لاوک کونجرینی: خوێندنەوەیەک لەسەر نەوشیروان مستەفا.

لاوک کونجـــــــرینی

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

ماوەیەکە دەبینم هێلێکی ناڕازی لە ناو گۆڕاندا دەردەکەون، خوێندنەوەیەکی خراپ بۆ ڕەوشەکە دەکەن، تێگەیشتنیان، بۆ ئەم ڕەوشە گونجاو نییە. سەرپێیانە سەیریی ڕووداوەکان دەکەن.

لەتیلی چاوەوە، بۆ ئەوەی لە بێدەنگی نەوشیروان مستەفا بگەین، دەبێت بڕوانینە دوو پرسیار:

1- ئایا ئەمریکا بەڕاست بۆ ئازادی گەلانی عێراق و ناوچەکە هاتووە، یان بۆ لوشی گیرفان و پانتایی دەسەڵات.

2- ئایا ئەمریکا لەو شوێنەی دەستی بەسەردا دەگڕێت، هاوشێوەی عێراق و کوردستان، پارێزگاریی بەرژەوەندییەکانی لەباوەشی کەسانی دڵسۆز و نیشتمانپەروەرو کەسانی دادپەروەر و مرۆڤدۆست، یان لەکاسانی پیاوکوژ و نامرۆڤ و دزو درۆزن و ناپاک ڕێڕەو دەکات.

لە هەڵوێستەی ئەم دوو پرسیارەدا، وەڵامێکی سادەو ساکار و، لەگەڵ ئەوەشدا هەڵگریی بیرکردنەوەیەکی هۆشیارانە دەتوانێت بگات بەوەی ئەمریکا زیاتر لە پێنج هەزار کوژراو و، زیاتر لە 1500 ملیار دۆلار و هەموو تواناکانی وڵات بخاتە گەڕ، لەبەرچاویی کاڵی خەڵکی عیراق و کوردستان بێت و ، دیموکراسی و مافی مرۆڤ و سەروەریی دەسەڵات بنەخشێنێت. ئەمە چ گاڵتەجارییەکە، ج مەخسەرەیەکە؟.

گلاویی سیاسی، کەم ئەزموونەکانن کە دەستکەوتیی سیادی و مادیان پێ بەها نییە” میکاڤێل. ئەمریکا بۆ دەستکەوتی سیاسی و سیادیی و مادیی هاتووە، لەهەر شوێنێک چەقی دەسەڵاتەکانی گەمە بکات و لاگەریی دەستکەوتەکانی لووش بخوازێت، ئەمریکا هەموو هێزی بۆ دەخاتە گەر، وەک بۆ عێراق و ئەفغانستانی خستە گەڕ. دەکرێت هەندێک کەس ئەو پرسیارەی لا دروست بێت، بۆ ئەفگانستان؟. ئەفگانستان، پردی پەڕینەوەی چەند عێراقێکە تا ئەمریکا هێز و توناکانی پیا بگات. لە ئێستادا عێراق کۆتایی هات و ئەمریکا لێرە دەسەڵاتدارەو لەگەڵ ئەوەشدا چاوگی دووەمە بگات بە عێراقەکانی تر.

بۆ پشکی سەرکەوتنەکانی، ئەمریکا لەهەر ناوچەیەک پێویستی بەهێز و سەرکردەیەکە کە چۆن بەرژەوەندییەکانی بپارێزێت و لەهاتن و لە تموحی بگات، نەک چۆن وڵات بەرێکوپێکی و بە یاساو دەستپاکی و یەکسانی و بیرکردنەوە بۆ باشکردنی گەل و وڵاتەکەی خۆی بخاتە گەڕو بەرێوەی ببات.

