بەهرۆز گەڵاڵی: وەڵامێكی كورت بو كاك حەمە ئاوات مەعروف.

سمبولی تۆڕە کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت

وا دیارە بەداخەوە تۆ لە وەڵامی من بۆ مەلا بەختیار تێنە گەیشتویت !

من باسی كومیتەی هەرێمەكان و شەرعی و نا شەرعییبونی ئاڵای شورش و زۆر شتی ترم نە كردووە، كە جەنابتان ئاماژە تان بۆ كردون . من باسی كەسێكم كردووە ناوی مەلا بەختیارە.

بەندە رەخنەیەكی ئاسایم لێگرت، كەچی ئەوهات بە جنێو و ئیتیهامات و تەشیركردن، وە ڵامی منیدایەوە. بێگومان منیش وەڵامم دایەوە. هیچ كاتیكیش لە دیدی منەوە نەناوبراو وە نە میژووە كەشی پیرۆزییەكانی شورش نەبوە و نیە و نابێ ! راستدەكەی من هەرگیز باسی پیرۆزییەكانی شورشم نەكردووە. چونكە ئەو كەسەی تۆ بە پیرۆزی دەزانی ، لای من هیچ پیرۆز نیە.

ئەگەر باسی كەسایەتی و پیرۆزیە كانی شورش بكەم بێگومان باسی مام جەلال دەكەم، باسی عەبدوللە ئوجەڵان دەكەم، باسی نەوشیروان دەكەم، باسی شەهیدە كان دەكەم، هەر لەعەلی عەسكەری و دكتور خالیدو حسین بابە شێخ و رەسول مامەندو عەلی هەژارو كاردو گەڵالی و ئارام و شە هید شیهاب و هەڤاڵەكانی و ئیبراهیم عەزو لەیلا قاسم، وەرە وە بۆ روژهەڵات، قاسملو و شەرەف كەندی. هەروەك باسی تەواوی فەرماندە و پێشمەرگە شەهیدە كانمان دەكەم، باسی هەڵەبجە و ئەنفال دەكەم؟ ئەمانە پیرۆزن، شەهیدەكان پیرۆزن.

هەرگیز بۆ من مەلابەختیار پیرۆز نیە. بێگومان بەندەش هەقی خۆمە پارێزگاری لە خوم بكەم. بۆیە زۆر ئاساییە و رەوایە، وەڵامی هەموو كەسێك بدەمەوە كە بێویژدانانە و بەبێ بەڵگەی راست و دروست تیرو توانج و ناوو ناتورەمان بۆ دروست دەكەن. رەنگە لای تۆ پیرۆزی شورش ئەو كەسە بێت كە تۆ باسیت كردوە یان هاوریت بوبێت. بەڵام لای من پیرۆزی شورش ئەو كەسایەتیی و ریكخستن و لایەنانەن كە باسمكردن و هەریە كە بەجۆریك لە جۆرەكان لە خزمەتكردنی كومەڵانی خەلكی كوردستاندا بون و قوربانییانداوە، پێشموایە ئەو وەڵامە كورتە بەسە بۆ جەنابتان.