیدی جوانەمەرگ ، ڕۆژنامەنوس و گەنجێکی سەرسەخت بە دەسەڵاتی مافیای پارتی ، پاش ئەوەی چەند ڕۆژێک بوو لەلایەن دەزگای پاراستن و بەناو ئاسایشی دهۆک چەند جارێک ئاگادارکرابووە ، کە چیتر ڕەخنە نەگرێت لە پارتی و بارزانی . بەڵام ئەو ویژدان و ڕێچکەی ستونی دیموکراسی ، کەبەرپەرچی بێدەنگییە ، بەرنەداو بەردەوام بوو . بۆیە ئەمڕۆ دزو جەردەکانی پارتی و بارزانی زۆر ترسنۆکانە ڕفاندیان و هاوشێوەی جەلادەکانی بەعس و ئاخوندەکانی ئێران و تڕۆهات و مرۆڤکوژەکانی تورک ، جەستەکەیان بە شەوێنردراویی لەشووینیک فڕێدا .
لە ئێستادا شەهید ویداد بە جەستە لەناومان نەماوە ، بەڵام بیرو بۆچوون و خواستەکانی بەردەوامەو ، نامرێت . چۆن و چیمان بۆ بکرێت لەتۆڵەیدا ، هەنگاویی زۆر ورد و ژیرانە ئەنجام دەدەین . ئەو لەپێناو نیشتمان و نەتەوەو بیری ئاپۆیدا کۆتایی بەجەستەی هات .
هاونیشتمانیانی کوردستان ،
حیزب و لایەن و دەستەوگرووپی ئازادیخواز
ئێوە بەچاوی خۆتان دەبینین ، نێوانی مرۆڤکوژەکانی تورک و بنەماڵەی مافیاو ناپاکی بارزانی ، چۆن و بە چ شێوەیەک ستراتیژیان لەپێناو سەربەرزی تورک و زیندووکردنەوەی عوسمانییەت ، گرێداوە . ئەم هاوپەیمانییەی ماڵباتی بارزانی و میراتگرەکانی سوڵتان ، هیچ تارماییەکی بۆ سەربەرزی و بوونی کورد نەهێشتۆتەوە . ماڵباتی بارزانی لە ئێستادا بە دوو دیوودا خۆیان نمایش دەکەن ، لەبەرامبەر گێلەپیاو و نەخوێنەوارەکانی باشور و ڕۆهەڵات و ڕۆژئاوا و هەروەها بەشێک لەباکور ، وەک کوردی عەیارە 24 ن و ، بەڵام لە سەر پلێت جگە لە ستراتیژ و بوونیان وەک ناپاکی نیشتمانی هیچی تر نین .
بۆیە ئێمە داوا لە شۆڕەسوارانی پاتی کرێکارانی کوردستان ( پ ک ک ) دەکەین ، وەک ستراتیژییەتی نیشتمانی دەخوازێت ، نەک وەک بەزەیی و گوێدانە ڕەوش ، هەوڵ بدەن بەدەیان لێپرسراو و ئەندامانی گروپی مافیای پاراستن و کەسایەتییە گێلەکانی ناو ڕیزەکانی پارتی لەهەرێم و ڕۆژئاواو باکور بکەنە ئامانج ، مەهێڵن خوێنی گەشی کاکە ویداد وشک بێتەوە ، تۆڵەی بسێننەوە .
بە پێچەوانەوە ، بەرنامەی ورد و ژیرانە دادەڕێژین و لە هەر شووینێک پارتییەک یان دەروێشێکی ماڵباتی بەرزانیمان چنگ بکەوێت لەتۆڵەی کاکە ویداددا دەیگلێنین .
13 – 08 – 2016
دەستەی بەرێوەبەری ستونی جەنگاوەرانی ئاپۆ
هەولێر
وتاریکورد ماڵپەرێکی سەربەخۆ و ئازادە