دوکتۆر محەمەدئەمین عەلی: کەلاوەیەک پڕ لەجەهل و گومان (پیشەسازى نەزانى ). بەشى حەوتەم.

Avatar photo

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

هاوکات لەگەڵ باڵادەستى جیهانى سەرمایەدارى ڕۆژئاوا، چەمکەکانى ئازادى، دیموکراسى، مافى مرۆڤ و شارستانى مرۆڤایەتى وەک فشارێک بەکار ئەهێنرێت بۆ وروژاندنى بارودۆخى سیاسى و ئابوورى و کۆمەڵایەتى و ڕۆشنبیرى ناوخۆى وڵاتان و میللەتانى جیهان لەپێناو دژایەتیکردن و بەچوکدادانى سیاسیە نیشتمان پەروەرە دڵسۆزە ڕاستەقیەنەکان و پشتگیرى بەناو سیاسیە سەرمایەدارە قەزمە بچوکەکان و کردنیان بەئامڕازیک لەئامڕازەکانى پیشەزانى جەهل وگومان.

بەگەڕانەوە بۆ هەردو چەمک و گەشەى دیموکراسى و جیهانگیرى (گلوبالیزم) ئەگەینە ئەو وەڵامەى کێ لەجیهاندا لەپشتى ئامیرەکانى پیشەسازى جەهل و گومانەوەیە، کێ بازرگانى پێوەدەکات؟ وە لە بەرژەوەندى کێ دایە؟.

جیهانگیرى یاخو گلۆبالیزم ( Globalization)، پرۆسەیەکى کارلێکردنى گشتگیرە لەنێوان خەڵک و کۆمپانیاو حکومەتە جیاوازەکانى جیهان بەمەبەستى کۆنترۆڵکردنى وەبەرهێنان و بازرگانى نێودەوڵەتى، ئەکرێت ناوى بنێین پرۆسەى توانەوەو نەهێشتنى سنورى نێوان نەتەوە جیاوازەکانى جیهان و بچوککردنەوەى لەگوندێکى گەردونى لەلایەن سەرمایەدارە سیاسى و کۆمپانیا نیودەوڵەتیەکان لەسەر بنەماى زانیارى و پەرەسەندنى تەکنۆلۆژیاى پەیوەندى و ڕاگەیاندن و گواستنەوەى سەردەم بەمەبەستى کۆنترۆڵکردنى ئابوورى جیهان، دواتر گواستنەوەى کلتورو بیروبۆچون و ڕۆشنبیرى و شێوازى ژیانى ئەمەریکى و ڕۆژئاوایى، وە لەهەمان کات زاڵبوونى بەسەر کلتورو بیروبۆچون و ڕۆشنیرى و شێوازى ژیانى کۆمەڵگا جیاوازەکانى دى جیهان، لەڕووى سیاسى سەربازى کۆمەڵایەتى ڕۆشنبیری و میدیا و ڕاگەیاندنەوە.

لەوەڵامى پرسیارێک ئایا هیچ جیاوازیەک لە نێوان جیهانگیرى و جیهانى دا هەیە؟.

هەندێک لەبیرمەندان لەو بڕوایەدان، کە جیاوازییەکى بنەرەتى لەنێوان جیهانگیرى و جیهانى دا هەیە، ناتوانین بڵێین هەردووکیان یەکن، جیهانى بەواتاى لێخشان و کارلێکردنى سەرجەم چین و توێژەکانى میللەتانى جیهان دێت بەمەرجى ئازادى و هێشتنەوەى بیرکردنەوە و تایبەتمەندێتى نەتەوەیى و ڕۆشنبیرى، واتا بەبێ لەدەستدانى ناسنامەى نەتەوەیى بەڵام لە جیهانگیریدا نەتەوە ناسنامەى خۆى لەدەست ئەدات و ئەتوێتەوە.

بۆ خوێندنەوەی تەواوی بابەتەکە کلیک بکەرە سەر کەلاوەیەک پڕ لەجەهل و گومان

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت