دکتۆر حوسەین محەمەد عەزیز: کاره‌ساته‌کانی ئه‌م دواییه‌ی باشووری (کوردستان).

يَا رَبْ سَاعِدني، عَلى أنْ أَقُولَ كَلِمَةَ الحَقْ، في وَجهِ الأقويَاء، وأنْ لا أَقول البَاطِلَ، لأكسِبْ تَصفيَق الضُعَفاء. (جُبران خَليل جُبران) منیش ده‌ڵێم: خوایه‌ جه‌ساره‌تم بده‌یتێ، هه‌ر راستیی بڵێم، وه‌ک […]
بۆ ناردنی ئەم بابەتە بۆ سەر فەیسبووکەکەت یان هاوڕێکانت کلیک بکەرە سەر ئەو سمبولانە

يَا رَبْ سَاعِدني، عَلى أنْ أَقُولَ كَلِمَةَ الحَقْ، في وَجهِ الأقويَاء، وأنْ لا أَقول البَاطِلَ، لأكسِبْ تَصفيَق الضُعَفاء. (جُبران خَليل جُبران)

منیش ده‌ڵێم: خوایه‌ جه‌ساره‌تم بده‌یتێ، هه‌ر راستیی بڵێم، وه‌ک له‌ که‌س نه‌ترساوم، له‌ که‌سیش نه‌سڵه‌مێمه‌وه‌!
(1)
دووبه‌ره‌کیی و ناپاکیی
ئه‌م دوو زاراوه‌یه‌ له‌ مێژووی نه‌ته‌وه‌ی کورددا، لای هیچ کوردێک و نووسه‌رێکی بیانیی، نامۆنین. وه‌ک خۆراکێکی ڕۆژانه‌ی، ژیانی نه‌ته‌وه‌که‌ی لێهاتووه‌. چونکه‌ باوه‌ڕناکه‌م، له‌ جیهاندا هیچ نه‌ته‌وه‌یه‌ک هه‌بێ، هێنده‌ی نه‌ته‌وه‌ی کورد، له‌ نێوخۆدا ناکۆک و ناته‌با بێ، شێتوشه‌یدای دووبه‌ره‌کیی و ناپاکیی بێ. لاپه‌ڕه‌ له‌خۆێنهه‌ڵکێشراوه قێزه‌ونه‌ پڕ له‌ شه‌رمه‌زاییه‌‌کانی مێژووی نه‌ته‌وه‌ی کوردیش، گه‌واهی ئه‌م بۆچوونه‌مان بۆ ده‌ده‌ن!
هه‌ڵبه‌ته‌ زۆر جار، له‌ ئه‌نجامی ناکۆکیی و دووبه‌ره‌کیدا، جه‌نگێکی خوێناویی کورت یا درێژخایه‌نی لێکه‌وتووه‌ته‌وه‌. هه‌ر کاتێکیش، یه‌کێ له‌ لایه‌نه‌ ناکۆک و شه‌ڕکه‌ره‌کان، توانای به‌رگریی و خۆڕاگرتنی نه‌مابێ، تێکشکابێ و ئومێدی سه‌رکه‌وتنی نه‌بووبێ، له‌بری ئه‌وه‌ی زمانێکی هاوبه‌ش، له‌گه‌ڵ یه‌کدی بدۆزنه‌وه‌ و کۆتایی، به‌ ئه‌و جه‌نگه‌ قڕێژه‌ بێنن، له‌نێوخۆیاندا ڕێککه‌ون و ئاشتبنه‌وه‌، په‌نایان بۆ له‌شکری داگیرکه‌رانی (کوردستان) بردووه‌ و هێنده‌ی دیکه‌، یه‌کدیان خه‌ڵتانی خوێن کردووه‌، له‌پێناوی به‌رژه‌وه‌ندییه‌ چه‌په‌ڵ و ته‌سکه‌کانی خۆیاندا، ڕۆڵه‌کانی کوردیان به‌ خۆڕایی به‌ کوشتداوه‌!
له سه‌رتاسه‌ری‌ مێژووی کۆن و نوێماندا، گه‌لێ نموونه‌ی دووبه‌ره‌کیی و ناپاکیی هه‌یه‌، ده‌توانم، زۆر نموونه‌ بێنمه‌وه‌، هه‌ر له‌ ماده‌کانه‌وه‌ بیگرم، تا دوا ده‌سه‌ڵاتی بابانه‌کان (1851) باسکه‌م، که‌ هۆی سه‌ره‌کیی ڕوخان و له‌نێوچوونی ده‌سه‌ڵاتی ‌ئه‌و ده‌وڵه‌ت و میرنشینه‌ کوردییانه‌، به‌ پله‌ی یه‌که‌م، بۆ دووبه‌ره‌کیی و ناپاکیی ده‌گه‌ڕێته‌وه‌! *
شاراوه‌ش نییه‌، زۆر جار داگیرکه‌رانی کۆن و نوێی (کوردستان)، ڕۆڵێکی زۆر مه‌زنیان، له‌ قووڵکردنه‌وه‌ی ئه‌و ناکۆکیی و دووبه‌ره‌کییانه‌ی، نێوان تیره‌ و هۆز، ده‌سه‌ڵات و پارته‌کاندا بینیوه‌، کارێکی زۆریان له‌ هه‌ست و هۆشی، ڕۆڵه‌کانی نه‌ته‌وه‌ی کورد کردووه‌، قاچیان به‌ره‌و لێواری، که‌نده‌ڵانی دووبه‌ره‌کیی و ناپاکیی نه‌ته‌وه‌یی هه‌ڵخلیسکاندوون، پشتیان له‌ نه‌ته‌وه‌ و نیشتمانه‌که‌یان کردووه‌، دژی ڕۆڵه‌کانی نه‌ته‌وه‌که‌ی خۆیان، ده‌سی یارمه‌تی ناڕه‌وایان، بۆ دوژمنان و داگیرکه‌رانی نیشتمانه‌که‌یان درێژکردووه‌. زۆر پێده‌چێ، دیارده‌‌ی دووبه‌ره‌کیی و ناپاکیی، دیارده‌‌یه‌کی بۆماوه‌زانیی بێ، له‌سه‌ر جییناته‌کانی نێو کڕۆمۆسۆمه‌کانی نه‌ته‌وه‌ی ‌کورد چێنرا‌بێ!
‌* سه‌باره‌ت به ناکۆکیی و دووبه‌ره‌کیی و ناپاکیی، له‌ مێژه‌ خه‌ریکم، زانیاریی مێژوویی و زانستانه‌ کۆده‌که‌مه‌وه‌، تا له‌ ئایینده‌یه‌کی نزیکدا، له‌ دووتوێی په‌رتووکێکدا چاپیکه‌م.

‌بۆ خوێندنەوەی تەواوی بابەتەکە، کلیک بکەرە سەر کاره‌ساته‌کانی ئه‌م دواییه‌ی باشووری (کوردستان)

بۆ ناردنی ئەم بابەتە بۆ سەر فەیسبووکەکەت یان هاوڕێکانت کلیک بکەرە سەر ئەو سمبولانە
دوکتۆر حوسێن محه‌مه‌د عەزیز

ئەرشیڤی بەڕێز: دوکتۆر حوسێن محه‌مه‌د عەزیز