turkey-isis-cartoon

محەمەد هەریری: تورکیا و داعش، هاوپەیمانی دوو ئەهریمەن لە دژی کورد.

Avatar photo

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

لە سەروبەندی دوواین ڕۆژەکانی داعش وەک هێزێك لەسەر زەوی، ئەو پەیوەندییەی نێوان داعش و تورکیا هێندە ‏ئاشکرا و زانراو بووە، هەتا خەڵکی ئاساییش وەك هەقیقەتێکی زیندووی ڕۆژانە دەیزانێت، بە تایبەتی خەڵکی سەر ‏سنورەکانی نێوان تورکیا و سوریا. ئەوانەی نکوڵی دەکەن و چاویان ئەو پەیوەندیە نابینن یان درۆ دەکەن نایانەوێ ‏بیبینن، یانیش لە ساویلکەیی خۆیان و تێنەگەیشتن لە سروشتی دیکتاتۆریانەی خۆرهەڵاتی ناگەن کە ئەردۆگان ئێستا لە ‏لوتکەی ئەو دیکتاتۆرانەدایە، لە ژێر پەردەی دیموکراسیەت تورکیا و ناوچەکە و گەلی کورد بەرەو شەڕوماڵوێرانیەکی ‏زۆر سەخت دەبا.‏
بەڕاستی مرۆڤ سەیری بە ساویلکەیی هەندێ نووسەری گەورەی ڕۆژنامە ناودارە گەورەکان دێ، کە باس لە ‏پەیوەندی تورکیا یان ئەردۆگان لەگەڵ داعش دەکەن وەك بڵێی دژایەتی و لێکدانیشی تێ دەکەوێت!‏
جیهان هەمووی ئاگاداری یارمەتیەکانی تورکیا بوو بۆ داعش لە شەڕی کۆبانێ و چۆن سوپای تورکیا بە چنگ و نینۆك ‏یارمەتی ئەو وەحشە بەشەرییانەی دەدا! چۆن دەکرێت لە بنەڕەتدا دەوڵەتێکی بەناو سێکیولار هەتا بێلایەن بێت لە ‏شەڕێک لە نێوان تیرۆرستان و لایەنێکی مەدەنی سێکیولار لە مافی خۆیان زیاتر هیچیان لە جیهان ناوێ؟!‏
بۆ نمونە پەیامنێری نیۆرك تایمز روکمینی کالیماچی‎ Rukmini Callimachi ‎‏ لە ئەنقەرە دەڵێت: نازانین ئەوەی تورکیا ‏دەیکات تەنها چاوپۆشینە لە داعش یان یارمەتی دانە!‏
بەڵام هەر خۆشی دەڵێت: ئەوانەی داعش ڕایان دەکێشێتە ناو ڕیزەکانی بەوپەڕی ئازادییەوە بە تورکیا هاتوچۆ دەکەن!‏
داعش کەل و پەلی خۆی دەهێنێت لە ڕێگای تورکیاوە، هەتا چەك و تفاقیش. زامدار و نەخۆشەکانیان دەچنە تورکیا بۆ ‏وەرگرتنی چارەسەر، پارە و یارمەتیان بۆ دێت لە ڕێگای وێسترن یونیەن لە نووسینگەکانی باشوری تورکیا!‏
ئەگەر بەو هەموو زانیاریەوە هیشتا نەزانی ئەوە یارمەتی دانە نەك چاوپۆشینێکی ئاسایی ئەوە چۆن پەیامنێرێکی ئەو ‏ڕۆژنامەیە ناودارەیت؟!‏ ‏ [١]‏
لە تورکیا شتێکی تریش هەیە کە ئەو نووسەر و پەیامنێرانە درەنگ تێیدەگەن، ئەویش ئەوەیە پێیان باوەڕناکرێت ‏دیکتاتۆرێکی نمایشکاری ئەکتەری فاشیلی وەك ئەردۆگان، خۆی سیناریۆی کاری تووندوتیژی بە هەماهەنگی لەگەڵ ‏داعش دروست دەکات لە دژی هاوڵاتی خۆیی بە تایبەت دژی کوردەکان! بۆیە هەتا ئەو تەقینەوانەی دژی کوردیش کرا ‏لە سروجی و ئەستانبۆڵ، بە شەڕی نێوان داعش و تورکیای حسێب دەکەن!‏
