نیاز حەمید برایم: ڕاپۆرتێکی گرنگ.

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

بەمانایەکی دیکە، جۆزیف دانفۆرد، سەرۆکی دەستەی ئەرکانی سوپای ئەمەریکا، دەڵێت: تا ئەردۆگان بمێنێت داعشیش دەمێنێت.

داعش ئەمجارە چی دەکات؟!.
پارتی و دەزگای جاسوسی میت، زیاتر لە 4000 – 6000 تیرۆریست وەک سوپای یەدەگیان لەبەردەستە.

جۆزیف دانفۆرد، سەرۆکی دەستەی ئەرکانی سوپای ئەمەریکا هۆشداریدا کە چەکداری تازەی بیانی مانگانە زیاتر لە 100 چەکدار دەچنە ناوداعشەوە و لە رێگای تورکیاوە داخلی سوریا دەبن.
دەڵێت: وێرای ئەوەی ناوچەکانی ژێر کۆنترۆڵی داعش لە تەنگ بونەوەدایە، لێ بەبەردەوامی چەکدارە تازە دەچنە ناو ئەو رێکخراوە تیرۆریستیە و لە تورکیاوە بەوەو سوریا دێن.
دووپاتی ئەو راستیەی کردەوە کە هێزەکان سوریای دیموکراسی زیاتر لە 700 چەتەی تیرۆریستی لە 40 دەوڵەتەوە لەلایە و، لە زینداندان، بێ ئەوەی دەوڵەتەکانیان بیانبەنەوە ، ئەمەش هۆکارێکە هانی خەڵکی لەو شێوەیە دەدات بۆ ئەوەی پەیوەندی بە داعشەوە بکەن و لە رێگای تورکیاوە لە سنور بپەڕنەوە بۆ سوریا.
پێش سێ ساڵ مانگانە 1500 چەتەی چەکداری بیانی دەچوونە ناو داعش و بۆ سوریا و عێراق لە رێگای تورکیاوە ،تەڤلی تیرۆر دەبون.
دانفۆرد لە لێدوانیدا لە کردنەوەی کۆنگرەی قەڵاچۆکردنی توندوتیژیی، پێداگریکرد کە دەبێت ئەوانەی کە دەچنە ناو داعشەوە دەبێت دادگایی بکرێن و ئاوا رێگەیان نەدرێت.
تا ئێرە ئەو لێدوانە گرنگەی دانفۆرد بوو، لێ ئەوەی مایەی شرۆڤەکردنە دیارە پیلان و نیەتی تورکیایە بۆ داهاتویەکی نزیک.
تورکیا لەسایەی رژێمی دیکتاتۆر ئەردۆگان، دەیەوێت ئەمجارەش لە رێگای گروپە تیرۆریستەکانەوە تەدەخول لە سوریا وعێراق بکات، بەڵام بەشێوازێکی زۆر جیاوازتر لە جاران، ئەگەر پێشتر دەیویست خیلافەتی عوسمانی لە رێگەی خیلافەتی داعشەوە لەگەڵ ئێران ناوچەکە دابەش بکەن، لێ ئەمجارە گۆرانکاریی لە تەکتیک بۆ هەمان ستراتیژ دادەرێژێت.
ئێستا هاوسەنگی هێزەکان وەک پێشوو نییە، گۆڕانکاری جەوهەری تێدا رویداوە:
1- پێشتر ئەمەریکا بوونی لە ناوچەکە نەبوو کاتێ لە 2013 داعش دەستی بە داگیرکردنی شارو شارۆچکەکان کرد، ئێستا بوونی بە هێزی هەیە.
2- ستاتیۆی رۆژئاڤا – باکوری سوریا ئاوا ناوچەیەکی فرەوانی لە بەردەست نەبوو وەک ئێستا کە زیاتر لە 35 – 40 ٪ خاکی سوریا لە ژێر کۆنترۆڵە.
3- پەکەک وەک هێزێکی کاریگەر ئێستا لە حالەتی بەرەڤانی بۆ هێرش بردندا یە بۆسەر رژێمی تورکیا.
4- عێراق و هەرێمی کوردستان ئاوا ناکۆک نەبوون، هێزە شیعییەکان و سونەکان تەنانەت کوردیش تارداەیەک یەکبوون لێ ئێستا پەرش وبلاوی هەیە.
5- بۆیە دورستبوونی هاوپەیمانیش گۆڕانکاریی گەورەی بەسەردادێت، تورکیا لەگەڵ ئێران و رژێمی سوریا وقەتەر لەبەرەیەکدا خۆ دەبییننەوە لەدژی ئەمەریکا و ستاتیۆی باکوری سوریا.
نەخشەی سیاسی و سەربازی سوریا ئەگەر چاوبدەینێ ، دوو هێز زۆرترین خاکیان لەبەردەستدایە، هێزەکانی سوریای دیموکراسی کە ئەمەریکا پشتیوانی لێدەکات، بەشەکەی دیکەش رژێمی سوریا لە رێگای روسیا و ئێران و مێلیشیاتە تیرۆریستەکانی سەر بە تورکیا.
هەر بۆیە بەرەیەک بەم شێوەیە دورست دەبێت ، ئەمەریکا وپەکەکە لە لەلایەک، لەلایەکی دیکەوەش تورکیا وئێران و پرۆکسیەکانیان لە چەتەکانی حزبولا و پارتی و یەکێتی و حەشدی شەعبی و داعش.
ئەم ریزبەندییە بەتایبەتی دوای فشارەکانی ئەمەریکا بۆ سەر ناوچەکەوە دێت، بەتایبەتی دوای پلانەکانی ئەمەریکا بۆگەمارۆ و سزای زیاتر بۆ سەر ئێران کە تورکیاش دەگرێتەوە.
هەر بۆیە ناوچەکە لەبەردەم شاڵاوێکی رەشی تیرۆر خۆی دەبینێتەوە، هەمان مۆدێلی تیرۆر لە سەرەتای پرۆسەی ئازادکردنی عێراق لە 2003 لە دژی ئەمەریکا بوو، ئەمجارە لە سوریاوە دەستپێدەکات، عێراقیش بە هەرێمی کوردستانیش دەگرێتەوە.
دەنگۆی بەهیز هەیە تورکیا و ئیران لە بەهێزکردنی داعشن لە عێراق و هەورەها سوریاش، بەشێک لە فەرماندەکانی داعش ئێستا لە ناو حەشدی شەعبین.
رێزدار ساڵح موسلم دوێنی ئەم راستیەی ئاشکراکرد کە رژێمی سوریا و ئێران بەهەماهەنگی روسیا داعش دەپارێزن.
زیاتر لە 4000 – 6000 تیرۆریستی داعش لە سەربازگە نهێنییەکانی پارتی و دەزگای جاسوسی میتن، ئەوانە سوپای تیرۆری یەدەگن.
کشانەوەی حەشدی شەعبیش لە ناوچەی شنگال و تەلەعفەر بەشێکە لەو پیلانە.
ئەگەر لەماوەیەکی کورتدا پێکهاتنی حکومەتی عێراقی دوابکەوێت یا روونەدات، ئیدی عێراق باشتر دەکەوێتە ناو ئاژاوەکە، دوور نییە حوکمی عورفی لەسەرتاسەری عێراق رابگەینرێت، جونکە ناکۆکییەکانی نێوان ئەمەریکا و ئێران و تورکیا لەسەر خاکی عێراق لەو پەڕیدایە.
هاتنی وەزیری دەرەوەی تورکیا بۆ بەغدا، بۆ کردنەوەی کۆنسوڵخانە لە موسڵ، بەشێکە لە پیلانی سەرلەنوێ تیرۆر لە عێراقدا ئەگەر پێشوو دژی گەلانی عێراق و سوریا بوو ئەمجارە دژی ئەمەریکا و پەکەکەیە..
با چاوەڕێ بکەین ئارگۆمێنتی گرنگ لە ئایندەی نزیکدا، دەستبەر دەبێت بۆ سەلماندنی ئەو پیلانە کە لەسەرەوە ئاماژەم پێداوە.

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت