شه‌ریف هه‌ژاری: ئایا ئاگاداری ئه‌م عیشق و خۆشه‌ویستییه‌ سیاسییه‌ تایبه‌تانه‌ش هه‌ن!؟

خۆشمەوێی هێندەی حەزی کورد بۆ موناقەشەی سیاسیی، خۆشمەوێی هێندەی بوونی کورد لەسەر فەیسبووک، خۆشمەوێی هێندەی نوقمبوونی پارتیی و یەکێتیی لە تاڵانیی سامانی وولآت، خۆشمەوێی هێندەی جیایخوازی پارتی بۆ بادینان، خۆشمەوێی […]
سمبولی تۆڕە کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت

خۆشمەوێی هێندەی حەزی کورد بۆ موناقەشەی سیاسیی،

خۆشمەوێی هێندەی بوونی کورد لەسەر فەیسبووک،
خۆشمەوێی هێندەی نوقمبوونی پارتیی و یەکێتیی لە تاڵانیی سامانی وولآت،
خۆشمەوێی هێندەی جیایخوازی پارتی بۆ بادینان،
خۆشمەوێی هێندەی حەزی حسک بۆ گوڵەخانە،
خۆشمەوێی هێندەی مەیلی گۆڕان بۆ گردەکە،

خۆشمەوێی هێندەی هەوڵی ئیسلامیی سیاسیی بۆ دەسەڵات و پارە،
خۆشمه‌وێی هێنده‌ی زۆربڵێی و نه‌بوونی كرداری یه‌كێتیی بۆ دژایه‌تیی گه‌نده‌ڵیی!
خۆشمه‌وێی هێنده‌ی حه‌زی مه‌سعود به‌رزانی بۆ كورسی سه‌رۆكایه‌تیی،
خۆشمه‌وێی هێنده‌ی زۆری خه‌وه‌كانی عه‌لی باپیر به‌ خالق و پێغه‌مبه‌رانه‌وه‌!
خۆشمه‌وێی هێنده‌ی پلانه‌كانی سه‌لاحه‌دین به‌هادین بۆ پۆستی ئه‌مینداری گشتی!
خۆشمەوێی هێندەی مه‌یلی وەزیرەکانی یەکگرتوو و كۆمه‌ڵ بۆ پۆست و ده‌سه‌لات،
خۆشمەوێی هێندەی نەریتی شیوعیی و کۆمۆنیست بۆ ئیدیعا،
خۆشمەوێی هێدەی عیشقی وەزیر و پەرلەمانتاری کورد بۆ بڕی مووچەکەیان،
خۆشمەوێی هێندەی نەبوونی مەعریفە لە زانکۆکانی کوردستان،
خۆشمەوێی هێندەی زۆری مامۆستای ‘شەهادە حیزبی’ لە زانکۆکانی کوردستان،
خۆشمەوێی هێندەی هەنسکی تەخەروجی زانکۆ بۆ دامەزران،

با پێت بڵێم: بەڕاست خۆشمەوێی !
هێندەی شەهید بۆ نیشتیمانەکەی،
هێندەی شۆڕشگێڕ بۆ یەکسانی،
هێندەی قاسملوو بۆ کوردستان.

سمبولی تۆڕە کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت
شەریف هەژاریی

ئەرشیڤی بەڕێز: شەریف هەژاریی