ئەردۆگان لە پێناو سەرکەوتنی پلانە چەواشەکارەکانی گوێ ناداتە ئەوەی هەزاران لاوی تورکیش بگرێت و بکوژێت، ‏وەك لە کودەتا شانۆگەریەکەی کردی و سەرباز نەما هەتا دەستدرێژی سێکسیشی نەکرێتە سەر! یان لە تەقینەوەی ‏فڕۆکەخانەی ئەستانبۆڵدا کە بۆ ڕاکیشانی سۆزی جیهانی بوو بۆ ئەردۆگان وەك قوربانیەکی دەستی تیرۆریزمی داعشی ‏خۆی نیشاندەدا.‏
خەریکە ئەو پەیوەندییە لای خۆرئاواش ئاشکرا دەبێت لە ڕاپۆرتێکدا بە ناونیشانی: بەرپرسێکی خۆرئاوایی گەورە ‏پەیوەندیەکانی تورکیا و داعش ئێستا ناکرێت نکوڵیان لێبکرێت!‏Senior Western official: Links between ‎Turkey and ISIS are now ‘undeniable’ ‎
دەڵێت: مارتن چۆلۆڤ لە ڕۆژنامەی گاردیانی بەریتانی بەو دواییە لە ڕاپۆرتێکدا گووتی لە هەڵمەتێکی سوپای ئەمریکی ‏بۆ سەر نووسینگەکانی بەرپرسە دراویەکانی داعش بەڵگە و دۆکیومنتی وا کەوتنە بەردەست دەیسەلمینن کە بەرپرسانی ‏تورك ڕاستەوخۆ لە پەیوەندی دان لەگەڵ بەرپرسانی باڵای داعشی وەك ئەبو سەیاف کە گەورە بەرپرسێکی دراوی ‏داعش بوو ولەو کردەیەش کوژرا!‏ ‏ [٢]‏
لە جانیوەری 2014 ڕۆژنامەی جمهوریەت دەیلی ‏Cumhuriyet daily‏ ڕاپۆرتێکی بڵاوکردەوە بە بەڵگەی ڤیدیۆیی و وێنە ‏لەسەر ئەو چەکانەی تورکیا بۆ قاعیدە و داعش و باقی گروپە توندڕەوەکانی سوریای ناردبوو، کە لە جیاتی دەستخۆشی سەرنووسەری ‏ڕۆژنامەکە جان دوندار لێکۆڵینەوەی لەگەڵ کرا و سزا درا بە تۆمەتی پێشێلکردنی یاسای دژە تیرۆر. لە دوای ئەو ئاشکرا بوونە هەموو ‏ئەوانەی ئەو بارە چەکەیان ئاشکرا کرد 4 لەو ئۆفیسەرانەی سوپا گیران و سزا دران بە تۆمەتی ئەوەی دەیانەوێت ئارامی وڵات بشێوێنن ‏و پیاوی فەتحوڵلا گولەنن، 30 تریش لە ژێر لێکۆڵینەوەن و دەرکران لە کارەکانیان و تۆمەتی هەوڵی وەرگێڕانی ڕژێمی سیاسی ‏تورکیایان خرایە پاڵ!‏ ‏ [٣]‏

‏[١]‏https://www.pri.org/…/turkey-s-complicated-relationship-isis
June 30, 2016 , By Christopher Woolf ,‎‏ ‏Turkey’s complicated relationship with ISIS

‏[٢]‏http://uk.businessinsider.com/links-between-turkey-and-isis…
Senior Western official: Links between Turkey and ISIS are now ‘undeniable’‎
By: Natasha Bertrand

‏[٣]‏http://www.ibtimes.co.uk/turkey-newspaper-investigated-publ…
Turkey: Newspaper investigated for publishing ‘evidence of weapons shipments to Syrian rebels’ by Umberto Bacchi
No automatic alt text available.

 

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت