کوێستان نەجمەدین: ئایا بەهەشت لە ژێر پێی دایکانە؟

سمبولی تۆڕە کۆمەڵایەتیەکان کلیک بکەو، ئەم بابەتە بنێرە بۆ بەشی خۆت یان هاوڕێکانت

بڕوانە پەڕتووکی مافەکانی ئافرەت لەئیسلامدا،ئایا مافەکانی ئافرەت مافی کۆنەپەرستن یاخوود هاوچەرخن؟ ئەگەر تەماشای ئیسلام بکەیت و بە وردی لە کرۆک و ناوەڕۆکی تێبگەی دەبینی کە ئیسلام بە چەندان سەدە لەمەوبەر مافی بە ئافرەت نەک هەر ڕەوا بینیوە بگرە دەیان پلەی بەرزی پێ بەخشیوە،وەک بەهەشت لە ژێر پێدابوون،ئەمە ئیمانداران و باوەڕپیکراوانی ئیسلامگەرا و تەنانەت چەمکی دەقەکانی قورئانیش بەم شێوازە شیکردنەوەی بۆدەکات و ئیماندارانی ئیسلام لێدوانی لەسەر دەدەن.!ئەگەرچی ڕەخنە لەئاین و تێگەیشتن بۆ چەمکی دەقەکانی قورئان هێڵی سورن، بە پێچەوانەوە مرۆڤ دەبێت مافی خۆی دیاری بکات و تەنانەت مرۆڤ لەسەر بیر و ڕای جیاواز لەدایک دەبێت و پێگەی خۆی لە نێوکۆمەڵگەدا دیاری دەکات و مافی ئازادی بە خۆی ڕەوادەبینێت و ئازادە لەوەی ڕەخنەی بۆ هەر شتێک هەبێت کە گومانی لێ بێت.!
پیاچونەوە و تێگەیشتن بۆدەقەکانی قورئان،جۆرێک لە دوبارەکردنەوە و لاسایی کردنەوەیەکی تیا بەدی دەکرێت و تەواوکەری ئاینیەکانی ترن،ئەگەرچی هەر ئاینە و دەستور و یاسایەکی تایبەتی خۆی هەیەو بوەتە پەیڕەوێکی نەگۆڕ و سەپێندراوە بەسەر خەڵکدا،لەگەڵ ئەوەشدا جیاوازی ڕەگەزەکانی تیابەدی دەکرێت و بەتایبەت ڕەگەزی مێینە، کە زۆری لەسەر وتراوە لە بچووکترین جیاوازییەوە تادەگاتە گەورەترینیان کە وەک دیاردەیەکی زەق لەنێو کۆمەڵگەی ئیسلامیدا ڕەوچاو دەکرێن و لە زۆر وڵاتانی ئیسلامیدا تەنانەت لەسەر بچوکترین هەڵەی ڕەگەزی مێینەی تیا بەردباران دەکرێت و بەدیوەکەی تریدا هەڵسەنگاندنێکی تر لە دەقەکانی قورئاندا بۆ ئافرەتان دەکرێت، ئەویش بەهەشتی لەژێر پێی ئافرەت داناوە و لەگەڵ ئەوەشدا لە هەمان بەهەشتدا، ئافرەتان خەڵات دەکرێن و گرەوی لەسەر ئارەزوی پیاوانی ئیماندارانی ئیسلامی لەسەر دەکرێت و پتر لە حەفتا ئافرەتی حۆرییان پێ دەبەخشێردرێت، ئەمە مەزاری ئەو حەقیقەتە مردوەیە لەگەڵ ڕێزم بۆ هەندێک ئیمانداران و باوەڕدارانی ئاین و ئیسلامیەکان پێیان وایە ئەو حەقیقەتە زیندووە،کە مافی ئافرەت بوون لە دنیای واقیعی ئیسلام و کلتوری وڵاتانی ڕۆژهەڵاتدا زیندووە.!ئافرەت نیوەی کۆمەڵگەیە!کاتێکیش باس لە بیر و ڕاو ئازادییەکانی ئافرەت دەکرێت،بەم شێوازە پێناسەی بۆ دەکرێت، ئافرەت نیوەی کۆمەڵگەیە بەڵام بە پێچەوانەوە لە کۆمەڵگەی ڕۆژهەڵاتدا بە تایبەت کۆمەڵگەی کورد و کۆمەڵگەی جیهانی ئیسلامی، کلتورێکی پیاو سالاری و باوک سالارییە و ئافرەتان بە گشتی لاواز دەبینرێت و بەتایبەت لە بارودۆخی ئێستای وڵاتانی ڕۆژهەڵاتدا تاوان بێ ئەندازە بەرامبەر بەئافرەتان دەکرێت و تەنانەت بەمەبەستی ژیانی هاوسەرگیری فرەژنی وەک کلتور و جۆرێک لە لاساییکردنەوە و زۆربەی پیاوانی وڵاتانی ڕۆژهەڵات،تام و چێژی لێ دەبینن و بچوکترین تەمەنی منداڵی ژیانی هاوسەرگیرییان پێ دەکرێت و وەک کاڵایەک کڕین و فرۆشتنیان پێ دەکرێت، لە وڵاتانی ڕۆژئاوانێوەی کۆمەڵگە ژنان بەڕێوەی دەبەن و زۆر ترین سەرکەوتن بە خۆوە دەبینن و بەڵام لە کۆمەڵگەی جیهانی ئیسلامی ، تابێت مافی ئازادی ژنان و کەمتر دەبینرێن و زۆرترین مافیان لێ زەوت دەکرێت.!