دکتۆر کەمال میراودەلی: من رەخنە لە دەسەلاتی بێ دەستوور و نادیمۆکراتی و ناشەرعی دەگرم.

شایەتنامەیەکی شەشساڵیی! ئەمە بەشێکە لە چاوپێکەوتنێک پێش شەش ساڵ, ئەمڕۆ فەیسبووک خستییەوە سەر لاپەڕەی بیرهاتنەوە. لە کاتی خۆیدایەتی تا پێشینەی فشەیی و هیچوپووچی ئەوانەی بەخۆیان دەڵێن گۆڕان و حیزب، گوایە […]
هاوکارییەکەت تەنها کلیک کردنە سەر ئەو سمبولانەی لای خوارەوەیە

شایەتنامەیەکی شەشساڵیی!
ئەمە بەشێکە لە چاوپێکەوتنێک پێش شەش ساڵ, ئەمڕۆ فەیسبووک خستییەوە سەر لاپەڕەی بیرهاتنەوە.
لە کاتی خۆیدایەتی تا پێشینەی فشەیی و هیچوپووچی ئەوانەی بەخۆیان دەڵێن گۆڕان و حیزب، گوایە ئۆپزیسیۆنەکانی تر تێ بگەن. وەک لە هەڵوێستی خۆم بەرامەبر هەڵبژاردنی ئەم دوایی یە روونمکردەوە: [هەموو لە ستراتیجی گەوادیی بۆ هەردوو بنەمالە بەشدارن]..
هەڵبژاردنی باشوورم وەک سەگوەر دێتە پێش چاو. لە کاتی هەڵبژاردندا هەرجی خراپە بە شیڕە و نەڕە بە بنەمالە و پارتی دەلێن. دوای ماوەیەک وەک سەگیكی خویڕی کە بە فڕیدانی پارچە نانێک حیز دەبێ بۆ بودجە و پاراستنی خانەنشێنیی و خانەنشینەکان و پۆست وپارە، حیز دەبنەوە و دەچنە ناو دەسەلات و بەرامبەر هەموو تاوانەکان و خۆفرۆشتنەکان سەریان حیز دەکەن بە تایبەتی بەرامبەر گەورەترین کارەساتی گەوادیی نەتەوەیی لە مێژووی مرۆڤایەتییدا کە فرۆشتنی شەنگال و ئێزیدییەکان بوو بە داعش و لە پشت ئەوانەوە ئەردۆگان و تورک].

ئەمەی خوارەوە دەقی چاوپیکەتنەکەی پێش شەش سالێ ڕەبەق]
لە چاوپێکەوتنێکدا لە گەل گۆڤاری باشوور کە لە دهۆک دەردەچێ و بە ماوەیەکی زۆر پێش ئەم کۆبوونەوەی دوایی سەرانی گۆڕان و یەکێتی کراوەولە 10 ی ئەم مانگەدا بلاو دەبێتەوە دوکتۆر کەمال میراودەلی رەخنەی توند ئاراستەی سیستمی سیاسیی کوردسان بە دەسەڵات و ئۆپۆزیسیۆنەوە دەکا و دەڵێ:
* من پێمناخۆش نییە بە دەدستووری پەسندکراو لە لایەن میللەتەوە بنەماڵەی بارزانی ببنە ‘عائیلەی مالیکە’، بەلام ئێستا لە کۆمەلێک عودەی و قوصەی زیاتر نین.
* ئەوەی پێی دەوترێ ‘گۆڕان’ درۆیەکی گەورەو خیانەتێکی بەردەوامە لە خوێن و خەبات و خەونی خەلك.
* ناعەدالەتی لە کوردستان لە پەڕەسەندندایە چونکە خەلکی کوردستان سەرکردەیەکییان نییە کە بەشەرەف و راستگۆیی یەوە لە بەرەی خەلکدا بێت.
* باسکرنی پرۆژەدەستوورێکی مردوو کە دوای 21 ساڵ دەوری سفری لە بەرێوەبردنی ولاتدا نییە لە کارێکی ساختەچییانەو بێشەرمانە زیاتر نییە.
* لە کاتێکدا خەلک بە ئازادی خۆیان منیان بە سەرۆکی شەرعی خۆیان هەڵبژاردووە من چۆن ئەو خیانەتە لەگەڵ دەنگی خەلک و ویژدانی خۆم دەکەم کەسێكی بە تەزویرو فێڵ و زۆر هەڵبژێردراو بە سەرۆکی خەلک بزانم؟ با ئەم شانازییە بۆ سەرانی گۆڕان بێ.