ئەمەی سەرەوە وەڵامدانەوەو شیکارییەکی سادەیە بۆ تێگەیشتن لە ئەمریکا بۆ عێراق. بەڵام ئەوەی لای ئێمە گرنگە ئایا چ هێزو سەرکردەیەک لە هەرێم و عێراق دەستپیس و ناپاک و هەڵسوڕاویی بەرژەوەندییەکانی ئەمریکایە؟.

لەدوای ڕاپەڕینەوە، پارتی هیج نەبوو، هێزێک بوو لەچاو پێوانەو کێش و بارگراون و هەگبەی سەربازی و جەماوەری یەکێتییەوە، بەڵام بوونی هەبوو. ئەم بوونە هۆکاریی بەهانەی سیاسی ئیران و تورکیاو عێراق و بەرژەوەندی ناوچەکانی دەوروبەرو ڕایەڵەکانی دەرەوەی ناوچەکە بوو، بۆیە بەپاڵپشتی ئەوان هاتە پێشەوەو بەهەموویان کردیانە هێزێکی سەرەکی و، بووە نەیاریی سەرسەختی یەکێتی و توانی لەرێی تەزویرو خۆئامادەکردنی هەموو داگیرکەران، لەسەر تەنافی ئامادە، گەر یەکێتی بەتەنها بیباتەوەو بەرنامەکەی سەربگرێت، ئەوا ڕێسەکە بکرێتەوە بەخووری. بۆیە ئەندیازیاری ڕاپەڕین هۆشیارانە ڕەوشەکەی هێورکردەوەو بەناچاریی یەکێتی 50 بە 50 ی قبوڵ کرد.

ئەم ئامادەییەی حەشووەکانی بەرژەوەندیی، لە شەڕی ناوخۆدا بە ئاسانی دەرکەوت. لە جەولەی یەکەمدا ئێران هاتە سەرخەت و بە کاتوێشاو تۆپەکانی بەشداریی بەرەکانی شەڕی قەلادزێی و ناوچەکانی هەورامان و هەڵەبجەی کرد، پاشان عێراق هاتە ناوەو 31 ئابی خوڵقاند، ئینجا تورکیا هێزەکانی جێگیرکردوو پاشان بە 600 تانک و زرێپۆشەوە بەشداریی تێکشکاندنی هێزەکانی یەکێتی کرد لە ناوچەی سۆران تا شەقلاوەو بالیسان. بێدەنگی ئەمریکا لەو نێوەندەدا ئەوەمان پێدەڵێت: هیج هێزێک لەهاتن و گەڕانەوەدا، بەشداریی کردنیان لەپاڵپشتی پارتی لەشەڕەکان، بێ کارتیی سەوزی ئەمریکا نەبووەو نابێت.

لەئێستادا بنەماڵەی بەرزانی حاکمی هەرێمن و هێزەکانی تریش لەململانییەکی سەرابیدان و چاوڕێی ڕەوشێک دەکەن، ئاشەکە بە ئاویی ئەوان گەڕ بخوات.

گەر ئەمریکا بۆ دیموکراسی هاتبێت بۆ عێراق و هەرێم، چۆن ماوە دەدات پارتی بەدڵی خۆی دەرگای پەڕلەمان دابخات؟.

گەر ئەمریکا بۆ ئازادی گەلانی عێراق هاتبێت، چۆن ماوە دەدات دەسەڵاتی کوردی ڕۆژانە دەیان کەس بەڕەفتاری تیرۆریستانەو بەسیاسەتی برسیکردن بکوژێت؟.

گەر ئەمریکا بۆ خۆشگوزەرانی و سەروەریی هەرێم و عێراق هاتبێت، چۆن دەسەڵاتێک بەڕۆژی رووناک تاڵانی هەرێم دەکات و بەدڵی خۆی پێشەلکاریی ڕەوشتی دەکات؟.

کەواتە لەهەموو ئەم پشکانە ئەمریکا باڵا دەستەو ئەوە، ئەوە رێدەدات پارتی و بنەماڵەی بەرزانی وابن و وا بکەن.

کەواتە نەوشیروان مستەفا لە کوێی ئەم ململانیانەوەیە؟

چۆن دەتوانێت ئەوەی دەخوازێت لە گۆڕانکاریی، چی دەگۆڕێت و لەبەرەنگاریی کام کێویی لادەرو سەرەڕۆ و، گۆڕینی سیستەم و وە گەرخستنی دەسەڵاتێکی خوازیاردا تواناکانی وەگەر دەخات و سەرکەوتو دەبێت.

هێڵی گەیشتن بە تێگەیشتن لەم ڕەوشە:

1- لە سیاسەتدا هاوڕێی تاسەرنییەو، ژێرخانی تێگەیشتنی کۆمەڵگاش، بیرۆکەی سیاسی و رەفتاریی ئەمریکا دەگۆڕێت، بۆ نمونە: ئەمریکا هاوشێوەی کوردستان و عێراق ناتوانێت ڕەفتار لەگەڵ دەسەڵات و گەلی کۆریای باشور و ئەڵمان و یابان بکات.

2- ئەمریکا و ئەوانەی لە فیگوریی دەسەڵاتی کلاسیکانەی ئاسیا دەگەن، لەوە دەگەن بەنەمانی مەسعوود بەرزانی بۆشایی دەسەڵات دروست دەبێت و، هەڵەیە بڵێیت نەوەکانی جێگای دەگرنەوە.

کەواتە گەلەکەمان زەحیەی دەستی بنەماڵەیەکن و بنەماڵەی بەرزانیش زەحیەی نێو بەرژەندییەکانی ئەمریکا، چوونکە کەی ئەمریکا بەرژەوەندی لەگەڵ بەرزانی نەما، ئەوا وەک لاکە گۆشت بەگورگان خواردی دەدات.

ئەم سینارۆیانە لای نەوشیروان مستەفا بۆتە بەشێک لە ئەزموون، چۆن چۆنی لەڕاپەڕیندا پارتی و بەرزانی، نەک ڕستەیەک نەبوون، بگرە خاڵێکیش نەبوون. بەناچاریی لەپێناو بەرژەوەندییەکانی کوردا پێش خۆیدا. چۆن چۆنی لەهەڵبژاردندا بەڕاشکاوانە بە پاڵپشتی سەدام و تورکیا و ئێران، بەگزیی زۆرینەی دەنگەکانی هێناو، لەبەر بەرژەوەندی کورد قبوڵی کرد.

کەواتە بۆ ئەوەی لەمڕۆیی نەوشیروان بگەین:

1- دەبێت خوێندنەوەمان بۆ پارتی و بنەماڵەی بەرزانی هەبێت، ڕەوشی کورد بەبێ باڵادەستی ئەوان، لەو تونێلەوە دەڕوات کە بیرکردنەوەی ئەوان تیا گەشوونما دەکات وەک: گەر شۆڕشمان بۆ نەکرێت، ئەوا دەتوانین تێکی بدەین.

2- دەبێت لەوە بگەین ئەمریکا بۆچی هاتووەو لەگەڵ کێ بەرژەوەندیەکانی ڕێدەکات، لەگەڵ بنەماڵەی بەرزانی، کەتامەزرۆیی دەسەڵاتن و بەخوێن دەیپارێزن. یان لەگەڵ نەوشیروان مستەفا، کە جەستەی دەکاتە مۆم بۆ ڕووناکی شەوەزەنگی کۆمەڵگا.

ملنادەین لە خەباتی ڕەوامان، بۆئەوەی هاوتا نەبینەوە لەمێژوودا بە دوژمنەکەمان| قاسملۆی سەرکردەو نەمر. ئەمە ئەو ڕێچکەیەیە کە نەوشیروان مستەفا ڕووەو بەدیهێنانی ئامانجەکانی بۆ بەزێرینکردنی ئامانجی گەلەکەی ڕێ دەکات.