دکتۆر کەمال میراودەلی: دەربارەی ڕیفراندۆم. سەرەتاو پرۆسە و شەرعییەت و  ئاکامە چاوەڕوانکراوەکانی.

سمبولی تۆڕە کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت

دەقی تەواوی چاوپێکەوتنەکەی ئاوێنە

سوپاس بۆ برای بەرێز کاک کاوە ڕەش پەیامنێری ئاوێنە لە لەندەن، کە دەستپێشخەری بۆ ئەم چاوپێکەوتنە کرد و بۆ هاوڕێیانی ئاوێنە، کە بڵاویان کردەوە. لە ئاوێنە کەمێک کورتکرابۆوە کە ئاسایی بوو، لێرەدا دەقی تەواوی چاوپێکەوتنەکە وەک بەڵگەنامەیەکی مێژوویی لێرەدا و  لە  سایتی [ وتاری کورد] ی ئازیزدا بڵاو دەکەمەوە.

ئاوێنە: سەرنجی ئێوە دەربارەی ڕیفراندۆمی هەرێم چییە؟

زۆر سوپاس بۆ ئەم دەرفەتەو سڵاوی خۆشەویستی لە خوێنەرانی ئاوێنەی ئازیز.

پێشەکی سەرنجەکانم دەربارەی ڕیفراندۆم خۆی وەک ڕێفراندۆم: وەک پرۆسە دەردەبڕم.

وەک پرۆسە:

1- نادروستیی تەوقیتەکە:

 شەڕی داعش تەواو نەبووە، ڕقی سوننی – شیعی قووڵ و گەورەیە بە تایبەتی دوای گرتنەوەی موسڵ بە وێرانکردنی، بۆیە هاروژاندنی مەسەلەی جیابوونەوە لەم کاتەدا گومانی نییە دەوری ئەوە دەبینێ ڕقی نەتەوەیی بخاتە جێی ڕقی تایەفی و بەرامبەر کورد یەکبگرن. جگە لەمەش شەڕی حەوێجە کورد دەخاتە ڕەوشێکی سەختەوە لە نێوان داعش و حەشدی شەعبیدا. تەوقیتێکی زۆر هەڵەیە. عێراق پێویستی بە کاتێکی ئارامبوونەوەو ئاوەدانکردنەوەی دوای جەنگی داعشە، ئاوەدانکردنەوەی موسڵ و شارۆچکەکان، دەبوو خەمی ئێستای ئێمە:

 گەرانەوەی ئەو ملیۆن  و نیو عەرەبەی لە کوردستانن بۆ شوێنی خۆیان بووایە، گەڕانەوەی خەڵكی شەنگال و ئاوەدانکردنەوەی، ئاشکرا کردنی چارەنووسی ژنە کوردە ئێزیدییە دیلەکان و ئازادکردنیان و ئەوسا ئامادەکردنی پرۆژەیەکی کۆنفیدرالی بە هاوکاریی ئەمریکا، نەک جیابوونەوە چونکە ئەو وشە هەستیارەو بەسەر کوردا دەشکێتەوە.

بۆ خوێندنەوەی تەواوی بابەتەکە، کلیک بکەرە سەر دەربارەی ڕیفراندۆم