* لە ژێر ترسی هەڕەشەی مەسعود بارزانییدا فەرەج حەیدەری ماوەی هەلبژاردنی سەعاتێک بۆ شالاوی تەزویر درێژ کردەوە.
* تاقە دەستکەوتێکی کورد دەستووری عێراق و ٪17 ی داهاتی عێراقە کە کەم نییە گەر بە خیانەت و دزیی و گەندەڵیی تالان نەکرێ. بەلام مەسعود بارازنی لە پێناوی دەسەلاتی بنەمالەیی خۆیدا و بە فیتی تورکیا کار دەکا ئەمەش هەڵوەشێنێتەوە.

ئەمەی خوارەوە تەواوی چاوپێکەوتنەکەیە:

1- چ ده‌رمانێك ده‌توانێت برینه‌كانی قوربانی 31 ئاب چاره‌ بكات؟
31 ی ئاب کارەساتێكی نەتەوەیی و تراژیدیایەکی ئینسانییە، چەندین دامێنی هەیە، قوربانییەکان، کە زۆر ئاوارەبوون زۆر شەهید بوون، تەنیا لایەنیکی تراژیدیایەکەیە. بەوە چارەسەردەبێت:
1- لە جیاتی پاکانەو شانازی پێوەکردن، سەرانی پارتی دان بە هەڵە وتاوانی ئەو خیانەتە نەتەوەییە گەورەدا بێنن
2- بەرەسمی لە رێگای پەرلەمانەوە داوای لێبوردن لە نەتەوەی کورد بکەن و وبەڵینی شەرەف بدەن کە هیچ کارێکی بێگانەپەرستیی و کوردکوژیی دووبارە ناکەنەوە و هەموو کاتێ بەرژەوەندی نەتەوەیی لە رێگای دەستوورو یاسا و دامەزراوەی نەتەوەیی دەستووریی و دیمۆکراتییەوە پێش بەرژەوەندی کەسیی و بنەماڵەیی و حیزبیی دەخەن.
3- یاسایەک لەلایەن پەرلەمان بە پالپشتی هەموو حیزبەکان و میللەت دەرچێ بە ناوی “یاسای راستیی و داد” – ماف بدا بە هەموو قوربانییەکانی کارەساتەکەو قوربانییەکانی ئەنفال وشەڕی براکوژیی و [داواکاری گشتی لە جیاتی گەل بە گشتیی و لە جیاتی ئەوانەی نەماون یان کەسوکاریان نەماوە کار بکا،] تا داوای هەقسەندنەوەو داد بکەن وهەموو قەرەبوو بکرێنەوە.
4- پارتی لەهەموو ئەو دەسکەوتانە دەست هەڵگرێ کە لە رێگای ئەم خیانەتە نەتەوەییە گەورەوە بەدەستیان هێناوەو هەولێر بە رەسمی لە رێگای بڕیارێکی پەرلەمانەوە بکرێتە پایتەختی ئازادیی و ئاشتیی و کەلتوورو دەزگاو دامەزراوە نەتەوەییەکان و لە رێگای لیژنەیەکی هاوبەشی پەرلەمانیی و ئەنجومەنێکی پارێزگاو پارێزگارێکی راستەوخۆ هەلبژێردراو، کە حیزبیی نەبێ و دەزگای حکومیی و کۆمەلگای مەدەنییەوە بە رێوەببردرێت و رێگە بە حیزبایەتییی و دەسەلاتی تاکڕەویی هیچ حیزبێک لە هەولێردا نەدرێ و هەموو ماف و ئازادییە سیاسیی و مەدەنییەکان بۆ خەلکی پایتەخت زامن بکرێن.
5- لێکٶلینەوەیەکی یاساییی و دیراسەیەکی ئەکادیمی قووڵی مێژوویی و هەمەلایەن لە لایەن دەستەیەکی پسپۆڕی تایبەتییەوە ئەنجام بدرێ کە دادوەرو یاسازان و ئەکادیمی پسپۆری بیانیش تێیدا بەشدار بن بۆ لێکۆلینەوە لە هەموو هۆکارو بنج و بناوانی ئەم تاوانە بە تایبەتی ئاشکراکردنی دەوری سەرانی یەکێتێش لە پێش هەموویانەوە جەلال تالەبانی لە دروستکردنی هەلومەرجی گونجاو بۆ ئەم تاوانەو درێژەپێدانی و دووبارەکردنەوەی.

2- زور ره‌خنه‌ له‌ حوكمی بنه‌ماله‌ ده‌گرن، پیت وا نیه‌ ئه‌م شێوازه‌ له‌ گه‌ل زهنیه‌تی خه‌لك ده‌گونجێ؟
من رەخنە لە حوکمی بنەماڵە ناگرم. من رەخنە لە دەسەلاتی بێ دەستوور و نادیمۆکراتی و ناشەرعی دەگرم. من رەخنە لە رژێمی دەسەلاتی کوردی دەگرم کە لە بنەماکانی کۆمالگای مۆدێرن:
1- زانست
2- دیمۆکراسی
3- یاسا
4- ئەخلاق بە تەواوەتی بێبەرییەو دەسەلاتی بنەمالەی بارزانی رەهاو نادەستووریی و قەرەقوشیی نوێنەرایەتییەکی ناشیرینی ئەو دەسەڵاتە نا دەستووریی و ناشەرعیی و نا مەدەنییە دەکەن. سەیر کەن ئێستا کوڕەکانی بنەماڵە هەموویان بوونە عودەی و قوصەی کوردستان و بەتەواوەتی و بە زیادیشەوە جێگەی بنەمالەی سەددام تکریتییان گرتۆتەوەو هەموو کوردێک هەست دەکا کە سەددام ماوە. ئایا ئەمە رەوشیکی راست و عەقڵانییەو لە بەرژەوەندی بنەمالەی بارزانی و کورد دایە؟
شتێک نییە لە تیئۆری سیاسیی دەسەلاتدا بە ناوی حوکمی بنەماڵە بەو شێوەیەی لە کوردستاندا هەیە. لە زانستی سیاسییدا سسیتمی دیکتاتۆری قەرەقوشی هەیەو سسیتمی دەسەڵاتی دەستووریی، کە دەشێ مەلەکی بێ یان کۆماریی.
من هیچ گرفتێکم نییە کە بنەماڵەی بارزانی ببنە عائیلەی مالیکە گەر ئەمە لە ئیرادەی میللەتەوە بێ و میللەت قبوڵی بکات. بەلام دەبێ ئەمە لە دەستووردا بچەسپێ و ئەرک و ئیمتیازەکانیان بە دەستوور روونبکرێنەوە و زۆرینەی خەڵک لە رێگای رێفراندۆمەوە دەنگ بۆ ئەو دەستوورە بدەن و قبووڵی بکەن. نەک لە دەرەوەراو لە سەرەوەرا لە ریگای نۆکەرایەتی بۆ دەولەتە داگیرکەرەکان و دزینی سامان و بودجە و داگیرکردنی مڵکوماڵی خەلک و دەزگای پاراستن و تێرۆرەوە بسەپێنرێ. تەنانەت دیکتاۆرترین رژێمیش دەستووریی هەیەو دیکتاتۆر یەکەم جار دەستوور دەگۆڕێ ئەوسا دیکاتۆرییەتەکەی پراکتیزە دەکا.، لای ئێمە دەسەلات خێلەکی و خیانەتاوییە، دەسەلاتی رەهای دزیی و داگیرکردن و بەرەڵایی و بێدادییە. سەیرە سەرانی کورد بە پارتی و یەکێتییەوە هەست بەو بێ ئابڕوویی یە بەردەوامە ناکەن کە شەوو رۆژ باسی دەستووری عێراق کە دەولەتی عێراقی داگیرکەری پێ دروستکرایەوە دەکەن و داوا دەکەن مالکی لە دەستوور لانەداو دەبێ هەموو حوکم و بریارو رەفتارو کردارێک بە پێی دەستوور بێ، کەچی دوای 20 ساڵ تازە باسی ئەوە دەکەن کە پرۆژەی دەستوورێکی مردوو کە سەدی سفر دەوری لە بەرێوەبردنی ولاتدا نییە، بگەڕیتەوە بۆ پەرلەمان یان نا. بە ناو ئۆپۆزیسیۆنی مردووش هەمان قەوانی بۆش و میللەت هەڵخەڵەتێنەر دووبارە دەکەنەوە.
بەرێزتان دەڵین شێوازی حوکمی بنەمالە لە گەڵ زیهنییەتی خەڵکدا دەگونجێ؟ ئایا ئەمە راگەیاندنێکە لەگەڵ بنەماکانی زانست و دیمۆکراسی و یاسا و ئاکار دەگونجێ؟ ئایا شتێکی گشتیی وا هەیە پیی بوترێ زیهنییەتی میللەتێک؟ ئایا کۆزانێکی (کۆنسێپتێکی) ئایدایالی نازانستیی نییە؟ چووزانی خەلک حوکمی بنەمالەی پێ باشە؟ ئایا ڕیفراندۆمێک کراوە؟ یان بە شێوەی نافەرمیش رای خەلک ئەزموونکراوە؟ ئایا دەستووریک یان یاسایەک هەیە رێگای حوکمی بنەماڵەیی ودەسەلات و ئیمتیازاتی رەهای هەزارمێردیی بنەمالەی بارزانی بدات؟ ئایا حوکمی رەهاو نادەستووریی و دزیی و داگیرکاری وبەدرەوشتیی و قومارو بەهەدەردانی سامانی گشتی و ریگەگرتن لە دروستبوونی ژێرخانی ئابووریی و دامودەزگای دەستووریی نەتەوەیی، هتد لەگەڵ بنەماکانی ئەخلاقی نەتەوەیی و ماف و ئازادی تاکەکەس لەم سەردەمەدا دەگونجێ؟ ئەمەیە کارەسات کە هیچ ستانداردێک و پێوانەیەکی زانستی بۆ گوتاری سیاسیی و تەنانەت رۆژنامەگەری کوردییش نییە.

3- ده‌نگوی خو پالاوتنی سلاحه‌دین محمد بهائه‌دین بو سه‌روكایه‌تی هه‌رێم، چه‌نده‌ مژده‌به‌خشه‌ بو بردنه‌وه‌ی؟
من ئاگام لەم دەنگۆیە نییە. بەلام موژدەبەخشیی یانی چی؟ سەرۆکایەتی هەرێم گەر بە پێی دەستوورێک ئەرک و ئیمتیازەکانی دیاری نەکرێ و بە یاسا بەرامبەر پەرلەمان بەرپرسیار نەبێ و خەلک نەتوانێ موحاسەبەی بکاو پەرلەمان نەتوانێ چاودێری بکاو سنووری بۆ دابنێ ئەوە نەبوونی باشترەو پێویستە نەمێنێ و وەک لە کاتی خۆپالاوتن و کەمپەینەکەم داوام کرد لە جیاتی ئەوە ئەنجومەنێکی تری هەلبژێردراو وەک ئەنجومەنی پیران دروست بکرێ. گەر سەرۆکایەتی هەرێم بمێنی بە باوەڕی من نابێ ئەو کەسەی پالێوراو دەبێ بۆ سەرۆکی هەرێم حیزبی بێت. کەسایەتییە حیزبییەکانیش تاقیکراونەوە هەر ئەوەندەیان پێدەکرێ، کە کردوویانەو پلەو ناوێکی نوێ هیچ ناگٶڕێ. بەلام دیارە بڕیاری دوایی بۆ خەڵکەو گەل بڕیار دەدا کە کێی دەوێ و کێی ناوێ ئەگەر هەلومەرج و ژینگەو پرۆسەی دیمۆکراسی راستەقینە هەبێ.

4- ئه‌و شه‌پوله‌ جیهانیه‌ی له‌ روژهەلاتی ناوین بوچی نه‌یتوانیوه‌ ناعه‌داله‌تی له‌ كوردستانیش بله‌قێنیت؟
لە کوردستان حیزبێک و هێزێکی سیاسیی نییە کە لە میللەت و لە ناوجەرگەی خەلکەوە هەڵقوڵابێ و نوێنەرایەتی خەلک بکاو رابەرییان بکاو بە شەرەف و ویژدانەوە راستگۆ بێ لەگەڵ خەلک. هەموو لە ئاستی سەرکرادیەتیدا بە بریارو فەرمان و پرۆژەی داگیرکەران دروست بوون و نوێنەرایەتیی بەرژەوەندی داگیرکەران و کەلتوورو فەرهەنگ و ئایدیۆلۆجی داگیرکەران دەکەن لە کوردستاندا. لە کوردستان بێدادیی و دزیی و داگیرکاریی زۆر زیاترە لەوەی لە میسرو لیبیا هەبوو. بەلام هێزێکی ئۆپۆزیسیۆنی رێبەرو راستگۆ نەبوو. ئەوەی پێی دەوترێ گٶڕان لە درۆیەکی گەورەو خیانەتێکی بەردەوام لە خوێن و خەبات و خەون و ئاواتی خەلک زیاتر نییە. بەیانە بۆشە حەوت خاڵییەکەی کۆمپانیای وشە ئەو حەوت فیشەکە ئینتیهازییانە بوون کە ئاراستەی سنگی راپەرینی خەلک کرا و شەش پاکیجەکەی ئۆپۆزیسیۆنیش ئەو شەش پارچە پەڕۆیە پیسە بوون کە تەرمی راپەڕینی خەڵکی تێدا پێچرایەوەو پێشکەش بە بنەمالەی بارزانی و تاڵەبانی کرا. نەبوونی ڕێبەری راستگۆ و رێکخراوی راستەقینەی خەلک هۆی سەرەکی هەرەسپێهێنانی شەقام و کۆمەلگای مەدەنی و کەسی تاکی ئازادو سەربەخۆو خەباتی خەلک و هیوای گۆڕینە لە هەرێمی کوردستاندا.

5- له‌ كاتێكدا تو به‌ ئازادی له‌ كوردستان ده‌سورایه‌وه‌ وچویته‌ دهوكیش له‌ هه‌لبژاردنه‌كانی پێشوو كه‌س رێگری لێتنه‌ده‌كرد، ئئ بوچی دوای ئه‌وه‌ ده‌نگت لێوه‌ هات كه‌ ئه‌م پروسه‌یه‌ به‌ ناشه‌رعیت له‌ قه‌له‌م دا؟
پێش هەموو شتێک من کوردم و کوردستانییم و کوردستان بە دهۆکیشەوە ولاتی خۆشەوسیتی خۆمە. ئیدی کە لە ولاتی خۆمدا بە ئازادی بسوڕیمەوە ئەوە منەتە؟ وەکی دیش، من کاندیدی سەرۆکایەتی هەرێم بووم وەک مەسعود بارزانی و برادەرەکانی تر. بە پێی دەستوورو یاسای هەلبژاردنی عێراق من دەبوو ئازاد بم و مافی یەکسانێشم هەبێ. بەلام راست نییە تەنانەت سووڕانەوەی ئازادیش نەبوو. دەبوو هەمیشە پاسەوانی تایبەتی خۆم لەگەڵ بن. لە هەموو کوردستاندا هۆلێکی کۆبوونەوە نەدرا بە من کە قسەی تێدا بۆ خەڵک بکەم. هیچ دەزگایەکی راگەیاندن نەک مافی رێکلامیشیان نەدامێ دەنگوباسی چالاکییەکانی منیشیان بلاو نەدەکردەوە لە کاتێکدا 280 دەزگای راگەیاندنی حیزبیی پارتی و یەکێتیی لە خزمەتی کامپەینەکەی بارزانی دابوون و وەک لە کاتی خۆیدا باسم کرد سەرۆک کۆماری عێراق ببووە بەڕیوەبەری کامپەینەکەی مەسعود بارازنی بە سەدان ملیۆن دۆلارو هەموو دەزگاکانی سەربازی و مەدەنی حکومەت لە خزمەتی ئەودا بوون. سەرباری هەموو ئەمانەش گەر من ئازادی ئەوەم هەبووبێ پیاسەیەک بە دهۆکدا بکەم خەلک ئەو ئازادییەی نەبوو بە ئازادیی قسە لەگەڵ من بکەن. پاراستن وەک شەیتان بەسەر خەلکەوەیە، هەڕەشەی گرتن و جەزرەبەو نانبڕێن بەرامبەر هەرکەسێک لە بنەمالە بەولاوە کەس یان هێزی تری بوێ، هەموو دەمێ لە ئارادا بوو. هێشتا پارتی لە دهۆک بە ئارەزووی خۆی فۆرمەکانی دەنگدانی پڕ دەکردەوە لە هەولێریش دوای ئەوەی لە دوای سەعات چوارەوە بۆیان دەرکەوت دەنگی من لە ئاستی کوردستاندا زۆر زیاتر دەبێ کودەتایەکی گەورەیان دژی هەلبژاردن کردو بە زۆر سەعاتێکیان ماوەی هەلبژاردن بۆ ئەنجامدانی ئەو کودەتایە درێژ کردەوە.

6- ئێستا ئوپوزسیونیش دان به‌ شه‌رعی بوونی سه‌روكی هه‌رێم ده‌نێت ئایا تو ئیعترافی پێده‌كه‌یت؟
راستە نەک ئێستا هەموو دەمێ ئەوەی یێی دەوتری ئۆپۆزیسیۆن دانی بە شەرعییەتی نەک سەرۆکایەتی هەریم بەلکو دەسەلاتی بنەمالەیی دا ناوەو بە ئاشکراو نهێنی کاری بۆ بەهێزکردنی ئەو دەسەلاتە کردووەو سیستمی کۆیلایەتی مووچەو کۆیلایەتی بووجەی قبووڵ کردووە و بەشدار بووەو بەشدارە لە دروستکردن و سوودلێوەرگرتن وهێشتنەوەی ئەو سیستمەدا. لەم رووەوە کۆمپانیای وشە بە تایبەتی خیانەتیکی گەورەیان لە خەلک کرد. ئەوان دەیان وت کە باوەریان بە سەرۆکایەتی هەرێم هەر نییە. بەرنامەی منیش ئەوە بوو کە سەرۆکایەتی هەرێم هەر نەهێڵم و لە رێگای هەلبژاردن و دەنگی دیمۆکراتی خەلکەوە ئەنجومەنیکی دیمۆکراتی تر جێی بگرێتەوە، ئاشکراشە من لە ئاستی هەموو کوردستاندا دەنگی یەکەمم ‌هێنا و یەکێتی و گۆڕان –ش ئەمە باش دەزانن و ئەو کوردانەی لە بەغدا لە کۆمیسیۆنی هەلبژاردن بوون ئەمە باش دەزانن کە تەنیا لە رێگای کوەدتای فێل و تەزویر لە هەولێرو دهۆک بارزانی توانی بە زۆرەملێ %70 بۆ خۆی بسەپێنێ. پارتی و یەکێتتی هەردووکیان %55 ی دەنگەکانیان هێنا ئەی چۆن مەسعود بارزانی %70 ی هێنا؟ لە کاتێکدا من ئاگادارم کەجگە لە جەماوەری گۆران و یەکگرتوو-و کۆمەڵ و هەموو حیزبەکانی تر، بەدلنیایی یەوە جەماوەریکی یەکجار زۆری یەکێتی لە کاتێکدا بۆ هەلبژاردنی پەرلەمان دەنگیان بۆ لیستی کوردستانی دا بۆ هەلبژاردنی سەرۆکایەتی هەرێم دەنگیان بۆ من دا بە تایبەتی هێزەکانی پێشمەرگەو ئاسایش و گەنجان. واتە مەسعود بارزانی لە ژمارەیەکی یەکجار زۆر لە دەنگی یەکێتی بێبەش بوو ئەی چۆن لە لیستی کوردستانی زیاتر دەنگی ‌هێنا؟ تەزویرو فێڵ و خیانەتەکە ئاشکرا بوو. تازە من لەکەسێکی نزیک سەرانی پارتی ئەوەم بیست کە دوای ئەوەی مەسعود بارزانی تینی بۆ دێت و دەزانێ دەیدۆڕێنێت و کەمال میراودەلی دەنگی یەکەم زۆر بە زیادەوە دێنێت راوێژ بە کەسانی نزیکی دەکاو ئەوانیش پێشنیاز دەکەن ماوەی هەلبژاردن سەعاتێک درێژ بکرێتەوە تا شالاویكی فراوانی تەزویر جێبەجێ بکەن. سەرانی پارتی تەلەفون بۆ فەرەج حەیدەری دەکەن و داوای ڵیدەکەن کە ماوەی هەڵبژاردن سەعاتێک درێژ بکاتەوە. ئەویش دەلێ هیچ رێوشوێن و ڕێسایەک نییە کە رێی ئەمە بداو ئەمە کارێکە شایانی کردن نییە. زۆر هەولی لەگەڵ دەدەن رای خۆی ناگۆڕێ و دەڵی ئەمە لە دەسەڵاتی مندا نییە. ئەمجار مەسعود بارزانی بۆ خۆی تەلەفونی بۆ دەکا. فەرەج حەیدەری هەمان شت دووبارە دەکاتەوە، مەسعود بارزانی زۆر توورە دەبێ و داوای لێدەکا دەسبەجێ ئیدستیقالەی خۆی لە پارتی پێشکەش بکا. فەرەج حەیدەری دەترسێ و دەزانێ ئەمە مانای ئەوەیە کە پاراستن لە ناوی دەبا یەکسەر رای خۆی دەگۆڕێ و هەرچۆنێ بێ فەرمانەکەی بارزانی جێبەجێ دەکاو سەعاتێک ماوەی دەنگدان درێژ دەکاتەوە. ئەمە سەعاتی کوودەتا بوو بە سەر دیمۆکراسی و دەنگ و ئیرادەی ئازادی خەڵکدا.
هەروەها چەند جار لە کاک نەوشیروان بیستراوە کە مەسعود بارزانی لە سەر دوو شت لە ئەو نیگەرانەو ئامادە نیەی بیبینێ: وەختی خۆی دوای گەرانەوەی لە ئێران بە مەسعود بارزانی وتووە ئێمە باوکتمان بە سەرۆک قبووڵ نەبووە چۆن تۆمان قبووڵ دەبێ و هۆی دوەمیش ئەوەیە کە گوایە کەمال میراودەلی کاندیدی گۆڕان بووەو گۆڕان ئەوی دژی بارزانی راست کردەوە. هەرچۆنێ بوو من بە دەنگێکی زۆر زیاتر لە هەموو ناوچەی گەرمیان و سڵیمانی و کۆیە تا تەقتەق و سنووری تەزویری پارتی بردمەوەو خەلک منی بە سەرۆک هەلبژارد. بەلام دیارە کۆمپانیای وشە منی زۆر بە خەتەرتر دانا لە سەر خۆیان لە بنەمالەی بارزانی. چونکە من قەت حیزبیی نەبووم و بەشیک نەبووم لە مێژووی خیانەتاوی شاخ و دزیی و داگیرکاریی و گەندەڵی شارو بە راستی دەمەویست و دەمەوێ دەسەلاتی مەدەنی دیمۆکراتی دەستوورو یاساو دادپەروەریی و کۆمەڵگای شاریی و رێکخراوی جەماوەریی ئازاد لە سەر بنەمای
1- زانست
2- دیمۆکراسی
3- یاسا و
4- ئەخلاق
بچەيسپێنم. و بە یەکجاری حیزب و دەسەلاتی مافیای حیزبی لە کاروباری حکومەت و ژیانی ئابووریی و کۆمەلایەتیی و رۆشنبیریی خەلک دوورخەمەوە. واتە بە ئایدیالیترین و یاساییترین شێوە دروشمەکەی گۆران بۆ جیاکردنەوەی حیزب و حکومەت بە ئەنجام بگەیەنم. ئەو پرۆگرامە فراوانەی پار لە کاتی خۆپیشاندانەکاندا بلاوم کردەوە بەرجەستەی ئەو بۆچوون و ئامانجانەیە کە تەنانەت دەزگاکانی کۆمپانیای وشە ئامادەنەبوون بلاویشی بکەنەوە.
15- من چاوەرێی ئەوەم دەکرد ئۆپۆزیسیۆن بە تایبەتی گۆڕان هەرگیز دان بەدەسەلاتی مەسعود بارزانی لە ناوچەی سلیمانی و گەرمیاندا نەنێن کار بۆ ئەوە بکەن بە زوویی هەلبژاردنی پارێزگاگان بکرێ و لەو دوو ناوچەدا ببنە هێزی ئیدارەی سیاسیی یەکەم وچالاکییەکی بەرفراوانیش لە هەولێرو دهۆک دەستپێکەن. بەلام هەر لە حەفتەی یەکەمی دوای هەلبژاردن دەستیان کرد بە موساوەمەو ماستاو بۆ بارزانی و کردیانەوە بە مەرجەعی یەکەم و لە 31 ی ئابی دوای هەلبژاردن چوونە خزمەتی تا مەرحەمەت بکاو نانبراوەکانیان بۆ بگێڕێتەوەو نێچیروان بارزانی- شیان وەک پالەوانی رێفٶرم لە ناو پارتیدا بۆ خەلک وێنا کردوثیوەندی بەردەوامیان لەگەڵ دامەزراند و هەموو قورسایی خۆیان خستە سەر دژایەتی کاک کۆسرەت و دوکتۆر بەرهەم و من. ئەمانە ئێستا نالێم کاتی خۆی راگەیاندنم لە سەر هەموو ئەو کارە نەشیاوانەو بەشداریی بێ مانایان لە فشە- پەرلەمانەکەی کەمال کەرکوکیدا بلاوکردنەوە. هەروەها دوای سێ مانگ لە هەڵبژاردن نامەیەکی تایبەتی دووردرێژم بۆ کاک نەوشیروان ناردو زۆر لەمانەو بیرو رێبازیی گٶرینی راستەقینەم بۆ روون کردەوە. بەلام هیچ ئەنجامی نەبوو. ئەمانە و ئەو هەموو ئەو کۆبونەوە نهێنییانە لەگەڵ رەمزە گەندەڵەکانی بنەماڵەکان لە گەرمەی خۆپێشاندانەکان و خۆسووتاندنەکاندا، و بیدەنگ بوون لە ئاست ئەو هەموو دزیی و داگیرکاریی و ناهەقی وگرتن و فڕاندن و سووکایەتپێکردن و تاوانانەدا کە رۆژانە بەرامبەر خەلک دەکرێ و لە جیاتی ئەوە پێوەندی گومانلێکراوو کۆبوونەوەی نهێنیی لەگەڵ رەمزە گەندەل و تاوانکارەکانی دەسەڵات و ئینتیهازییەتێکی رووت و قووت، بە ئاشکرا ئەوەی دەرخست کە بەداخەوە ئەوەی پێی دەوترێ گۆڕان بەشێک نییە لە خەم و خەباتی خەلک و هەرگیز بەرنامەی گۆرینی سیستمی نەبووەو نییە بەلکو بەرنامەی بوون بە شەریک و هاوبەشی ئەو سیستمە گەندەل و تاوانکارو دزو داگیرکەرەی هەیە و حاشا لەوەی بزوتنەوەیەکی نوێ بێ بەشیکی جەوهەریی جیانەبۆوەی دروستکەرو دروستکراوی سیستمی حیزبیی کۆیلایەتی مووچەو کۆیلایەتی بووجەیە. لە بەر ئەوە بەڵی شتێکی زۆر ئاسایی یە کە ئەوان سەرۆکی هەرێم بە سەرچاوەو دەستوورو دەسەڵاتی شەرعیی و مەرجەع دابنین تا کار بگاتە ئەو ئاستەی کە پارتی بەوە نارازیی بی کە ئەوان بە مەسعود بارزانی بلێن : سەرۆکی هەرێم. سەیری کەن شتەکان چۆن پێچەوانە بوونەوە!
نەخێر لە کاتێکدا خەلک بە ئازادی خۆیان منیان بە سەرۆکی شەرعی خۆیان هەڵبژاردووە من چۆن ئەو خیانەتە لەگەڵ دەنگی خەلک و ویژدانی خۆم دەکەم کەسێكی بە تەزویرو فێڵ و زۆر هەڵبژێردراو بە سەرۆکی خەلک بزانم؟ با ئەم شانازییە بۆ کۆمپانیای وشە بێ.

7- هه‌رێم چوون ده‌توانێت له‌م هه‌موو معادلاته‌ نێوده‌وله‌تیانه‌ قازانج بكات؟
قازانجکردن لە هاوسەنگییە جیهانییەکان بە دوو شیوە دەبێ: هەبوون و ناسینی خۆت و ناسینی ئەوی دی. لەوەتی رووخانی میدیاوە دەرفەتی وەک رووخانی رژێمی سەددام و نەمانی عێراق و بنکۆڵبوونی دەسەلاتی ناوچەیی دەولەتە داگیرکەرەکان بۆ کورد دروست نەبوو بوو. سەرانی کورد ئەم دەرفەتەیان بە بلیۆنەکانی بڕێمەر فرۆشت وەک مورتەزەقە عێراقیان دروستکردەوە نەک لە سەر بنەمای ڕێککەوتنێکی سیاسیی بە پێی یاسای نێودەوڵەتی و ناوبژیی دەولەتە زلهێزەکان و رازیبوونی نەتەوە یەکگرتۆکان کە ئەمە پرۆسەی راستەقینەی سوود وەرگرتنە لە هەلەکان و هاوکێشەکان. کورد هیچی نەدەویست سەربەخۆ بێ ئەوە نەبێ لە جیاتی ئەوەی عێراقچێتیی بکا بڵێ ئێمە ناچینەوە ناو ولات و دەوڵەتێک کە ئێمەی ئەنفال وجێنۆساید کردووە. ئەمەم زۆر وت و زۆرم لە سەر نووسیوە نامەوێ دووبارەی بکەمەوە. لە ناوەوەش کە دەستووری بڕیارداروو پەسندکراوی خۆت و دەزگای نەتەوەیی دەستووریی و مەدەنیی خۆت نەبوو، یەکێتی نەتەوەیی و دادپەروەرییت بەرامبەر خەلکی خۆت نەبوو، یانی کیانی سیاسیی هەرێمیی یان نەتەوەیی باوەرپێکراوت نییە و ملکی هەموو کەسێکی هی خۆت نەبێ. تاقە دەستکەوتێکی کورد دەستووری عێراق و %17 ی داهاتی عێراقە کە کەم نییە گەر بە خیانەت و دزیی و گەندەڵیی تالان نەکرێ. بەلام مەسعود بارازنی لە پێناوی دەسەلاتی بنەمالەیی خۆیدا و بە فیتی تورکیا کار دەکا ئەمەش هەڵوەشێنێتەوەو خزمەتی ستراتیجی تورک لە ناوچەکەدا بکات بە بێ ئەوەی تورکیا هیچ رێکەوتن و ئیلتیزامێکی ةیونەتوەیی لەگەڵ کورد هەبێ و لە کاتێکدایە کە حکومەتی تورک تاوانکارترین و فاشیستانەترین رەفتار بەرامبەر 20 ملیۆن کوردی باکوورو زمان و کەسێتی و کەلتووری کوردی دەنوێنێ.

هاوکارییەکەت تەنها کلیک کردنە سەر ئەو سمبولانەی لای خوارەوەیە
دکتۆر کەمال میراودەلی

about دکتۆر کەمال میراودەلی